حوامل شهر ابريل 2007

مرحبا ياحوامل ابريل ياكسولات :)


راحله انا ماتشوفين شر حبوبه وبأنتظار مشاركاتج معانا لو بمرحبا :)

وانتي بخير روح الحب وينعاد عليج بالخير والبركه

ان شاء مافي الا كل خير بنت النواعم والله انا ماعندي فكره ان شاء الله البنات مايقصرون

بنات اقصد امهات انا فيني التهاب خفيف بالبول عزكم الله وماعطوني علاج ومافي حل اقدر اسويه ما ادري اشلون بيروح
بس خوفتني الدكتوره انها قالت انه ممكن يسبب ولاده مبكره :(
الله يستر من اهني لي الاسبوع الجاي لو ما تعدل الوضع لازم اخذ علاج وما ادري شنو مضاره علما بانها تقول انه من النوع الامن الا ان خطورته الوحيده انه يسبب ولاده مبكره

..
.

كــيــفــكــم حــوامـــل ..

شخباركم مع الحومل والبرد :)

ما احد ابد الله يعين انا بتنتظر لي الاسبوع الجاي لانه تقول التهاب خفيف ولو استمر ممكن تعطيني مضاد حيوي الله يعينا بس لان الولاده المبكره بصراحه تخوف خصوصا انها ممكن تخرب ترتيباتي للولاده بالكويت ..

هبه الرسول وانتي بخير غلاتي
والله هذا انا من الخووف اشرب بهالماي عل وعسى افتك ويروح الالتهاب ولو انها طمنتني تقول ما منه مضار والله كريم ان شاء الله

ها ما جهزتوا للبيبي وللولاده والله انا شريت لي قطعتين بس وشغلات عاديه كل حاطه في بالي السونار غلط
وغير هذا ما استقريت وين ابي اولد .. فقلت انتظر لين استقر وابدي اجهز
لو في احد منكم جهز خلونا نعرض صور اللبس الي شريناه ولا اشرايكم :)

الخنساء .. روح الحب.. MoonStones.. &هدهد&.. هنوووفه وينكم ان شاء الله بخير ..؟

..
.

مرحبا كروووشاااااااااات


واللله اشتقت لكم

سلينا .......... ماحد ابد ........... شربوا ماااااااااء النارجيل لان بنت عمي حامل وجاها التهاب والدكتوووره نصحتها بماء النارجيل وكااانت تشرب منه واااادي والحمد الله تحسنت بسرعه ورااح الالتهاب الصراحه انا اشوف هذا احسن بوااايد من المضادات الحيويه ....... يعني طبيعي مافيه اضرار





اخ اخ ....... ذكرتوني بوجع الظهر اان بمووووووووت من وجع الظهر ما اقدر انام ولا اقعد ولا اوقف وما ادري شو الحل معاه قريت في كتااااب ان الجلوس في حوض ماء دااافي يزيل الالم وسويت لكن ما شيي فايده ...... وبعدين جديتي نصحتني وقالت لي ان الماء الحار مو زين للحامل ....... وكنت احط فكس وكااان الالم يرووح لكن بعد وحده قريبتي قالت مو زين لانه حااار ........ فمو عااارفه شو اسوي مع الم هالظهر


اذا وحده عندها حلل تخبرنا ..........


بنااات عندي سؤال بعدكم تاكلون الفيتامينات لاني اان الصراحه ملييت منها وما اخذها الحين الا نادر لانها تسوي لي حراره بطني ..... ؟؟؟؟؟


بنت النواعم الغاليه ان شاء الله مافي شر ما دام دكتوورتج تقول لج كل شي طبيعي يمكن يكووون من التعب او انج تبذلين مجهوود .......وان شاء الله يتتم لج بخير وتقومين بالسلامه وتقر عينج بشوفه


راحله حياج الغاليه ويااانا



اما عن التجهيزات اانا رحت دبن هاامز عندنا في دبي وكان مسوي تنزيلاات ومريت على ملابس الاطفااال الصراااحه شي يهبللللللل اشياااء رووووعه عندهم بس زوجي ما رضى نشترى لحد نص الشهر الثامن الصراحه انا اتغربت منه ليش ما يبي يشتري مع انه كاااان بيمووت على لبس الاطفال في المحل ولما سالته ليش ما خليتني اشتري ......... جواب كااان ........ ان واااحد من ربعه لما احملت حرمته كااان يجهز من الشهر الرابع وبعدين االله ما كتب له ينولد الولد وتوفى ........ انا قدرت هذا الشي بس يالله الي كاااتبنه رب العالمين بيصير الشهر الاول والا الاخير والله يتمم علينا وعليكم بخير يااارب وتقر عيوونا بشوفهم ........


ايه بشاره الامساااك راااح لاتنسوون اكلووو فواكه تراااه واايد زينه .....



الخنسااااء وينج الغاليه اشتقنا لج




يالله تصبحووون على خير



هنوووفه

السلام عليكم يا احلى حوامل

كيفكم و شو اخباركم
أسأل الله ان تكونو كلكم بكل خير و عافية
كيف كان عيدكم
يلا كل وحدة تقول لنا كيف كان العيد معها شو لبست وين راحت كيف قضته
ابتدي انا... و لا شي ما حسيت اصلا انو في عيد زوجي كان مداوم طول العيد شفت مسائي طول الليل بالشغل و طول النهار نايم يعني لا رحت و لا اجيت بس شريت طقمين ملابس حمل توب و بنطلون و قضيت العيد في البيت و انتو قولولي شو اشتريتو للعيد و كيف قضيتوه؟؟؟

بنات الي عندهم التهاب انا اول الحمل صار عندي بداية التهاب بس غسلت بعسول ديتول المضاد للبكتيريا يومين و اختفى أسألو دكاترتكم و جربوه و ان شاء الله خير و سلامتكم الف سلامة ما تشوفون شر ......

يا هلا بالجداد هنوووفة، ام خلفووون و حورية الحور يا هلا و الله فيكم بيناتنا طمنونا عنكم دائما و اكتبولنا اخباركم (ام خلفون انا موعد ولادتي قبلك بيوم يعني يوم 15-4:shy: )

بنت النواعم سلامتك حبيبتي الف سلامة ريحي حالك لان التعب هو السبب الرئيسي بهالافرازات المزعجة ما تشوفين شر

الخنساء سلامتك حبيبتي قلقتينا عليكِ اقول لسة امس جارتي قالتلي وصفة تخفف التهاب الحلق اذا تريديها بكتبلك اياها ترى الوصفات الطبيعية صحية اكثر .. الادوية مو كويسة عالحوامل ....

بنات انا لغاية الان ما اشتريت شي كلما نروح السوق و اريد اشتري شي زوجي يقلي بدري خليها لبعدين نشتريه كله سوى بس انا ما عندي صبر نفسي اشتري يلا هانت ... وانتو جهزتو شي؟

امس رحت المستشفى سوتلي الدكتورة تحليل السكر و قالتلي ما في شي الحمد لله و بعد عملولي تخطيط و رسم للقلب لاني اشتكيت للدكتورة اني احي ان قلبي يدق بسرعة بيتعبني و احس اختنق شوي نفسي يضيق يعني فقالتلي اعملي تخطيط و عملت و قالولي ما في شي اجهاد من الحمل الحمد لله

صحيح بنات كم كيلو صرتو زايدين من اول الحمل للأن؟

طولت عليكم صح!

يلا سلام و انتظر الردود على كل تساؤولاتي
اختكم(f)
روح الحب

مرحبااا حوامل ..

هلا روح الحب عاش من شافك من زمان عنك..

بخصوص الاسأله والعيد بصراحه بما اني بعيده عن اهلي فما عيدت بمعني الكلمه الا اني رحت لصلاه العيد ..
بالنسبه لملابس العيد والله بس ركبت بدله لاني بصراحه مالقيت شي يصلح الا اني ركبت قميص طويل وجاكيت( بالطو قصير) على جينز حوامل :) مع اكسسوار ,,

امل بالنسبه للزياده بالوزن عندي موعد بعد بكره لكن اعتقد اني زايده لي حد الحين 7 كيلوو والله يستر من الجاي شكلي بزيد عدل علما بان زيادتي لحد الان طبيعيه ولله الحمد ..

اما للتجهيز انا مأجله الى ان ارجع قبل الولاده ان شاء الله


..
.