باركو لي ولدت وجبت ولد ...وهاذي قصة ولادتي

السلام عليكم ويرحمة الله وبركاته

اظن انكم تتذكروني ....ولا يمكن نسيتوني لاني من زمان ما دخلت

المهم ابي اقولكم قصة ولادتي ....

طبعا انا كان موعد ولادتي 20-7 بس ولدت 17-7 والالم جاني الفجر ...طبعا خلوني اقولكم قصتي في اخر يوم حمل عندي ...كنت في الدوام ..وكنت اعاني من اسهال حاد من ايام ...وفجأة حسيت بتعب مب طبيعي ..حسيت نفسي تعبانة وثقيلة ...والاسهال ما وقف ...اتصلت على الاهل وجاو خذوني ولما رجعت البيت رقدت وما تغديت ...وما قعدت الا الساعه 5 المغرب ..رحت لبست ملابسي ونزلت عند اهل ريلي وقعدت اسولف وياهم كانت اخت زوجي عندنا لانها كانت توها مربيه قاعده الاربعين عندنا ..وهم يقولون لي متى بتربين وانا اقولهم مابقى شيء كلها م يوم ان شاء الله ...وكنت طول الوقت اكل رطب واشرب قهوة وام زوجي حاطة فيها مسمار...وانا اكل في هالرطب من غير حساب ...وعقب جات عندنا مره من ربع عمتي ...وكانت طيبة وقالت لي ماربتي ...قلت لها لا والله توني شكلي مطولة ..قالت لي لا تحاتين بتربين ان شاء الله على موعدج اللي الله كاتبه لا تحاتين ...المهم رحت ارقد ومعاي بنتي وريلي كان في الدوام مناوب ...فجأة جاني الم في بطني ...وركضت على الحمام وكان اسهال الله يعز السامعين ..رديت رقدت ...وكانت الساعه 2 ونص ..المهم انه بعدها بدقايق رد لي الالم مرة وثانية وانا اركض للحمام ..شوي شوي قام يزيد عندي ...اتصلت على ريلي وقلت له انه يمكن ولادة ...قالي روحي تحت وقولي لامي ...استحيت وخفت يكون طلق كاذب ...تميت اتالم واتالم لين الساعه خمس ...وانا احاول انام بس مافي فايدة الالم يزيد ,,وانا كل ما يجين الالم اشد على تحت ...فقلت في نفسي خلني اقوم اتسبح واجهز نفسي يمكن اكون ولادة ...رحت تسبحت ..ولبست ملابسي مالت طلعه على اساس اكون جاهزه للروحة اذا زاد الالم ...ما وعيت الا الالم يزيد ويزيد ...نزلت تحت ودورت ام ريلي ما لقيتها ...طلعت فوق وانا اصيح وكلمت ريلي قالي سكري بكلم امي وبرد عليج ...راح اتصل بامه وقالها عني ..مسكينة جاتني ركيض ...ولاحظت ان الالم كان حار ورى بعض ..ونطرت لين جاني زوجي الساعه ست ونص ...ووداني المستشفى ...وصلت هناك على السبع الا خمس تقريبا ...المهم فحصوني وقالو لي اني من سته لسبعه ...استانست ...وودوني غرفة الولادة ...طبعا كانت الولادة مؤلمة ومارضو يعطوني مخدر ..تالمت الم فظيع ...وطلعت عيني بس اول ما ولدت ..نسيت كل الالم وانا اشوفة فديته ...نسيت اقولكم اني جبت ولد فديته ...عسى الله يخليه لي ....

اتمنى اني ما طولت عليكم