بنفسوجه تباكم في سالفه
أريش العين
30-08-2006
19 رد
1,276 مشاهدة
سلام عليكم ورحمة الله وبركاته
مسا الخيير او صباح الخير .. كلن حسب توقيته :gum:
شحاالكم يالطيبيين ..:shy: ربكم بخيير
اممممممممممم انا اول مره اكتب في هالركن .. ...<<<<<<<<<ماعندها مشاكل الحمدلله
صراحه كان لي نيه من زمان اني اكتب بس اهون .. بس اليوم قررت اكتب واقولكم باللي في خاطريه
انا بنيه كملت 17 سنه .. ان شاء الله هالسنه بكون في صف ثالث ثانوي في القسم العلمي ..
مشكلتي يا بنات اني مالي هدف .. ادرس بس جييه من دون هدف .. يعني ما اعرف شو بدرس بعد المدرسه شو بتخصص .. شو بسوي .. جامعه ولا كليه ..
وهذا شي يتعبني .. خاصه يوم يسالوني شو تبين تتخصصين عقب المدرسه اقولهم ما ادري :sad:
ما يصير لازم الواحد يكون عنده هدف وحاط شي جدامه ويبغي يوصله ..
هذا مع العلم اني ولله الحمد .. طالبه شاطره يعني اعتبر متفوقه في دراستيه ..
يوم كنت صغيره يعني ايام الابتدائيه كنت احلم اني ادرس طب .. بس الحييينه غيرت رايي .. ايلس في البيت اهون من اني ادرس طب ... يعني مب ميولي ولا اهتماماتي
اوكيه قالولي فكري في الهندسه ... ما احب الهندسه وبعد مالي اي ميول لهالفرع
قالولي دخلي IT ( تقنية معلومات ) اممممممممممممم لها مستقبل ومطلوبه في الشغل ..
بس الحينه الكل يدخل هالتخصص ووايدين خريجين لهالتخصص يعني يكفون ويوفون
لازم ادخل تخصص يكون مطلوب .. ويفيدني ويحتاجه المجتمع .. ودي ارد لو شي بسيط لبلادي .. بس ما اعرف كييف
ما اريد ادخل تربيه .. ولا اريد ادارة واقتصاد ولا اريد كل هالتخصصات .. احس لازم اسويلي تخصص بروحي :sad: مالقيت اللي يرضي ميولي ..
ماعندي هدف .. عيل ليش ادرس .. ليش اييب نسبه عاليه .. هذي كلها امور تخليني انصاب باحباط وما ادرس وبعدين ما بييب نسبه زينه .. :sad:
مع هذا عندي اخين اكبر عني .. واحد متخرج من الهندسه والثاني بعده يدرس طب .. هالثنينه عمرهم ما حطو هالتخصصات في بالهم ولا كان في يوم من الايام هدفهم الهندسه والطب بس سبحان الله نصيبهم جييه
وفي شي ثاني بعد شاغلني ..
مرات اقول ما ابى ادخل الجامعه ابدا بدرس في كلية التقنيه العليا .. بس القى اغلبهم معارضيني ..
على قولتهم مافي داعي تدرسين وتيبين نسبه اذا تبين تدخلين التقنيه .. لانه عادي اي نسبه اقدر ادخل فيها التقنيه ..
ودي اعرف انا اشو ابى بالضبط عشان اسعاله .. ودي اعرف شو يناسبني ..
احس تفكيري كله ملخبط .. بين شو بسوي هالسنه وكيف بنظم دراستيه وشو بسوي السنه اليايه وشو بدخل من التخصصات ..:confused:
بنفسوجة
,
,’ نسيم الشوق’,
مشرفة سابقة
30-08-2006 | 04:57 PM
الله يوفقك ان شاء الله
بدري الحين تتكلمين على هذا كله حطي كل تركيزك على دراستك الحين
وبعد ما تتخرجي فكري في اي قسم بتدخلين
بس المهم لا تحبطين نفسك المجموع لازم منه لا تقولين التقنيه مو شوط اجيب مجموع ولا غيره
انتي لاحظي نفسك ايش الي انتي مايله له وادخليه واكيد راح تلاقي
بس زي ما قلت لك حطي بالك على دراسك الحين
هي الاهم
وماتعرفي ربي كاتب لك ايش من هنا الين ما تخلصي
الله ييسرلك ويوفقك
بدري ؟؟؟؟ ليش بدري .. لازم يكون عندي هدف ..
لازم اكون من قبل حاطه شي في بالي واريد اييب نسبه عشان اوصل هالهدف ؟؟ صح ولا لاء
اممممممممم ميولي .. انا احب الشعر والقرايه وامور ثانيه مالها داعي تنذكر .. يعني ميولي ما اقدر اوظفها في الشي اللي اباه ..
اممممممم ان شاء الله .. بحاول اركز في دراستيه وبعديين افكر في هالموضوع .. بس احسه شي صعب .. هالمضووع ينفرض عليه وعلى تفكيري ..
شكرا الغاليه على مرورج وردج ..
بنفسوجة
انا كنت نفسج
وللاسف ليلحين نفسج
انا الحين تخرجت من الثانويه
وسجلت بمكان مالي ميول فيه
سجلت فيه بس لان دراسته سهله ومستقبله الوظيفي مضمون واعرف بنات هناك
والا من ناحيه اني احبه والا لا
بصراحه ما احبه
بس شسوي ؟؟
ما لقيت التخصص اللي احبه
انا احب تصميم الازياء بس ماله مستقبل وظيفي ابــــــــــــــــــــداً
ويبيله راس مال وفراغ وجرأه
يمكن افكر فيه بعد ما اتخرج
بس حبيبتي لا تشيلين هم
انتي الحين ركزي على دراستج عشان تتخرجين بمجموع حلو يدخلج اي مكان تبينه
والله يوفقج
اختي بيانسيه
هلاا حبوبه .. نورتي الصفحه
ترى هي هاي المشكله .. انا حاليا ماعندي هدف ( ممكن ما اعتبرها مشكله )
لكن اني اوصل لرحله اختيار التخصص وانا من دون هدف ومن دون ما اعرف انا شو ابى ( هنيه فعلا بتكون مشكله )
انا ما اعرف ادرس شي ما احبه .. حتى مواد المدرسه اللي ما احبها .. ما ادرسها الا وقت الامتحان يعني مب من النوع اللي اقدر اغصب عمري على شي ما احبه .. صعب ادرس تخصص ما اريده لانه بس له مستقبل وظيفي وربيعاتي فيه وبس ..
مشكووره الغاليه على ردج وربي يوفقج ويسهل علييج
بنفسوجة
انا نفسج بالضبط
بس يعني شسوي ؟؟
اقعد بالبيت ؟؟ ما اكمل دراستي؟؟
ما يصير اختي مو كل شي تحبينه تلاقينه >:
والتخصصات محدوده للاسف
هلا و مرحبا فيج الغالية بنفسجة العين
و بالتوفيق ان شاء الله بالنسبه للثانوية العامة
شوووفي الغالية،، أنا خريجة جامعه زايد،، صح اتخرجت بس تدرين
اني دشيت الجامعه و طلعت و أنا مب عااااارفة شو كان أو شو هو هدفي
أنا حاااااسه فيج لانه الواحد صعب يتحرك أو يخطووو اي خطوه مهمة في حيااته
وهو مش عاااارف شو هدفه
هدف كل انسان يتغير بتغير تربيته و اعتقاداته و قيمه،، و احس البنت الاماراتية
هدفها انها تكمل دراستها و تنجح و ترفع راس والديها و تفرحهم
و تكون فرد نافع في المجتمع عشان ترد جمايل هالوطن الغالي
هذا اعتقد اعم هدف،، بالنسبه لج
الغالية الحين انتي ركزي على دراااستج و حطي ببالج أنج بتيبين
نسبة حلوووه و تفرحين فيها،، هذا أهم شي الحين،، هذا هو هدفج على مدى هالسنه
و انتي في خلال هالسنه فكري شوي شوي عن الكلية أو الجامعه
اسألي ربعج ولا خوااات ربعج عن الكلية و الجامعه
و سوي مثل جدول فيه سلبيات و ايجابيات كل جهه دراسية
حتى الدراسة برى البلاد ( اذا هلج يسمحوون لج) حطي من ضمن الجدول
وكل ما سمعتي عن تخصص فلاني،، دوري في النت معلومات عنه
حاولي تبحثين عن شي انتي تميلين له
اذا انتي ميووولج الكتاااابه ممكن تنمين هالشي عن طريق دخووولج
تخصص الاعلام،، بس طبعا حطي في اعتبااااارج اذا هذا التخصص له مستبقل ولا لا
يعني أكيد مب تدخلين تخصص انتي مووول مش عايبنج بس له هدف و العكس نفس الشي
أهم شي توازنين بين الي تحبينه و بين الي له مستقبل
هذي نصيحتي لج و انصح فيها كل بنااات العايله الي جدامهم مستقبل
و ان شاء الله أكووون افدج ولو بشي بسيط
و اذا تبغين اي سؤال أنا حاااااضرة
و الله يوفقج و يوفقك الجميع ان شاء الله
والسمووحه
الله يوفقج بنفسوجه
بس شوفي التخصصات العملية اللي فيها ابداع وعمل وتطوير للقدرات واللي تبدعين فيها
يعني ابتعدي عن التخصصات النظرية والدولة ماتحتاجهااا
*
*درب المحبه*
عروس برونزية
30-08-2006 | 10:18 PM
اختي انا بعد كنت نفس حالتج
خلصت الثانويه وماكنت اعرف وين اروح ولا شنو ادرس
اول شي قلت بدرس آداب انجليزي
استخرت بين الآداب وبين علوم اداره واقتصاد
سجلت انجليزي لان قالوا لي مايصير اسجل في كلية الادارة
المهم بعد فتره سمعت ان في فتحوا باب التسجيل لكلية الاداره
وسجلت فيها
سبحان الله اول شي ماكان يصير وبعدين الله يسرها لي
وترى كلية الاداره فيها تخصصات الدنيا
مادري اذا انتوا عندكم هالتخصصات
مثل
اداره عامه
محاسبه
تسويق
نظم معلومات اداريه
وبعد في تخصصات ماذكرها
امممم
اذا تبين تخصص جيد
علوم ماليه ومصرفيه
او شؤون دوليه
بالتوفيق
بنفسوجة حبيبتي
يمكن انا ما عندي هدف معين كل شوي وانا اقول شي
بس شو تسوي اسألي البنات شو تخصصاتهم وليش اختاروه اسألي بنات من الجامعة حد من قرايبك واسألي بنات لسه شو يبون يدخلون وشوفي بعدين السنة بطولها معاك
ووقت النسبة الله بيسهلك التخصص اللي نصيبك فيه
ووقتها بتصلين صلاة الاستخارة وبتشوفون والله يكتبلك اللي فيه الخير
بس اهم شي تركزين على دراستك وانسي التخصص الحين بس اتأكدي لما تحصلين النسبة الحلوة بتقدرين تتدخلين اللي تبينه بدون ما تلاقين معاناه والله ما يضيع تعب
بنفسوجة حبيبتي
يمكن انا ما عندي هدف معين كل شوي وانا اقول شي مرة صيدلة مرة هندية ديكور مرة ترجمة لغات
بس شو تسوي اسألي البنات شو تخصصاتهم وليش اختاروه اسألي بنات من الجامعة حد من قرايبك واسألي بنات لسه شو يبون يدخلون وشوفي بعدين السنة بطولها معاك
ووقت النسبة الله بيسهلك التخصص اللي نصيبك فيه
ووقتها بتصلين صلاة الاستخارة وبتشوفون والله يكتبلك اللي فيه الخير
بس اهم شي تركزين على دراستك وانسي التخصص الحين بس اتأكدي لما تحصلين النسبة الحلوة بتقدرين تتدخلين اللي تبينه بدون ما تلاقين معاناه والله ما يضيع تعب
هنالك الكثيييييييييير من التخصصات الجميلة:
1) طبعا لاني مهندسة:clap:
2) صيدلة:ok:
3)طبيبة اسنان:shy:
4) لغات وترجمة( اجليزي فرنسي الماني)................وهذا انصحك فيه لاني يلايم البنت :z_clap: ومطلوووووووووووووووب
5)تصميم غرافيكي
6)مهن طبية مساندة( صناعة نظرات وفحص نظر....)(})
7) ممكن تختصري الطريق وتاخذي دورة صيانة ذهب ومجوهرات او أزياء({)
نصيحتي لك اختاري انت التخصص مو هو يختارك يعني انت بتعرفي ميولك لوين على هالاساس اختاري، العلم ليس لمجرد شهادة تاخذيها وتشتغلي الهدف انك ترتقي بنفسك وبالمجتمع........
:up:
سلام
الاخت بيانسيه
صدقتي والله .. ما باليد حييله .. مب كل شي نباه يصير
اشكرج على مرورج يالغاليه
بنفسوجة
ورد جوري
هلا وغلا فيج حبوبه
:qaq: تخرجتي وبعدج ما تعرفين شو كان هدفج .. اكتشفت انه وايد ناس جييه
يدرسون اي شي مب مهم يحبونه ولا لاء المهم يدرسون ويخلصون ويكون عندهم اي شهاده ؟؟:qaq: بس انا ما اقدر اسوي جييه ..
صح كلامج صعب الواحد يتحرك من دون ما يكون راسمله هدف .. بس انتي ماشاء الله عليج تحركتي وتخرجتي :clap: انا عادي اوقف دراسه اليين ما احطلي هدف ههههههههه وعاد الين ما القاه بيروغوني من الجامعه :confused:
فعلا هدف الواحد يتغير مع مرور الزمن خاصه لو كان صاحب الهدف صغير في سنه .. لانه ما بيكون راسم الهدف صح ولا حاط في باله الامور اللي لازم يراعيها قبل ما يحط الهدف ..
هههههههه اضحك على عمريه الصراحه يوم ذكر اني كنت ابى اصير دكتوره .. مع انها مهنة حلوه ووايد مهمه بس سبحان الله الحينه احسها بالمره ما تناسبني :qaq:
هههههه تدرين انا صارلي سنه اسوي بحث عن هالموضوع يعني في نطاق العايله وربيعاتي .. بس محد قدر يفيدني في شي .. كلهم تربيه ولا ادارة واقتصاد ولا تقنية معلومات ولا هندسة :angry:
بس انا ما يأست بعده البحث جااري ولازم اسويلي جدول فيه الايجابيات والسلبيات مثل ما قلتي
بس سالفة اني ادرس برع مستحيييل .. هلي ما بيطيعون :sad:
اممممممم اعلام ؟؟ لازم اسوي بحث بعد عن هالتخصص .. حلو بس انا حادره علمي وهالتخصص ادبي ؟؟ صح ولا ؟
يالله ربي يجدم اللي فيه الخير ان شاء الله ..
مشكووره حبوبه على ردج الحلو .. بصراحه ما قصرتي
بنفسوجة
هلا حبيبتي بنفسوجة
الموضوع ما يستاهل كل هذا يالغاليه
برجع لج ان شاءالله مره ثانية ..
لاب توبي بيسكر .. مافيه جرج !!!!!!!
نوسه
وانا بعد اقول جذييه ..
سلمتي يالغلا على مرورج
بنفسوجة
هلا حبيبتي بنفسوجة
يا سبحان الله و انا اقرأ كلامج حسيت اختي اللي تتكلم
اهي مثل حالج علمي و امتياز و السنة آخر سنة لها و مب عارفة شنو تختار للجامعة
انا ادرس نظم معلومات قلت لها اخذي مثلي و لا مثل اختنا الثانية تدرس بانكنغ
قالت مالي ميول بزنس
قال لها ابوي درسي طب قالت ما ابي ادرس طب خاصة انها ما تحب المستشفيات
و عذرها الثاني ما تبي تضيع 7 سنين من عمرها !!
قالت لها امي درسي ادب انجليزي لأنها رهيييبة في الانجليزي
قالت احبه كدراسة بس عقب ما ابي اتوظف مدرسة و لا مترجمة !!
قال لها اخوي تدرس هندسة معمارية قالت ما تبي لأنها تحسه تخصص رجالي !!
قلنا لها هندسة كمبيوتر لأنها شاطرة في هالشي قالت ما تبيه !!
و الله حيرتنا و مب عارفة شنو تختار و الله يستر على شنو راح ترسي
الله يوفقج و يوفقها و تتخصصون باللي يختاره قلبكم
علوم ماليه ومصرفيه
او شؤون دوليه
؟؟؟؟؟ لا لا لا ما احب هالتخصصات ..
هيه والله سبحان الله ربج دوم ايسر علينا .. يالله يصيير خير
شكرا الغاليه عمرورج وردج
بنفسوجة
قلب الورد
انتي خلييج على جنب هههههههه عقدتج من كثر ما اكملج عن هالموضوع
سبحان الله كلامج في المنتدى مثل كلامج في التيلفون .. يا اختي قولي شي يديد ههههههه
على العموم ولا تزعليين بنيبلج ان شاء الله نسبة حلوه بس بعديين غصبن عنج تطلعيلي تخصص يرضيني ..
تشكرات على مرورج
بنفسوجة
انا كنت حاطة ببالي ادرس بالجامعة
بس بعد ما استلمت النتيجة وطلعت نسبتي تدخلني كل مكان ابيه
اخترت اكون بين اهلي وأدرس بالطلية في منطقتي مع انها ما كانت كل ميولي
بس الحمد لله