السلام عليكم و رحمه الله و بركاته....
عزيزاتي لي صديقه من دول الخليج ... و هي انسانه متواضعه جدا و حبوبه و صداقتي فيها من زمان و اعرفها و اعرف اهلها ... ما شاء الله عليهم .... يعني ناس طيبين و اكرام ...
المهم ... انا في حيره شديده مش عارفه شو اسوي هذي البنت عمرها ما قصرت معاي ... احبها و اعزها وايد ...
قصتها قصه ... في يوم من الايام كنت قاعده معاها و حبت تشكيلي الحال كالعاده .....
هذي الانسانه تحب لها شخص و هذا الشخص مش من اصلها و لا من ثوبها ... الشخص و من دول الشام ...
تعرف عليها و سبحان الله حست انها تحبه ... تعرفت عليه و تكلموا مع بعض و من اول ما عرفها و عرف طيبه اخلاقها ...
راح كلم اهله عنها و حبوها و ظلوا ايكلمونها و بينهم مكامات يوميا اتكلم خواته و امه و ابوه ...
حبوها وايد و تعلقو فيها ... و صار دايما ايقولها زوجتي العزيزه ... و حتلى اهله ايقولولها ودنا نخطبج لولدنا ...
بس مثل ما انتم عارفين انه عاداتنا و تقاليدنا ما تسمح للبنات انها تاخذ واحد مش من بلدها ...
تعلقو في بعض و حبوا بعض وايد ... صار يعاملها مثل زوجته و هي نفس الشي ...
صارلهم الحين مع بعض 3 سنوات ... حب و اهتمام و رعايه ...
بس للاسف دايما تفكر انها تريد تتزوجه بس خايفه انه اهلها ما يوافقون عليه ... و هي ما تبى حد غيره ...
بصراحه انا مش عارفه شو اقولها .. اواسيها بس ما اعرف شو الحل المناسب لها ... و هي دايما تقولي ما اريد حد غيره .. و هو ما يبى حد غيرها ... مع العلم انه اهله سافروا و ظل الولد و اخوه و اخته نظرا لأنه اخته تزوجت من خليجي و اخوه يشتغل ....
بنااااااااااااااااااااااات بليز دلوني على الحل و قولولي شو اقولها وشو اسوي ما تهون علي اشوها بهالحاله تفكر في هالموضوع دايما :sad:
اذا هالشب ما في شي بعيبة غير انه من جنسية تانية فهدا حرام على اهل البنت انهم يرفضوا والرسول صلى الله عليه وسلم قال غربوا النكاح
ما على هدا الشب غير انه بتقدم للبنت ويتوكل على الله وما بصير غير ايلي الله كاتبة حتى لو كل الدنيا قالت لأ والله كاتبلهم نصيبهم مع بعض بدو يصير
والله يوفقهم
ويوفق جميع المسلمين
بصراحه الموضوه مره صعب
وانا انصحها تبتعد عنه
صدقيني اهل الشام لأهلهم واهل الخليج لأهلهم
وهي لو اخذته مصيره يحن على بنت بلده ومستحيل يحن عليها والا يهتم فيها مع مرور الزمن
اللي مثل هالنوعيه يهتمون للي عندهم بحسب اختلاف العادات والتقاليد
ومارح يتعود عليهااااا ,, كلها فترة معينه وخلااااص يحس انه شبع منها ويدور اللي مثله
¤
¤¦¤ glbUaE ¤¦¤
مشرفة سابقة
28-08-2006 | 11:10 AM
وعليكم السلام ورحمة الله وبركاتة
ياهلا ياألماس للأبـــــــــــــــــــد,,,,
تبين نصيحتي لربيعتج
خليهااا تبتعد أحس لها وله
وكلن له عادات وتقاليد وقبل لتسوي شي
تستخير من رب العالمين يعني تصلي صلاه الاستخارة
وان شاء الله يكتب الله اللي فية الخير
وتحاول قد المستطاع انها تبتعد بأي طريقة عنه لين مايحلها رب العالمين
ومن رايي اذا رفضو هلها خلاص تنساه
لن هلها أعرف بمصلحتهاا
¤
¤¦¤ glbUaE ¤¦¤
مشرفة سابقة
28-08-2006 | 11:13 AM
وعليكم السلام ورحمة الله وبركاتة
ياهلا ياألماس للأبـــــــــــــــــــد,,,,
تبين نصيحتي لربيعتج
خليهااا تبتعد أحس لها وله
وكلن له عادات وتقاليد وقبل لتسوي شي
تستخير من رب العالمين يعني تصلي صلاه الاستخارة
وان شاء الله يكتب الله اللي فية الخير
وتحاول قد المستطاع انها تبتعد بأي طريقة عنه لين مايحلها رب العالمين
ومن رايي اذا رفضو هلها خلاص تنساه
لن هلها أعرف بمصلحتهاا
ومن جهه أخرى
نفرض انها تزوجتة وشوة بيكون مصير الاطفال
بيتشتتون بين عادات الام والاب
وبين البلدين
وأكيد نسبهم بيكون لصالح الاب
ياليت لو تفككر بهااا الشي يكون احسن
اقنعيهااا لازم ترفضة وتشلة من حياتها نهائياَ
السلام عليكم ورحمة الله و بركاته
ابصراحة .... الموضوع صعب واااااايد
و الأصعب أنها تتواصل معاه لمدة ثلاث سنين
وهذا شيء في نظر الدين أولاً و العادات و التقاليد شيء خطأ
لأنها تتواصل مع رجل اجنبي مش لشيء
و الرجل الأجنبي هوه إلي مش من محارمها
و انا أضم صوتي لأختي أسيرة قلبه
اقنعيها في البداية أن النصيب موجود
سواء
تتزوجه ...... أو ...... لا
و كل الإحتمالين ياخذ 50% و مهما كان ما بيصير إلا المكتوب
لكن لو تقنعينها بعدين أنها إلا ما تلقى عائلة من ثوبها
ولي هيه ترضاه
لا تربط نفسها بيه
عشان ما تتبهدل مع مروووووووور الزمن
عليها أنها إتفكر بالعقل مش بالقلب
و الله إيسر أمور للي فيه الخير
لازم تطلب من الشاب ان يتقدملها رسمي من اهلها
حتى لو كانت تحس ان اهلها ماراح يوافقون
واذا ما وافقوا عليه توسط اشخاص كبار بالعايله عشان يتفاهمون مع ابوها واخوانها
وتحاول مع اهلها بكل وسائل الاقناع ان يتم هالزواج
لاااااااااااااااااااااازم تسوي جذي اذا كانت تحبه صج
والا عيل لي متى بيظلون جذي ؟؟
ما تدرين يمكن اهلها يوافقون عليه
يمكن يعجبهم اخلاقه وسمعته وشخصيته
وما يهتمون لمسئلة الجنسيه واايد
والله يوفقهم
مادام اخت الشاب تزوجت من شاب خليجي اعتقد ان حظ الشاب في الزواج من صديقتك كبير لانه في ناس من ديرتها مناسبين هالعيلة وهم مش غريبين عن عادات اهل الخليج ..
وانا اقول انه لازم الشاب يتقدم وممكن ياخذ معاه زوج اخته الخليجي لانه ابن البلد ولما بشوفوا اهلها انو ابن البلد مناسب هالعيلة بطمنوا اهل صديقتك ...
وعليها انها تتوكل على الله بس مثل ما قولتلك اذا تقدملها ياخذ معاه زوج اخته الخليجي...
وان شاء الله بتلاقي كل خير
اسيرة قلبه:
بصراحه الموضوه مره صعب
وانا انصحها تبتعد عنه
صدقيني اهل الشام لأهلهم واهل الخليج لأهلهم
وهي لو اخذته مصيره يحن على بنت بلده ومستحيل يحن عليها والا يهتم فيها مع مرور الزمن
اللي مثل هالنوعيه يهتمون للي عندهم بحسب اختلاف العادات والتقاليد
ومارح يتعود عليهااااا ,, كلها فترة معينه وخلااااص يحس انه شبع منها ويدور اللي مثله
أنا مع كل حرف كتبته اختي اسيرة جزاها الله خير( صدقيني اهل الشام لأهلهم واهل الخليج لأهلهم)
وترى هالقصص نسمعها واجد هالايام السيناريوا واحد والابطال يتغيرون والنتيجه وحده فشل وفشل ذريع بعد ماابي اعمم عشان مااحد يزعل لكن اقول 99 بالميه من هالعلاقاات مصيرها الفشل والندم
تسلمون يالغاليات ... و الله اسعدتني مشاركتكم انتظر اراء الاخرين ... بس حبيت اوضح انه ماله مصلحه في حبهم و انه مولود في الخليج...
اذا هيه متاكده مليون في الميه انه اهلها ما بيوافقون فلتنهي هذه المهزله التي لن توصلها لبر
و ان كان في أمل فليتقدم لها و لتصبح علاقتهم بالحلال
لانه مهما طابت عشرتهم الحين تراهم في الحرام مافي شي يجمعهم
رايي خطأ يحتمل الصواب :))) دمتم بود
نصيحتي انها تخليه يتقدم لها وتشوف ردة الفعل وترى مافي احسن من راي الاهل لانهم يبون مصلحة بنتهم اكييييييييد خليها تحاول واذا رفضو الافضل تبتعد عنه لان حرااااااااااااااااام تتواصل معاه
الموضوع بجد صعب .. بس مافي شئ صعب على رب العالمين ..
خله يجرب واللي الله كاتبه ان شاء الله بيصير ..
الله يوفق الجميع ..
كل شئ نصيب
والله سبحانه وتعالى يكتب لكل واحد من بيتزوج ومتى واهو في بطن امه
والمفروض من البداية يتقدم لها
ويخلي نسيبه يجي معاه
أما سالفة حب من وراء الجدران غل فديتك
والله يوفقها ويسوي لها الخير
انا مع الاخت رفيعة الشأن والله يعوضها خير انشاالله