مواقف الاطفال الغريبة.. الطريفة والمبدعة... شاركووونا !!

السلام عليكم ورحمة الله..

يشرفني اكون اول من ترد عليج اختي نور اليقين لأن موضوعج عجبني بالفعل..

واكثر المواقف اللي تطلع من اليهال هي لما يكلمونا بكلام اكبر من عمرهم !! واحنا دائما نفكر انهم ما يفهمون ولا يعقلون، لكن سبحان الله الطفل ذكي ويعرف كل شيء حوالينه..

ولدي صغير للحين ما صار لي مواقف وايد معاه، بس فيه موقف حزين ماحب اتذكره لأني كدت افقد وردة حياته فيه بسببي انا ولحد غيري :(

المهم :)
بذكر موقف ولدي اختي معاي.. قبل مدة..
كان عمره حوالي ال3 سنوات ونصف، وكنت لسه مخطوبة ..

كنت اتجهز لأن خطيبي بيمر علي وبنطلع سوا، جا ووقف جنبي يراقبني، وابتسم .. :)

ها شعندك حبيبي قول تحجى ؟

الا بس يقول: انا كشفتك الحين.. تاخذين فلوس من عند جدي ( أبوي انا) وتروحين لخطيبج وتقولين ماعندي فلوس وتاخذين مرة ثانية لاااااااااااااااا..!!!!!!!!!!!!!!!!!!!!!

انا بطلت عيوني على وسعهم!!!!!!!!!!! :eek2:

صج كلامه مب صحيح ، بس شعرفه ياهل بهالعمر عن هالسوالف ...

يوم شافني مبهوتة من كلامه مات ضحك علي !! :D2

هههههههههههههههههههههههههههههههههههههههه


الله يزيدك شرف دنيا وآخره عيوني ...


بالفعل موقف موتني من الضحك .. ع فكرة الأطفال في هالسن ماشاء الله عليهم ..


يتكلمون عن مواضيع إلا بالله منها ..

ماشاء الله عليه ولد أختك ..

طلع المراقب مالك ها ههههههههههههههههههه ..



ننتظر جديدك مع حسون ..

في موقف صار مع أخوي الصغير سلطان ..


ماشاء الله عليه جنوووووووون ..


المهم ذاك اليوم بنت عمتي نور موجودة عندنا .. وراح وداها غرفة أمي ..

المهم أخذ دواء أكتفايت اللي ينوم .. المهم جلسوا يشربوا هي واياه من دون ما أحد يعرف ..

مدري كيف قدر يجيب الدواء من الثلاجة ..

بعدين عمتي راحت تدور على بنتها الا وتشوف سلطان قاعد يقول حال نور شربي شربي نور حلو حلو هالدواء ..

ههههههههههههههه ..

المهم .. نور المسكينة والضحيه صار شكلها مو طبيعي ..

دااااااااااااااااااااااااااايخة مرة .. تعجبنا منها ..

وطلع المجرم سلطان مشربها كمية أكثر من الازم ..


وسلطان ونور ذاك اليوم راقدين من ووووووووووقت مو على عادتهم


ههههههههههههههههههههههههههه

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

هذا موقف صار ونحن في السيارة
اختي الصغيره طلعت معاي وكنت حاط اغنية ( زفة ) سي دي حفلة خطوبة اختي
وطبعا مثل ما تدرون ان الزفة فيها تهليل و صلاة ع النبي وتساءلت اختي اللي عمرها 6 سنوات
وقالت لي هذيلا ليش يقولون لا إله إلا الله .. ألف صلّي على النبي ، هذي اغنية مب قرآن ولا أناشيد
صراحة سؤالها احرجني لدرجة انا قصرت على الصوت ليين اختفت الاغنية
وحطيت لها الاناشيد اللي تحبها
شرايكم !!!!

بالعكس مافيها شي المفروض تقولين لها لان هذا للزواج ولازم قبل كل شي نذكر الله ونقول لا اله الا الله محمد رسول الله عشان يتباركون والله يسعدهم ويوفقهم في حياتهم .......... الخ

هلا

فجر العيد

اولا انا ريّال ( بو محمد )
واختي كانت تقصد ليش يذكرون الله ويصلون ع النبي في الاغنية والاغاني والموسيقى حرام
هذا كان قصدها الله يكملها بعقلها ويحميها

شيؤ طبيعي .. فالطفل نتاج ما ينغرسه فيه...

وهو اذكى مما نتصور، قد ننسى امراً او نتجاهله، لكن الطفل قد لا ينساه...

واختك حفظها الله واتمم عليها بعقلها، اصابها نوع من التضارب بشأن ما علمتوه اياها,,,

وما شاء الله عليها .. الله ارسلها لكم عشان تذكركم... بالمحافظة على دينكم...

الله يحفظها ويخليها ..

السلام عليكم ورحمة الله وبركاته ...

افتح هذا الموضوع لنجمع فيه ونتشارك مواقف اطفالنا الغريبة ، المضحكة و المبدعة ...

شـــــــــــاركونا :)

أشكركم على هذا الموضوع الرائع ، وباخبركم بموقف حلو حصل لي يوم الجمعة مع أبني ،، العادة لما أروح السوبر ماركت أخليه بالعربة الكبيرة مالت السوبر ماركت، بس ذاك اليوم غيرت راي وخذينا العربة الصغيرة الي بحجم الأطفال وكان يمشي ويدز العربة بمساعدتي، ولما كنا نمشي وقفنا عند ثلاجة الألبان المفتوحة وأسمعه يقول (ليت ليت) جان يطلع مسكر فيشة اليت من تحت الثلاحة ويضحك لأنه سكر ليتات الثلاجة مالتفت الا ظلام والي يشتغلون هناك يطالعونه ويضحكون.. ماشاء الله عليه وين لاحظ الفيشة مادري....

صراحه اطفال ملاقيف

:dd:

ذكرتيني بموقف صارلي

مره كنا معزومين في استراحه والكل كاشخين الا انا

فاضطريت البس تنورة اختي الصغيره ولما فصخت العبايه

شافتني بنت خالي وقالت يوه هذي مو تنورة اختك الصغيره عند الحريم

عاد شوفي وجهي اشلون صار ذيك اللحظه :eek:

قاريتها من قبل يمكن 5 مرات

وكل ما اقراها كأني اول مره اقراها امووووووووووووت من الضحك

يعطيك العافيه

ههههههههههههههههههههههههه

ياحليلهم اليهال
يقولون هالكلام ببرائه

هههههههههههههههههههههههه

ماشاء الله عليهم يحليلهم

الله يحفظ كل الأطفال ويرزق المحرومين ان شاء الله

مثل ولد أخوي مفضوح لدرجه فضيعه ما فيه شي يصير بين أمه وأبوه الا ينقله لنا حتى سميناه رويتر .

حليلهم الصغار

بجد فضايح ..

بس في النهايه الكل يحب سولفهم...

السلام عليكم ورحمة الله وبركاته
((((((( مواقف محرجه سببها الاطفااال )))))))

--------------------------------------------------------------------------------

مواقف محرجة من الأطفال
1- تقول وحده من الأمهات .. كنت معزومة على حفل عشاء فأخذت ابنتي الصغيرة معي ،فلما جلسنا حول البوفيه ظنت انه مطعم وقالت بصوت عال : هذا الأكل بفلوس و إلا ببلاش؟؟ فضحكوا عليها الحاضرات.
********************
والثانية .... جانا ضيوف وجابوا معهم هديه للمولود الجديد فكان ابني يريد فتحها 2-
فقلت له ( اصبر حتى يذهبوا ) صار يدخل ويطلع ولما مل الولد من الانتظار دخل وقال بصوت مرتفع .... (خلاص أبفتحها شكلهم بينامون عندنا!!!!(

********************
3- وقالت وحده بعد ... ذهبنا في زيارة لعمات زوجي ، وحده منهم كبيرة في السن قلت لولدي حب رأسها فرفض وقال ريحة رأسها شينه !!! -يقصد الحناء- شوفوا الإحراج اللي صار لي ...!!!

********************
4- كما قالت.. جتني وحده من صديقاتي وكانت ملامحها تشبه دول شرق أسيا فجلست بنتي تطالعها بقوه ، و لما قلت لها عيب ردت وقالت شكلها شغالة.
********************
5- هذه من جد يبغالها بالشنطه على رأسها...أخذت من أختي شنطه ورحنا لحفله ومعنا بنت أختي ولما وصلنا وخلعت عبايتي حتى شافت بنت أختي الشنطه وقامت تسحبها بقوة وهي تقول ( حقت ماما هاتيها ) !!! وأنا أحاول أسكتها
... !!!
********************
6- و وحده تقول .. زوجي كان عنده ضيوف على العشاء وحطيت العشاء كله لهم وكان ولدي يبي يتعشى قلت له: إذا خلصوا الرجال بنتعشى.. رحت أصلح لهم الشاهي .. راح ولدي دخل على الضيوف وقال لهم ( لا تخلصون العشاء لأنا بنتعشى أنا وأمي بعدكم ) !!! شوفوا وجه أبوه وقتها
....!!!
********************
وحده تقول ....بنتها دايم تحرجها بنقل الكلام قدام الناس ? هذا عيب اللي يحش 7-
بالناس - تقول : مره كنت أكلم صديقتي بالهاتف وكنت أقولها عن وحده من جاراتي وإني ما أطيقها دمها ثقيل وإذا جت تجلس عندي بالساعات في بيتي وتحب الكلام الكثير ومره دق الباب وطلعت جارتي قلت لها : تفضلي وجتها بنتي الصغيرة وقالت بصوت عالي : يمه هذي جارتنا اللي دمها ثقيل واللي إنتي ما تحبينها !!! طيب ليش تدخلينها البيت ..!!! تقول الأم : صار وجهي مية لون ....!!!! ويوم سمعت جارتي هذا الكلام زعلت وطلعت من البيت
....!!!
********************000000000000000000000000000000
000
8- تقول أخرى ....هذا موقف حصل لي ومع أقاربي : كنا بنصلي المغرب جماعه في إحدى الاستراحات وكان أمامنا طفلين , الأول يقول للثاني : أنا اسم أمي فاطمة , ايش اسم أمك انتا ؟؟؟؟ يرد عليه الولد الثاني وهو اصغر منه بكثير : اسم أمي ماما !!! وهاتك ضحك وحنا نصلي استغـفـر الله ما قدرنا نمسك الضحكة .!!!
********************
في المدرسة ...كانت المعلمة تشرح لطالبات الصف الثالث الابتدائي عن وسائل 9-
الاتصال الحديثة مثل الهاتف والتل**** والبريد الجوي والفا**** فرفعت إحدى
الطالبات الصغيرات يدها وقالت: أبله حنا عندنا فا**** في البيت عند جدتي
وتستعمله كل يوم....!! فشجعتها المدرسة على إكمال حديثها وقالت: وكيف
تستخدمونه؟؟؟ فقالت الطفلة: تدهن به .....-البنت بالطبع كانت تقصد دهون الف****
....!!!!!
********************
10- إحدى الأمهات اعتادت أنها ترى ابنها الصغير يطارد الدجاجات ويدخلها إلى محلها ويحرص على إبقاء الديك في الخارج وعندما سألته عن السبب قال: ذولا حريم ما يطـلعـن من البيت ويشوفن الرجال....!!
********************
أيضاً في المدرسة ...طفلة في الروضة كانت تعبث بأنفها أثناء الحصة ....
فانتقدتها المعلمة وقالت لها استعملي المنديل عيب اتسوين كذا فأجابت الطفلة
لا مو عيب !! بابا يسوي كذا
!!!!
********************
جاء بيكحلها عماها ...دعيت العائلة للعشاء عند أحد أقارب الزوج وأثناء تناول
الطعام كانت صاحبة المنزل تضـيّـف الأم وتصر عليها أن تأكل صحناً آخر بينما كانت تتمنع.. فرد الطفل بلهفة لإنقاذ أمه من المأزق .... (( لا تحطين لها صحن ثاني ترى بابا يقولها لا تكثرين أكل انتفختي !!! ))

**********************************************************************************
ياترى اخواتي تعرضتو لشي موقف صعب احرجكم من اطفالكم ؟؟؟؟؟

هههههههههههه جد اختي ضحكتيني :)

تسلم ايدج على هالمواقف الحلوة اللي كتبتيها لنا..

أكثر شي ضحكني الولد اللي قال لا تخلصوا العشى عشان ناكل بعدكم هههههههههههههههه

صج فضيحة هاليهال!!

ولا البنت مع الجاره ام دم ثقيل ههههههههه ..

انا بقولج موقف يدل على سذاجة الاطفال..

خالتي كانت تقول حق ولد اختها يعني ولد خالتي..روح صبلي ماي بالمشخال او المنخل..

يرووح يصب و يرجع يبكي يقول والله اصب بس ما يرضى يترس هههههههه


بانتظار مواقفكم

ههههههههه رااائعة ام فروووحة مشكورة

صج مواقف اليهال تمووت من الضحك الله يحمي كل الاطفال ويحفظهم الى اهاليهم

ههههههههههههههههههههههههههههههههههه عجيبة المواقف


انا ما اتذكر مواقف ولدي الحين ، لكن في موقف سواه ولدي كذا مرة .. لما نروح به مكان برا واحد يطالعه من بعيد ويبتسم له او يحاول يسويله حركات يقعد يشتكي عليه .. يعني في السوبرماركت لما يكون في العربة واحنا مشغولين باختيار الاغراض ما نشوفه الا ينادي ماما سوفي " شوفي " ويأشر على شخص معين او يقول بابا تالع " طالع " وطبعا لما نلتفت احنا اتجاه الشخص اللي يقصده ولدي نلاقيه منحرج من الموقف وكأن بخاطره يقول ما سويت له شي هههههههههههههههههههههه