متى طلعتو مع عيالكم ؟

بصراحة أختي أنا ما بسوق لكني باطلع كنت بعيالي ممكن من الشهر الأول عادي لكن مشاوير قصيرة وقبل ما تطلعي مباشرة غيري للبيبي .. وأرضعيه لو بترضعي طبيعي ..

خذي حقيبة صغيرة فيها غيار كامل

وخذي حليب في رضاعة أنا كنت بآخذ من صدري في رضاعة أحسن من البهدلة خصيصا لو في سوق

انا طلعت مع ولادي من عمرهم شهر يمكن او اقل بس اكون حاسبة حساب كل شي من غيار ومحارم حق الاطفال وممكن انك تاخدي البيبرونة (الرضاعة)
هنن حيكونو متعبينك بس عاد لا حول ولا قوة
ومشكورة

انا بعد طلعت مع عيالي قبل لايكملون شهر بس لازم تكونين مغيرة للبيبي وراضعته زين وحاطته في وضعية مريحة له علشان مايصيح بالسيارة والله يعين

مشكورات عالرد خواتي يعطيكم العافيه

طلعت مع ولدي يوم كمل الشهر، أخذته لجدته (أم زوجي)، طبعا أم جديدة، أخذت الرضاعة(لأني بهالأسبوع حسيت أن مايشبعه صدري وبديت أعطيه صناعي مع الطبيعي وأخذت حفاظتين) بس شو نسيت (ملابس للتبديل)، وتتوقعون شو صار؟؟؟ ولدي بلل نفسه من البول عزكم الله، ومن يومها تعلمت ماطلع الا معاي كل ادواته (أم جديدة ماتنلام)..

بعدها طلعته وعمره 3 شهور للمجمع، طبعا معاي أخواتي، بس بعدها اعتمدت على نفسي في مشاويري، أشبعة وأبدل حفاظه وأخليه بكرسي السيارة وأطلع معاه..
والحمدلله لحد الحين أطلع مشاوير بروحنا وطبعا هو مربوط بكرسي السيارة.....

بالنسبة اذا بتروحين بيت مثلاً... تقدرين عادي وبالراحة بعمر الشهر.. اهم شيء ما تعرضينه للهواء الخارجي الحر او البرد او الشمس... وتغطينه بقماش خفيف...

اذا طلعة مجمعات وسوق وجذي.. ما انصح قبل ال3 او 4 شهور... بصراحة متعبين وما يخلونك تاخذين راحتك بالسوق... تتركينه عند احد أأمن وافضل لج وله..

[frame="2 80"][grade="DC143C FF6347 008000 FF4500"]انا بنتي عمرها أربع شهور ونصف ، وطلعت معاها وهي عمرها شهرين ، أحطها على كرسي السيارة ولما ننزل أشيل الكرسي وأحطه في العربانة خاصة لما تكون نايمة ، وطبعا مثل ما قالوا الخوات أبدلها وأغير حفاضتها وأرضعها حتى الشبع قبل الطلعة وأخذ معاي حليب وماي ولبسة وحدة على الاقل إذا رايحة مشوار بسيط وقريب من البيت وحافاضات طبعا .

انصحك أختي أول شئ عوديه إنك شوي شوي مثل ما انا سويت ، حطيه في كرسي السيارة وروحي دوري بالسيارة شوي ورجعيه البيت وكل مرة زيدي الوقت علشان يتعود على كرسي السيارة ويشوف العالم برع ، وبعدين وديه المجمعات او المول نصف ساعة ورجعيه على أساس يتعود على الناس والمكان وكل يومين وديه إلى ما يتعود ةإن شاء الله ما راح يتعبك، لأنه بنتي ما شاء الله عليها ما تعبني أبدا ودائما في العربانة او الكرسي نائمة( من تأثير الحركة ) أو تلعب ، وأخذ لها لعبة صغيرة مالت الاسنان علشان تنشغل فيها لأني ما اعطيها مصاصة ، والحمدالله الوضع تمام التمام ونحن مسيطرين على الوضع ، وإذا جاع أوشئ ممكن تقعدين مكان مناسب ترضعينه بالرضاعة وهو راح ينام .


روينا[/grade][/frame]

اذا انتي جهزتي له كل شي عدل و ما نسيتي شي من اول شهر تقدرين تطلعين وياه لاي مكان بدون مشاكل تذكر

ولدج في عمر ولدي و انا كل اسبوع اطلعه ويانا رحلة نهاية الاسبوع نودي اخته الالعاب و هو بعد يشاركنا

عقب تطعيم الشهرين كنت اطلعهم......

نصيحة إذا عودتي الطفل من أشهره الأولى على كرسي السيارة، راح ترتاحين معاه بالطلعة وما تحصلين مشاكل..
أنا ولدي من 3 شهور (اول مارجعت الداوم)أحطه كل يوم (وكنت وقتها بروحي بدون شغاله) وآخذه على بيت أمي وتعود أن هذا مكانه،، بعد ماكبر أخذت له كرسي كبير وليومك هذا مربوط ومايتحرك لأن تعود على هالشي..
فلا تستهينون وتقولون نقلد الأجانب، بالعكس حق سلامته بعد وتسوقي وأنت مرتاحة....

حبيبتي عااادي اطلعي واستانسي لا تحرمين نفسج من الوناسه

مو مشكله تاخذين معاج البيبي

انا طلعت فيه من وهو في الاربعين وديته يشوفه جده بس يكون زوجي اللي يسوق و نكون رايحين بيت يعني مافي مشكله لو احتاج تغيير او يبي رضعه

انا الحين لو بطلع السوق اخليه عند خواتي بس اللي افكر فيه لو اضطريت بيوم اني ابي اطلع وماعندي احد يقعد معاه اجازف واخذه معاي للمولات ولا بيكون صغير توه على هالطلعات هذا كان قصدي

اشوف ان بعضكم طلع مع الصغار وهم بعمر ولدي الحين بس انا لحين متردده اطلعه

رانيا يوم طلعتين بولدش المجمع في شنو كنتين حاملتنه ؟؟؟؟ وشنو كان تصرفه أغلب الوقت نايم لو قاعد لو يصيح لو شنو بالضبط ؟؟؟؟؟


روينا شلون كرسي السيارة اليي تشيلينه لأن أنا عندي كرسي واحد وصاير كبير ومثبت ورا ما أقدر أشيله ولأنه توه عمره شهر ونص يعني ما يقدر يصلب عمره فما أحطه فيه إنتي شلون كرسيش لأني أبغي واحد أقدر أسدحه فيه .......

أنا الكرسي اليي عندي من مذركير أنا أقول ممكن أحركه لو شي وينسدح بعدين أغير وضعيته حسب عمر الطفل لكن أبوه يقول لي ما يصير بس هالوضعيه ..........

ومن عمر جم حطيتين الجاهل في الكرسي يعني إذا ما يصلب ظهره تحطينه وتربطينه بالحزام ؟؟؟ أتوقع ما يصير


إذا ممكن تردين علي بسرعه بخصوص الكرسي لأني برجع للدراسة وبضطر آخذه ويايي لبيت أمي .....

رانيا نسيت أسألش في المجمع كنتين حاملتنه بإيدش لو عندش العربة لأني أفكر أشتريها بس إذا بستخدمها مدة قليلة ما راح اشتريها لأن طلعاتي قليلة يمكن مرتين في الشهر وبعدين بيمشي

للرفع

في كراسي حق السياره تكون نايمه و بعدين كل ما كبر الياهل يتعدل وضعها بس ماحصلتها
اللي حصلته له وضعيتين وحده قاعده و الثانيه تكون مايله شوي حق لو كان الياهل للحين صغير بس للحين ماحطيت ولدي فيه اخاف ان ظهره يتعور انه بعده مايقدر يقعد مده طويله

كل ما اقول بطلع معاه بجرب الاقي اللي يردني امي او زوجي يعني انا شاريتهم حق اصور وياهم !!!

lمراوي اليوم في السيارة أستخدمت له الكرسي الي ينحمل والله حطيته بمرقده وربطة الحزام والله ريحنيييييييييييييي خلاص الثاني بشيله وبركبه إذا قعد

خواتي انا خذيت طقم الكرسي والعربانة ، يعني الكرسي بعمر الولادة وحتى السنة والنصف ، ولما أطلع وهي صغيرة شهر او شهر نصف أحطها في الكرسي وبعدين احط الكرسي في العربانة بشكل عكسي يعني وجهها تقابلني ، الطقم خذيته من مذركير. ولحد إلحين استخدمهم وبنتي عمرها خمس شهور



روينا

روينا طريقتش توني شايفة اليوم ناس فغي جيان مسوينها ( كنا نتسوق ) وعجبتنيييي الفكررررررة