% .. 3في1 .. (شيله+غشوه+لثمه) ..%

غتالي,, 27-08-2006 83 رد 1,593 مشاهدة
غ
السلام عليكم ورحمة الله وبركاته ..

شحالكن بنات ..



انا توني اعرف عن هالمنتدى .. وحبيت اسجل وياكم واكون لكم اخت وصديقه ...

وان شاءالله افيد واستفيد وياكم ..




المهم ببدا في الموضوع على طووول [/COLOR[COLOR="DarkOrange"]].. انا دايما يوم اسير السوق او اي مكان فيه زحمه .. اتلعوز بالغشوه والنقاب والشيله ..

وعيست من كثر ما اشتري نقابات ومالبسهن .. وعقب تفكير وعصار مخ توصلت لشي مريح .. ومرتب حتى في اللبس .. وفكني من النقاب والرباط اللي فيه وفكني من الغشوه اللي يوم ارفعها اطيح عني ولازم ارد اتلثم بالشيله عقب .. فصلتلي شي ومستحيل استغني عنه ..

فصلت شيله مخيوطه كامله .. مايظهر منها الا الويه بس ..( شرات الحجاب اللي يلبسنه خواتنا في مصر وسوريا )..

وخيطت من فوقه غشوه رضفين .. الغشوه مخيوطه في الشيله او الحجاب والله ماعرف شو اسمه الضبط ..

وتعرفون النقاب اللي ايي بروحه شرات اللثام .. شريت منه ..

وركبتهم كلهم على بعض .. والحين براويكم الصور ..

السعر 100 درهم ..

هذي الشيله او الحجاب ..



(2)

هي الغشوه ..(من ورا)



(3)

وهذا النقاب او ( اللثمه)



(4)

وهذي الصوره كامله عقب ماتلبسين الحجاب ويا النقاب وتتغشين فيهم ..



ملحوظه : لا أحلل كل من تنقل افكاري او تقتبس منها او تنسبها الى نفسها او تنقلها الى غيرها بغرض تنفيذها لا أحللها

الى يوم القيامه ..

بشرحلكم طريقة لبسها ..

شفتي فتحة الويه .. نزلي الغشوتين عليها وخشي راسج في فتحة الويه وانتي بعدج منزله الغشوه لاترفعينها .. واتحكمي بالفتحه يعني لو تبينها يبهتج طالعه ولا تنزلينها وتتحجبين فيها ..وعقب ماتثبتين هالشي ..

هاتي اللثمه ولبسيها .. بحيث انه الاستيك ايي علىالشيله من ورا وعقب ماتثبتين اللثمه رفعي الغشوه .. وبتكون ثابته ومعتدله ..

انا اول مافصلتها جذيه شراتج اقول شو بلاني تبهدلت بس يوم ثبتتها طلعت جنان ومرتبه والاهم انها مريحه وماتلعوزني يوم اسير السوق ولا مكان عام ..


بس قبل كل شي بغيت اشرح التفاصيل على العام .. وياليت اي وحده تبا منه الغشوه اطرش لي رساله خاصه وتكتب فيها

الاسم
الاماره
الرقم

وبتكون مدة الطلب بس اسبوع علشان الاسبوع اللي بعده ببدا بتوزيع الطلبيات

>>الدفع والتوصيل <<

الدفع عن طريق الايداع في بنك دبي الاسلامي والتوصيل
وبيكون عن طريق شركة ايليت .. ..

هذي كل التفاصيل .. مافي شي بيكون عالخاص الا الارقام وبس ..


خام الغشوه بالنسبه للخامه .. دجى الليل .. والغشوه طولها من ورا لنص الظهر .. اذا تبين اطول او اقصر .. نسويه لج بالقياسات اللي تريحج وتعيبجبالنسبه للنقاب وااايد بنات يسئلوني عن النقاب .. اخاف اسويلكن نقاب مايعيبكن او انه مايناسبكن وانا ماحب النقابات وااايد علشان جذه ماعرف شو المناسب
.
فكره حلوه انا اسوي جذيه بس كل قطعه بروحها يمكن اطلب بفكر وبرجعلج موفقه.
ك
شي مريح والله

يعني احين اللثام مخيوط ويا القطعه؟ ولا نلبسه بروحه؟

وإذا غيرنا القياس يختلف السعر؟
ا
فديتج ............ما تقصرين والله .......................بتخبرج طرشتي طلبيتيه ؟؟<< فرحانه اول مره بلبس نقاب:)
م

السلام عليكم ورحمة الله وبركاته

أشكر لك تعاونك و حسن إلتزامك بقوانين الركن أختي :)
غ
عنود الصيد .. حياج الله اختي في اي وقت ..

ومشكوره عالمرور ..
غ
كلام الورد:
شي مريح والله

يعني احين اللثام مخيوط ويا القطعه؟ ولا نلبسه بروحه؟

وإذا غيرنا القياس يختلف السعر؟



هلا فديتج ..

لا اللثام مب مخيوط .. منفصل بروحه علشان تقدرين تنزلينه لو بغيتي .. يعني ينفع في المطاعم والسياره .. وتاخذين راحتج ..

واذا غيرتي القياس السعر مثل ماهو ثابت فديتج ..

ومشكوره فديتج
غ
هلا فديتج الغلــا .. باذن الله الطلبيه بتكون جاهزه على نهاية الاسبوع وبيتم توزيعها للكل ان شاءالله ..


:)
غ
مرموم ..

مشكوره على المرور اختي ..
غ
:) ..
B
حبيبت الفكره حلوه حاولت واااااااااااايد مع الخياطين عشان يضبطولي هالفكره محد عرف
بس ممكن أجربها قبل لأنه الصراحه واااايد عندي نقابات و غشوات و ما لبستهم لأني ما أرتاح إلا حق موديل معين فإذا في مجال أجربها
و شكرا
غ
بنوته ..

شيكي الخاص فديتج ..
O
حبيبتى يعنى الحجاب مطاطى عشان اتحكم فية والغشوة دجي الليل اتمنى فهمتج صح
ا
غتالي,,:
هلا فديتج الغلــا .. باذن الله الطلبيه بتكون جاهزه على نهاية الاسبوع وبيتم توزيعها للكل ان شاءالله ..


:)

------------------------
اوكي غناتي في الانتظار...............
ا
بالتوفيق ورزق الحلال ان شاء الله
ع
غتالي ربي يوفقج ويسهل لج

بنات انا مايربتها بس كل حد مدح غشوة 3 *1

غتالي انقلي لهم اقتباسات البنات شرات دلوعه كيفي وبنووووووووته
ح
شفتها على وحده كانت معانا.... وايد حلوه... فى اللبس
غ
ام علي

شيكي الخاص فديتج ..

:)
غ
غتالي:
السلام عليكم ورحمة الله وبركاته ..

شحالكن بنات ..؟

حبيت اني اجمع اراء بعض البنات اللي خذو مني الشيله والغشوه

والحمدلله انها نالت رضاهم ..

ومن هالموضوع حبيت اشكر كل بنت وثقت فيني وخذت من عندي ولله الحمد نال رضا الجميع ..

:)


اختراع الاخت ((غتالي))(شيله+غشوه+نقاب)وصلني وهذا رأيي بكل صراحه -------->>>>
بنوتـــة:
السلالالالالام عليكم ...

اليوم وصلني الاختراع الخطييييييييييير للأخت (( غتالي )) :icon28:


انا بصراحه ما توقعته يكون بهالصوره ماشاء الله شغل متقن ومرتب ....

اول ما وصلني جربته على طول ...والحمدلله عاللبس طلع حلو ومرتب ومثل ما بغيته بالضبببط :)

لا وابشركم بعد اللي تبغي تلبس النقاب اللي يكون مغطي الجبهه عادي انا لبست النقاب أول

وبعدين فوقه اختراع غتالي وبس طلع وايد مرتب :biggthump


انا بصراحه من رأيي انها تستحق جائزة على هالاختراع لأنه صدق مريييح ;)


وفي شي بعد حبيت اشكر الاخت غتالي لأنها ماااااااقصرت وطرشت لي الطلبيه قبل يوم الاربعاء مثل ما وعدتني ومثل ما كنت انا ابغي وبكل خطوه تطرشلي مسج.... يعني انا كنت الحمدلله مطمنه واعرف شو صار على طلبيتي وشو اللي بيستوي ....يعني باختصار ما خلتني احاتي شي ابدا ....

بصراحه ريحتني وايد في الطلب والله ياااااااااااااارييييييييييييييييييييييت كل التاجرات مثلها ....







>>غتـــالي صاحبة اختراع الشيلة مع الغشوة>>بعرضلكم رسالتها الخاصة و انتو اقروا واحكمو

دلوعة كيفي:
السلام عليكم ..

الاخت غتالي تاجرة شبه حديثه في عالم حواء..و هذا على حد علمي ..
و اوال ما شفت الاختراع ما عطيته اي اهتمام..لاني فعلاا اخاف من التاجرات اليداد ..
بس من كم من يوم تقريباا قريت موضوع الاخت بنوته..تمدح في الاختراع و تقول انه نفعهاا و وايد شكله مرتب ..!! شخصياا في البداية ما اقتنعت بطريقة الاختراع! كنت اقول في قلبي " كيف غشوة مع شيلة و نقاب"!! شو 3 في واحد ؟؟ شوو شامبوو؟ خخخخخ

من الفضول الي فيني قلت "انا شوو خسرانة؟ خلوني اجرب !! الاا اب 100 درهم!!مع اني من النوع الي يتنقب على طوول..بس لاني الحين في الشهر الثامن من الحمل<<<ادعولي بليز:( ..المهم نرجع لموضوعناا..لاني في الشهر الثامن قمت اختنق و ما استحمل النقااب!! احس انه النصخ (التنفس) ثقييييييل..:09:

توكلت على الله ..راسلت الاخت غتالي على اساس اني ابا غشوة وحدة ..و بغيت استفسر عن الدفع و التوصيل..
طبعاا تاجرات حواء بشكل عام معتمدين على الانصاري للصرافةبنسبة90%..:o و انا طاري الانصاري للصرافة يطلعلي عفاريييييييييت:30: لانه كذا مرة تعاملت وياهم و اخروا لي الحوالاات و تووترت اعصابي من غير ال 35 درهم الي يلهطونها كا رسوم!!,,فاا خلااص..صرت اعتمد على التحويل البنكي او سلم و استلم! و اضعف الايماان الجأ حق الفردان للصرافة..<<يعني اوانه اهوان !


شوفوا ردهااو احكمو انا ما بقول شي ..:confused:



شفتوا ناس شايفين خير مثل هالانسانة؟
..انا كنت ناوية اسوي غشوة وحدة مثل ما قتلكم في البداية..اب 100 درهم
لكن عقب ما شفت العين المليانة و شفت الاخلاق و التعامل الراقي طلبت بدال الغشوة غشوتين!..200 درهم

و في اقل من اسبوع وصلوني(سلم و استلم باليلايت 20 درهم بس) ..و الاختراااع يحتاج براءة اختراع الصراحة ..
الخامة؟ روووعة ..باردة و تناسب صيفنا الي يفطسسسسس:08:
الغشوة ؟ في قمة الترتيب ..توصل لين بعد نص الظهر و تستر الكتف
الشيلة؟ خفيفة و باردة ..و على فكرة تقدروون تلبسون تحتها الامطة او النقاب ابو جبهة
النقاب؟ هوه النقاب ابو مطاط الي ممكن تتحكمون فيه..تنزلونه وقت الاكل مثلااا و ترفعونه وقت ماتبون..و خفيف و ناعم ..

على فكرة..مرة كنت ابا اشتري هالنقاب المطاطي و طلع اب 50 درهم ..و الغشوة بروحها مش اقل عن ال 100 درهم..و الشيلة اقل شي 50 درهم !!!!..
و الاخت غتالي تبيع الشيلة+نقاب+غشوة<<<مع خياطتهم =100 درهم! ماقول غير الله يباركلها في رزقهاا و يستر عليهاا مثل ما حبت الستر لغيرهاا..و يكثر من امثالهاا...فعلا من التاجرات الي لي الفخر اتعامل وياهم و اكسبهم خوات ..^_^
احبج في الله اختي غتالي ..و اشكر الاخت بنوته على توضيحهاا ^_^

و انصحكم..اشتروا اختراع غتالي ..لكم و لاي حد تعزونه ..تراه عملي جدا ^_^ و باارد و ما يتحسون فيه من كثر ماهوه بارد و خفيف و ساتر في نفس الوقت

سلملم:26:





اختراع(غتالي) شيلة مع الغشوة





الرسالة الأصلية كتبت بواسطة الشيخه مراوي »
كلمة حق بغيت أقولها في الأخت غتالي .. ما شاء الله عليها قمه في الذوق والتعامل .. وفكرة الشيلة والغشوه والنقاب حلوه وعملية جدا جدا .. تسلمين حبيبتي .. ولك جزيل الشكر









والسموحه خواتي ..



حبيت اراويكم جزء من اراء البنات ..
غ
وهذي شهادة تقدير واعتز فيها ..
X