ساعدوني في تحديد مستشفى الولادة.... السلمانية ولا التخصصي ولا الأمريكي؟؟؟؟؟

n

nsync lover

عروس مشرقة

27-08-2006 | 12:10 PM

مرحبا خواتي...

انا ولادتي ان شاء الله بتكون في آخر ديسمبر 06 ... وللحين ما عارفة احدد وين اولد...انا بالنسبة لي اخاف من خيالي.. صراحة اتصروع من اقل الم يصيدني... مرة انجرحت جرح بسيييييييييييييييييط جداً في صبعي لا يكاد يذكر... يومين ما حركت صبعي ولا اخلي شي يمسه... شسوي؟؟؟

انا من النوع اللي احب استفيد من خبرات اللي حوالي... وسألت الكثيرين ناس مدحو لي في السلمانية لأنهم خبرة اكثر.. وناس مدحو لي في التخصصي والأمريكي لأنهم خاص فالرعاية فيهم اكيد غير .... ودلع اكثر

قالولي ضمان روحي السلمانية عندهم خبرة اكثر لو لا سمح الله صار شي... وبعدين اذا بتاخذين غرفة خاصة فبتكون الرعاية غير ... راح يخلون النونو عندهم يهتمون فيه على طول...((طبعاً الإهتمام لما تكونين في غرف خاصة غير لما تكونين في الجناحي العام))

بالنسبة للخاص فدائماً يمدحون في الرعاية بعد الولادة وانهم شلون يخلون النونو دائماً عندهم يسبحونه ويهتمون فيه ويخلون الوالدة ترتاح طول فترة الإقامة...

وفي الأخير قالو لي ان كل الولادات نفس الشي بس الفرق انك في مكان راح تدفعين فلوس اقل من مكان ثاني...

مسامحة على الإطالة بس موضوعي ارجو منه الإفادة والإستفادة لجميع حوامل البحرين....

ح

حبيبة110

مشرفة سابقة

27-08-2006 | 12:15 PM

السلام عليكم ورحمة الله وبركاته

ان شاء الله البنات يفيدوكى اختى

وشوفى الموضوع ده يمكن يفيدك ياسكره

http://www.3roos.com/forums/showthread.php?t=110188

وربنا يقومك بالسلاامه يارب

سيأتى يوما احمل فيه صغيرك..أهدهده وأغنى له ,,,
ألبسه ثيابه الجميله ,,,
وأمد له لعبته الصغيره ,,,
أقبله وأناغيه ,,,
أنظر له وأستخرج من ملامحه أشباهه ,,,
هل هو لأمه الحبيبه أم لوالده الغالى ,,,
حتما سيأتى ذلك اليوم فقط اصبرى واكثرى من الدعاء ,,,
وستنالين مرادك ان شاء الله ..
ايتها الغاليه لاتحزنى وثقى فى ربى الرحمـــــن ,,,
حبـــيبـــــــــه ,,,

م

مناهل78

مشرفة سابقة

27-08-2006 | 01:16 PM

ياهلا بك أختي..
عن تجربتي الشخصية ولدت بالأمريكي،، رعاية وعناية فائقة وصحيح أن المستشفى خاص بس مو تجاريين، يعطوك وقت للولادة الطبيعية مو مثل باقي المستشفيات مايعطلون ويسون قيصرية حق الفلوس..
لو حابة تعرفين أكثر أنا حاضرة...

b

bent el ba7rain

عروس مبدعة

27-08-2006 | 01:44 PM

انا من رايي اي مستشفى خاص راح يكون اهون من السلمانية وبلاويه

دوري بالنتدي بتحصلين لان هالموضوع انذكر اكثر من مرة

م

مراوي

عروس ماسية

27-08-2006 | 01:49 PM

انا والده بالتخصصي على يد كيران خلتني كل ما اسمع عن وحده بتولد اتمنى اكون مكانها من غير مبالغه

يعني بخاطري احمل و اولد مره ثانيه مع اني توي 3 شهور من ولدت بس نظام الولاده عندهم ماتحسين بالقلق و الخوف اللي يسببونه لك في السلمانيه ناس تصرخ و نيرسات تهاوش و فوق كل هذا محد يدخل معاك لقسم الولاده

نصيحه شوفي اي مستشفى خاص ابرك من هالسلمانيه كانه مقصب

ا

العهد

مشرفة سابقة

27-08-2006 | 02:24 PM

ان شاء الله البنات يفيدنح..

والله يقومج بالسلامه ..

ويرزقج الذريه الصالحه المعافاه..

s

soso84

عروس متألقة

27-08-2006 | 03:01 PM

حبيبتي انا عندي الخاص احسن بووواايد.. لان السلمانية قرف وكلمن بيحوس فيج... ولا اهتمام ولا شي.. غير الخاص دلع وراحة... وانا عن نفسي انشاااااااااااااااااااااااالله اذا الله رزقني ابي اولد في التخصصي... بس ادعو لي

ح

حرم العجلاني

عروس نشيطة

28-08-2006 | 11:40 AM

الامريكي اريح شي حسب ماسمعت واذا الله عطاني وحملت بولد هناك

n

nsync lover

عروس مشرقة

28-08-2006 | 12:36 PM

شكراً على الردود...

بصراحة انا كانت هذي نظرتي... بس مثل ما قلت لكم... من السؤال الحين... شكثر ناس يمدحون لي السلمانية بخبرتهم وتجهيزاتهم....

وطبعاً (اكيد الخاص مو قاصرهم مدح) بس مدح السلمانية جاني بنفس كوالتي مدح الخاص بزيادة الخبرة... ومثل ما قلت لكم فإن خبروني الولادة نفس الشي في كل مكان... وان زيادة الرعاية تكون حسب الغرف الخاصة اللي اخذتيها...

ا

ام احلى حمود

عروس مبدعة

28-08-2006 | 01:19 PM

قالولي ضمان روحي السلمانية عندهم خبرة اكثر لو لا سمح الله صار شي... وبعدين اذا بتاخذين غرفة خاصة فبتكون الرعاية غير ... راح يخلون النونو عندهم يهتمون فيه على طول...((طبعاً الإهتمام لما تكونين في غرف خاصة غير لما تكونين في الجناحي العام))

انه اقولج السلمانيه بصراحه لانه لو لا سمح الله صار اليشي اهما عندهم كل الاستعدادات

بس اذا انتي خاطرج في خااص روحي الامريكي احسنشي :) والله يسهل عليج حبيبتي