سلطه طبقات والطعم مممممم جربوا وخبروني

السلطه ذقتها عند بنت عمتي اللي مخترعها طباختها مغربيه واخذت منها الطريقه بسم الله نبدى

وبقول مقاديرها بنفس طريقتها وانشالله تكون سهله وتفهمونها

الطريقه مع المقادير(معليش اختكم كسوله بكتبلكم كل شي مع بعض)

-جيبي صينيه البيضاويه بايروكس الكبيره

-الطبقه الاولى حطي خس امريكي مقطع كبير بعدين فوقه حلقات بنجر المعلبه وماتكثرين بحيث يوضح الخس

-بعدين غطيه بجرجير مورق او مقطع كبير عاد انتي كيفك

- بعدين تاخذين فصين ثوم صغار وتهرسينهم وتقلبينهم بشوي زيت زيتون على النار لحد مايطلع ريحه حلوه وصار لونه شوي ذهبي مو يحترق واذا تغير لون الثوم شليه من على النار وحطي عليه علبة فطر مقطع شرايح وقلبيه ثم غطيه ودخليه الثلاجه شوي حد مايبرد

-واذا برد الفطر حطيه على باقي المقادير اللي بالصينيه وكرري الطبقات مره ثانيه اذا حبيتي ومامليتي

-اخر شي ابشري جبن شيدر ورشيه فوقها

-بقى عاد الصوص وهذا طبعا تصبينه بالاخر فوق الجبن مو بس بالوسط صبيه من كل جها بحيث ينزل على باقي السلطه

مقادير الصوص:لايكون مليتوا وانحشتوا كملو والله تستاهل
-في كاس الخلاط حطي ملعقتين كبار دبس رمان وقد يدك مليانه كزبره وثلاث ملاعق كبار مايونيز وملعقه صغيره خردل وشوي فلفل ابيض اذا حبيتي وعصير ليمونه وحده وملعقه صغيره خل وزيت زيتون بس

مابغينا نخلص اذا اعجبتكم شجعوني عشان اطلع مواهبي:dd:

وعليكم بالعافيه استنى رايكم لانه كثير يهمني( اللي يشوفني يقول انها من اختراعي)