أرجوكم ردوا علي

وعليكم السلام ورحمة الله

اختي في البداية اذا الملفات اللي تقصديها نهايتها .rar ا و zip فهذي ملفات مضغوطه بهالبرنامجين

يعني لازم يكون عندج هالبرنامجين علشان يفك الضغط ( تكون مضغوطه علشان يقلل حجمها)

البرنامجين اسمهم winrar والثاني winzip
بتحصليهم في موضوع للاخت النونه على هالرابط

http://www.3roos.com/forums/showthread.php?t=149950


الحين بالنسبة لتخزين البرامج والملفات على السي دي

لازم بالاول تشيكي السي دي اللي عندج ري رايتر CD-DVD_R/RW

او عادي مب دي في دي يعني CD_R/RW

انتي تاكدي وخبرينا

واذا بتشتري سيديهات علشان تخزين عليها تاكدي مكتوب على السي دي RW

هلا أختي ( أو اخوي) ومشكور على الرد

بالنسبه للبرنامج winzip انا نزلته من قبل ومن نفس الموقع الي حطته الاخت نونه

بس ما اعرف كيف اشغله ؟؟ واذا بنزل العاب انزلها عن طريقه والا كيف ؟؟

أما بالنسبه للسي دي الي عندي مكتوب عليه DVD

والسيديهات الي شريتهم مكتوب عليهم DISC RECORDABLE

أدري ثقلت بس أعذروني ما أعرف في سوالف الكمبيوتر ؟؟؟!!!

هلا اختي

بالنسبة winzip اذا ثبتيه بالجهاز خلص ما تسوي شي

winzip برنامج يساعد الناس اللي بتحط ملف على النت انها تضغط الملف شوي علشان حجمه يصير اصغر يعني اذا لعبه حجمها 20 ميقابايت بالبرنامج هذا يضغطها شوي ويخليها اقل من عشرين بس راح اتم اللعبه هي نفسها ما تغير شي بعد ما تفكي الضغط عنها خلص بتنزل على جهازج كامله 20 ميقابايت يعني هو برنامج ضغط

مب برنامج تنزيل


اللي يهمنا ان بعض الالعاب تكون مضغوطه لهذا اول ما تحاولي تشغليها يفتح لج اما برنامج winzip
او winrar (راح يفتحو اتوماتيكيا بدون ما تروحين للبرنامج الاساسي)

بتلقين اسم اللعبه داخلهم سويلها extract فك ضغط

بيعطيج شاشه تختاري انتي وين تحفظي اللعبه او الملف


انتي بالاول قوليلنا اللعبه اللي ما تشتغل عندج شو اسمها بالضبط game.rar -game.exe - game.zip

يعني نهايتها شو اخر الاحرف بعد النقطه شو مكتوب عندج

......................................................

بالنسبة للسي دي اللي بجهازج

ما عطيتيني معلومات اكثر عنه ابي اعرف CD-DVD_R/RW

والسي دي شريتيهم شكلهم للكتابة مره وحده بس يعني ما تقدري تمسحي منهم شي ولا اضيفي عليهم شي

اذا بتحفظي شي عليهم لازم يكون كله مع بعض

لهذا RW احسن تقدري اضيفي عليهم و تمسحيهم

.......................................

لا تنسي عطينا اسماء الملفات اللي ما تفتح عندج علشان نقدر نساعدج اكثر



تحياتي اختج على البال