قيس وليلى يعودون بصوره اخرى مهم مهم جداجدا

اشكرك ياخت هتومي على ابداء رايك والحب يجي من الله بس للاسف صديقتي طاحت في حب خطا وانا مانكر هالشي هذا

هي تبي تتزوجه بس كيف يتقدم وهو غريب عن البلد بالاضافه انه متزوج لكن خلاص طاحت في مرض الحب مالها الا تقبل فيه كذا بس اذا تقدم لاهلها من وين عرفها او وشلون جاهم من هالناحيه صعبه شوي لكن ربي يفرجها ويستر عليها لكن ياخت الحب مو عيب لو وضع على حدود
وانا عارفه ان الحب اللي مثل كذا يزول وباطل بس وش نسوي في زمانا هذا لانه حب هش حب جسدي شهواني فقط لايقوم على اساس متين فلا عجب ان يتهاوى ويسقط بسرعه ااما الحب الصادق فياتي بعد الزواج

لكن ربي يكتب لهم مافيه الخير وانا صراحه اتمنى ان زوجته تطيح عليه وتصيده لان صديقتي كان عندها اراده تتركه لكن للاسف ظل وراها لحد ماتعلقت فيه ولا هي قادره تتركه

على العموم اشكرك على ابداء رايك واسال الله التوفيق والهدايد والستر على بنات المسلمين....:(

حسناء الخليج صديقتك تتعامى عن الواقع ولاتريد حل ,, هذا مافهمه منك لانها تمهد لكي يأتي هذا الشاب لخطبتها وكأنك تعينيها بخطط كي يتقدم فأنا اذكركِ أن الزمن لم يتغير ولكن شهواتنا وأهوآنا تغيرة واصبحنا نسخرها للجسد فقط ونقول حب قيس وليلى اي يحب يعصُى فيه الخالق ويقدر حسب مايريد العبد ولا كما يريد اله تعالى .. والله لو اجتمعة الانس والجن على أن تسعد وتؤلف بين قلوب تلاقة بالحرام لما قدرت .. وهل ترضى صديقتك بعد ان تتزوجه يصبوا الى غيرها بغر الجنسية اقصد يريدها من اجل الجنسية ولكن جاءت وحدة ذا مال وسلطة وتجيب له الجنسية في يوم وليلة بس يتزوجها طبعاً راح يرمي صدقتك ويقبل بصاحبة السلطة وبعد فترة يتركهم جميعاً ويذهب لزوجته ام عياله وبنت بلده ... وتموت من المرض الى جاها من وراء العذاب الى قدرتُ على نفسها وكانت تسعى لتحقيقة .. اقول وبلله المستعان الرجوع الى رب العباد هو الحل دعيها تخلص في الاعمال الحسنة تكثر الاستغفار تصوم والله الزواج ليس فستان وطرحة واول ليلة وسفر وكلام حب وغزل زي ماهي فاهمة .. الزواج مسئولية خالية تماماً من الاحلام والخيال البناتي الى نشوفه هلحين .. وما قول الا الله يهديها ويصلحها ... هذه معصية ولابد ان تتوب من هذا الذنب وتتحقق التوبه الا بالاقلاع عن الذنب فضرر تركة افضل من ضرر الارطباط به وستذكر ما نقول (( وبعدين راح تكون اضحوكه بين الناس )) بانها تزوجة اجنبي والله العلم من وين جابته وكلام الناس راح يموت ابوها وامها من القهر ويسخطون عليها وما احد راح يثق فيها ابد ...

اشكرك ياختي على ردك وان شاء الله ربي يهديها ويصلحها ويصلح بنات المسلمين جميعا ويهديهم......

عزيزتي حسناء الخليج

صدقيني احس بصديقتك تماما لأني مريت بتجربة شبيهه والله يغفرلنا اجمعين ووالله العظيم الواحد ما يحب انه يجاهر بالمعصية لكن يمكن تجربته تقنع اللي غيره ويقدر يكفر بها على الأقل عن اللي قبل .

ما ابي اطول عليك بس بعرض عليك حكايتي :

كنت على علاقه بواحد شبه قريب يعني نعرفهم من بعيد كان عنده كذا شغله في مدينتنا ومن هنا لعبت المصادفات الدور حتى تعرفنا على بعض وانا والله العظيم من احرص الناس واهلي محافظين جدا
المهم طبعا الشيطان ييسر مثل هذي الامور ، وبعد 2 سنتين عرفت انه كان مرتبط بوحده عاطفيا وانه له معها 7 سنين يحبها وتحبه بس بعد ما عرفني بعد عنها شوي وصارت علاقته بها مو مثل اول طبعا انصدمت وحسيت ان الدنيا دارت بي بس الحب اعمى وحبي له صورلي كل عيوبه حسنات فمثلا قلت اهو لو كان يحبها اكثر مني كان لاحظت هالشي لانه مهتم فيني مررررررة وطول الوقت معي اذا يوم ما سمع صوتي يصير كنه بينجن وانا بعد دموعي تسبقني وهو كان يبرر استمرار علاقته بها انه نوع من الالتزام لانه خطبها من اهلها ويجري بالمعاملة لانها مهي سعودية وهذا صحيح .
المهم طلعت معاملته وصار لازم يتزوجها والكل اهلي واهله عارفين انه خاطب بس يوم عرفته كان قاطع علاقته بيها وانا والله ما كنت ادري عن الموضوع بس بعدين عرفت انه هو اللي كنت اسمع انه يبي وحده معينه ويحبها .
اللي صار اننا اتفقنا ننهي علاقتنا وتزوج ومرت الامور في الاول عادي وبعد فترة زادت لهفتي عليه وصرت اتمنى اسمع صوته وفي ذيك الفترة صار هو يحاول يتصل ويرجع العلاقه ورجعنا سنتين وكنت بيني وبين نفسي اسألها اللي يخلي واحد مثله يعاف حبيبته الاولي اللي حارب الدنيا وكل اهله عشانها واللي هي زوجته حاليا وام بنته يخليه يعافني ويبيعني بعد بس رغم كذا كنت ماني قويه كفاية حتى اتخذ القرار وخاصة اني كنت اصارحه بمخاوفي وشكوكي وكان يلقى لها الحجج والمبررات الكافية .
بعد تقريبا 8 سنوات من العلاقة بدأ الحب يخفت من جهته بشكل واضح وطبعا كانت خلال ذيك الفترة علاقته بزوجته شبه زفت ما كان يحس بها ابدا وكنت انا اشجعه على التواصل معها وابين له ان المرأه بكلمتين حلوة ممكن تتفاعل معه بس هو كان يصور نفسه انها انسانه لا تهتم به ولا بمشاعره وانا كبرت على مسأله العاطفة وانا صار كل همها البيت والأولاد وهو ولا شي عندها حتى انها ما تغار عليه وطبعا هو الاخ مو معطيها فرصه والله لو تفتح فمها بيت ابوها يستناها <<<<<<<< كذا كان يقولها طبعا

وفي الاخير اكتشفت انه على علاقة ببنت ثانية والعلاقة في تطور مستمر وهو الان واقع لشوشته مثل ما يقولوا معها له معها تقريبا 3 سنين او اقل ويستمر السيناريو ومسلسل العلاقات

وانا من سنتين وعليها قطعت علاقتي بيه وهو طبعا كان يترجاني انه يخطبني بس انا ما كنت راضية بحكم المعرفة اللي بين العائلتين وانه زوجته وش تقول واهلي واهله والحين هو يعيش قصة حب جديدة انا طبعا وزوجته نعرف تفاصيلها ونعرف نهايتها بعد

ادري طولت عليكم بس اللي ابي اوصله من الحكاية ان الرجااااال يحبووون ايه بس مو من قلبهم الحب عندهم مصلحة هم في فترة الحب يحبون انفسهم لانهم ما يبون يعذبون نفسهم بالفراق بس متى ما قدروا انهم يبعدوا صدقيني وقوليلي لصديقتك انه ما راح يتردد في البعد هو الحين ما يجي على باله بس عمر الحب عندهم قصير هذا اولا

وثانيا ان المسألة يبيلها شوية عقل ولجووووء الى الله تعالى فوالله اعرف واحده تركها خطيبها وهي تموت فيه ووكلت امرها لله وصارت تصلي كل يوم في جوف الليل وتدعي ان الله يطلعه من قلبها ويعوضها خير والله ماشالله حياتها الحين من اروع ما يكون الحمدلله

الدنيا يا اخواتي قصيرة والواحد فيها لازم يتعلم ويستفيد وهي عاجلا ام اجلا رح تنتهي قصة الحب سواء انتهت بالزواج او بالفراق النهاية في نظري وحده لان الحياة ليست دايما حلوة وحتى اللي تزوجوا اللي يحبوهم وصلوا لنفس النتيجة هذا في احسن الحالات ولا الاغلبية تكون نهايتهم مثل نهاية زوجة الاخ اللي قلتلكم عليه وانا وغيري وغيرها

اتمنى يكون المعنى وصل والله سبحانه وتعالي ما يضيع حق اللي يعمل خير بيلقاه واللي يعمل شر بيلقاه وسلامتكم



:o :o :o :o :o :o

اشكرك اختي العروس وربي يكتب مافيه الخير وانا اايدك الرجال ةواحد واكبر دليل خيانته لزوجته وعلى قولتك الحب اعمى


المفروض يوم درت انه متزوج اتركته بس ربي يهديها ويصلحها وانا صراحه اقولها نصايحكم بس وش اسوي سوينا اللي علينا ةوالباقي عليها هي

والرجال مثل ماقلتي مايعرفون الحب ابد:mad: ياعمري الحريم على نياتهم
واشكرك مره اخرى وان شاء الله الكل يستفيد