اعيدالثانويه!!!؟

والله شو اقولج يا اختي انا بعد مثلج معتفسه لاحول ولاقوة الا بالله جيتي على الجرح والله؟؟

بدز بويهي في موضوعج واسمحيلي يالغاليه دام السالفه وحده...........

انا مخلصه الثانويه 2000 ودخلت الكليه بس ما كملت ولا اقدر ارد خلاص .......لاني ما سحبت اوراقي وانا في البيت من 4 سنوات وتوظفت بس ما عجبني الوضع ابد وطلعت

ابويا يقولي عيدي الثانويه وادخلي الجامعه ؟؟احسها ثقيله وااااااايد ما اتخيل نفسي امسك كتب ثانويه وادرس لووووووووعه ......وبعد احسها فشله الناس تضحك عليا مع ان والله حلمي في هالحياه ان تكون عندي شهاده حالي حال البنات بس ما ابااعيد الثانويه والله محتاسه
وافكر ان القوانيين تغيرت واستوت اصعب مو مثل قبل لازم توفل وغيره واذا جبت نسبه واذا اقبلوني بعد؟؟ وتغيرت المناهج

شورواعلينا يا اخوات

انصحكم تصلون صلاة استخاره وربي بينور لكم الطريق ويبينه لكم
والله يوفقكم وكل المسلمين يارب ياحي ياقيوم

الغالية نصيحة مني لك من واقع تجارب الميدان

المناهج بعد سنة بتتغير يعني غير عن اللي درستيه قبل وأصعب فلحقي عمرج قبل ما تصعب ويزداد الأمر صعوبة .. علشان تلحقين بالركب وتكملين الجامعة وخلي عندج طموح وبتتوفقين إن شاء الله والنظام السنة أحسن من قبل ( نظام الفصلين )

فعليج بالإعادة بسرعة ...

والله بالنسبة لي أهنيكي أختي من قلبي ..
لأنه جاتك هالفكرة ...
ولا تفكري بالناس ..... لأنه هذا مستقبلك ...

وأنا بشد على ايدك ...
والعلم ما في أجمل منه
وأروع شعور شعور الفرح بالنجاح
ولما بكرة تحملي الشهادة ... يا سلاااام ولا أروع

صدقيني اختي توكلي على الله ولا تترددي ..

والله يسهل أمرك ...

انا مع الاخت دانة الروض
المناهج السنه اليايه بتتغير فتدرسين منهج تعرفينه اخير عن منهج ما تعرفينه واول مره تدرسينه

شدي حيلج يالغاليه وصدقيني سنه وبتخطف فغمضة عيين ما بتحسيبها...
يالله ما باقي شي عالدوام اتخذي قراراج ولا تنسين صلي استخاره قبل ..

والله يسهل عليج

بنفسوجة

مشكورات أخواتي على نصائحكم:shy:


ما ندم من استخار الخالق وشاور المخلوقين المؤمنين وتثبت في أمره فقد قال سبحانه وشاورهم في الأمر فاذا عزمت فتوكل على الله

أنا صليت الاستخاره و شاورتكم وبتوكل على الله وبعيد ان شاء الله

وبنسبه للأخت feed back أقولج صلي الاستخاره،ويله نعيد مع بعض مب فشله، ومشكوره(f) (f) (f)

اختي اماراتية ليش ما تدرسين في جامعة خاصة ...؟؟

اربيعتي متخرجه سنة 2000 وقدمت الحين على جامعة الشارجة وعلى طول قبلوها
واليوم بدت دوامها اول يوم ..
بدون ما تعيد الثانوية .. وانا متخرجة سنة 2001 وسجلت بكلية الحاسوب
وكلهم شهاداتهم معترف فيها .. انتي حاولي تقدمين على جامعة خاصة
وشوفي ميزاتهم واذا شفتي ان ما عيبج شيء خلاص توكلي على الله
باللي تقررينه .. المهم حاولي تدورين اكثر .. والله يوفقج وايسر امورج ان شاء الله ..

اماراتيه2006 مشكوره الغاليه بصراحه مجرد تفكير فهالموضع احس بلوعه وشي ثقيل والدنيا تستوي سوده فويهي

والله ما اعرف شو اسوي خاطريا ادخل جامعه خاصه بس الظروف تمنعني؟؟

لاحول ولاقوه الا بالله

خواتي مب عيب الوحده تكمل دراستها .. ويا ما شفنا ناس كبيره في الكليات والجامعات .. عادي ..

استخيروا ولا تنسون اطمنونا عنكن

الله يوفقكن

:flower: :flower: :flower:

بنااااات استخيروا وبعدين ما المانع فالعلم ليس له كبير او صغير

الشهاده ماتجي فدقيقه
يبيلها جهد ودراسه

واذا ماتقدرين على دوام المدرسه قدمي منازل او مسائي

ولا تفكرين بكلام الناس
لان اصلا محد بيتكلم

بالعكس لو ماعندج شهاده في هالحاله بيتكلمون

يالله اختي
سهالات وان شاء الله تقدمين وتنجحين وتوصلين للي تبينه

بالتوفيق

اماراتيه 2006 بصراحه انا معجبه باصرارج وايد ... وبصراحه الدراسه اهم انجاز بتكونين سويتيه فحياتج لج ولعيالج .. اتمنالج التوفيق وخبرينا شو بيصير معاج..