الجزء الثــ13ــالث عشر من تجهيزات عرايس قطر2006

كرك

بالنسبه لدق فرقة الفين اظن اللي تقصدينها الفرقه السعوديه

دقهم حلو ومرتب بس ماحس يغنون كل الاغاني اليديده مادري والله بس حضرت لهم عرس اخت رفيجتي

كان حلو ومنظم وما يوقفون دق بس بالنسبه لي انوار احلى

مغامرات الشباب ما وحده فكرت تقلب الخطوبه عرس لانها اشهار وتروح مع ريلها

إلي اعرفه عن فرقة الفين انهم رجاجيل وفي وحده تقوم تغني صابغه شعرها وحليوه <<<<< على قولتهم

بس دام انكم تقولون طقهم حلو عيل خلاص بنتوكل على الله ..

وعلى طاري فستان العرس رحت امس حق لارا الي في السد عشان احجز ..جفت فستان رووووعه كله كريستالات ويبين عليه الفخامه بس قلت مابستعيل واحجزه ... بلف على المحلات كلها قبل <<<<<< عيزانه تفصل فستان عرس ..

وبنات عندي كوسشن <<<< تقوي لغتها الانقليزيه

اختي تبي تفصل فستان حلووووو حق العرس ... وين تنصحونها تروح ؟؟ لاتقولولي مجمع الغرافه <<< ترا متعقده منه
مسكينه والله ماتعرف وين تروح تفصل .... ياليت إلي تعرف اسماء محلات تقولنا واهم شي السعر يكون معقول ...

دوحانيه

مثل ماقلتي الناس اذاوق ... انا الصراحه شفته على وحده في عرسها وخطوبتها كان اوفر بس هذا المطلوب .. وانا احب المكياج الاوفر ... وكانت دامجه اللون الكحلي مع الوردي بطريقه حلوه للعروس ...

حلووووووم

ولا قلتيلنا شسوت لج سميرووووووووه

يالله تحجي اعترفي

مساااااااء الخير على الناس العسسسسسسسسل


بنااااااات اليوم رحت الصالون الازرق مسوي سيل


خذت لي طقم حمااام و شرشف سكري حلووو





بس بسئلكم

[blink]
جم روب لازم آخذ؟ اقصد الروب الي يجي مع قمصان النوم؟


وهل في امكانية اني افصل أرووووواب لو ما حصلت الالوان الي ابيها ؟ ووين؟[/blink]

خخخخخ رحت اشوف مسلسل جاده..توه مخلص :) شفتي شلون "جينا" باخر لقطة تقطع اللب من حلاتها يامال الضعفه خخخ

الموهيم...صراحه وبدون مبالغه سميرة ماسوت شىء ينطرى !..ولو اني حاطه هالمبلغ في حمامت مغربية جان نفعتني اكثر...اصلا يوم شافت جسمي قالت لي بشرتج زينه وماعندج مشاكل وسوت لي كم خلطة ..مكوناتها عاديه حليب بودره وهرده وهالسوالف يعني كلها شغلات عاديه ماتكلف شىء

وعقب كم خلطة "حوالي 3" حطت كريم ريحته حلوه على كامل الجسم وتقول انه يفتح ولازم احط منه كل يوم قبل لا انام يعني ادهن جسمي وانام فيه

وعطني خلطة في "جدر" وقالت لي اتنقع فيها يوم العرس ..وخليتها في الثلاجه على حسب كلامها

وعطتني غريشة صغيره "نص توله" فيها كريم...ب 250 !! حق المنطقة الحساسة ريحته حلوه...وصدقيني احس انها وايد مبالغه بالسعر يعني مايسوى اكثر من 10 ريال !! عادي من هاللواشن اللي تنباع في محلات العطاره وتستخدم للاطفال...حتى ريحته بيبي كلش

وحفها زين ..حلاوه بالعسل...بس انا ماحفت لي غير فوق الكوع بس لاني مسوية ليزر اصلا ومافيني شىء الحين الحمدلله

بس عادي حفها مثا اي صالون

يعني بالنسبة لي...كتقييم شخصي...مراح اطلبها مره ثانيه لان الشغل جدا جدا بسيط...ونتيجة الحمام المغربي اقوى واحلى وتبين على طول اكثر من خلطاتها

والسعر بعد وايد مبالغ فيه خذت مني 1410 بالضبط

وصدقيني الخلطات اللي حطتها بسيطة ماتكلف 100 ريال اصلا

يبه تجربه وعدت..حبيت اقولكم رايي الشخصي :)

الحلم الهادي اي والله تجنن اول مره انا اشوف المسلسل بروح الشات اقول الي في خاطري يامال العافيه شحلووووها ...... زين يعني سميره مش ولابد!! ياختي تجربه عادي خذتيلج كم كريم ريحته حلوه والفلوس دافع بلا على قولة يدتي الله يحفظها ......


كرك عندج موداليدي يضبط الفساتين واسعاره على حسب الموديل


بنات وين محلات عبي راقيه !! ابي افصل حق الجامعه

بنت الغالي :) شفتي الجيوانه؟ في المنتزة؟...او جوري في السيتي صوب اليشمك عندهم مصممة مغربية شغلها حلو

انا مفصله عند الاثنين حق عرسي عبايتين

بنت الغالي...تدرين لاخر لحظة كنت افكر اكنسلها "سميرة" من كلام فراشتكم بس قلت خلني اجرب بنفسي ..وعلى قولتج دافع بلا :) جربتها عن خاطري خخخخخخخ

اي والله جربتيها واكتسبتي خبره ....تدرون يمكن سميره مزاجيه !!! لان ناس يمدحونا وناس يذمونها فأتوقع انها تكون مزاجيه ويمكن لان انتي راعية خلطات عشان جذيه مابينت فيج النتيجه ماشالله عليج امس مسويه خلطة شهر العسل :)


هذي الي في الستي تفصل ناعم ؟؟ ابي شي بسيط مب صراقع براقع على قولة أمي ههههههه

تدرون خاطري اجرب سميره هذي


مادري ليش

حتى لو جلسه عن خاطري على هالمدح

ويكمن لانج وااايد مهتمه بعمرج مثل ماقالت غلاوي من جيه مابين فيج وايد


انا بس ابي منها شي يفتح هالركب اففف مشكله

فتحت شوي بس ماعرف شسوي ابي شي واحد ويفتح بسرعه

ام حمد ..
هذا أكثر شي تحسفت عليه .. إني ما قلبت الخطوبة عرس و رحت مع ريلي ..
بس الحمد لله على كل حال ..

:

حلووومة ..
بخصوص الكريم اللي عطتج إياه .. صدقيني إنه وايد حلو ريحته فواكه .. عجبني والله ..
و خلطة الأعشاب هاذي حلوة .. تنقعي فيها يوم العرس و الله شي تنعم البشرة لمدة طويلة ..
و مثل ما قالوا لج البنات يمكن لأنج من قبل مهتمة و جذي فما لا حظتي فرق ..

:

شظايا الماضي
اخذي روب واحد سكري عشان تقدرين تلبسينه مع كل القمصان .. هاذي نصيحتي ..

[grade="8B0000 FF0000 FF7F50"]هلا بنات قطر بنات بلادي الحلوات
اولا اشكركم من كل قلبي على هذا الموضوع

بس حبيت ابشركم
انا انخطبت والحمدلله تمت الموافقه
وخطوبتي على 11 او قبل مدري على حسب القاعه

المهم ودي تساعدوني

1- مكياج وشعر للخطوبة والعرس والارقام ؟ بس ودي بمكياج ناعم ونظيف ومرتب
2- الكوشه والطاولات للعرس؟
3- تصوير للخطوبه والعرس والاالبوم ؟
4- دي جي للخطوبه؟ وزفه لما ادخل للخطوبة ولما نقص الكيكة ولما يلبسني الشبكة ...
5-حناية اوكي تجي وحفافة تحف نظييف ؟


ودزاكم الله كل خير ويعطيكم اللي تبونه ان شاء الله
واسفة على الاطاله وارجو الرد اللي يبرد لخاطر ...

سؤال في احد يعرف شي عن امنه شاهين اللي تمكيج لاني اتصلها رنه خارجية متى بترجع ؟؟؟؟[/grade]

هاي بنات

وحشتوووني

تدرون من كثر ماتمدحون باريس نيلز خاطري اجرب حمامهم المغربي
بس مشكلتي الوحيدة استحييييييي
عمري ماسويت حمام مغربي فصالون
ماقدر ارويهم كل شي الصراحه :(

عندكم حل حق مشكلتي ؟؟؟؟؟؟؟؟؟؟

الشي الثاني
من وين اجيب نسوان حق التوزيع؟؟
اللي عندها ارقام تعطيني بليييييييييييز ضروووري

بنات


شرايكم في فرقة الاصدقاء؟؟

حد مجربهم من قبل

هم كلهم شباب

الحلم الهادئ

انا نفسج ماعجبتني سمييييره كلش ولا سوت لي شي احس خلطاته خرابيط مافي فرق<< وجهة نظري وكنسلتها على اخر جلسه وبسوي لي حمام مغربي احسن لي

نور الدوحه

انا مثلج استحي الصراحه بس يالله مني ومناك لين تجرئت شوي بس ماتفصخت لها لوول


احترت في اسمي

حبيبتي شوفي الخاص

دوحانيه ولا بنت الغالي

بلييز ابي اللسته الجمعيه مادري شاشتري لوول

تفضلي ,, و للعرايس اللي محتاجينها :

لستة أغراض الجمعية :

إغراض الجمعية :
شامبو + معجون + صابون للوجه ( أو ممكن مقشر من أي ماركه تستعلينها ) صابون الجسم + ليفة الجسم ( وعندكم بودي شوب ) + قطن جونسون تحتاجونه ( انا عن نفسي مااستغني عنه خاصه اللي نفس الكوره ) + فرشاة أسنان ( خذوا 2 لج وحق بوالشباب ) + معطر للجو + كريم ( عني اخذ دوف عشان ازيل الكحل اللي نازل تحت العين ) + كوتكس ( سوري عذروني بس لازم اكتبه ) + كير فري وضروري جداً للأستعمال اليومي خاصه للمتزوجات حديثاً + غسول حميم ( من ماركة كير فري لغسيل المنطقه ) بس عاد لاتكثرون استعماله ( يفضل استعماله قبل النوم لغسيل المنطقه ) وأنتوا عارفين ليش + فريشي ( مناديل معطره للشنطه ) + فاين صغير للشنطه + منظره صغيره ( ممكن تاخذونها من أي مكان وإذا معاج علبة البودره مايحتاج ) + ديودرنت + مدخن صغير + ولاعه + فحم سريع الاشتعال + مقراض ( 2 لج وحق بو الشباب وفي شنطه فالبودي شوب شريتها من فتره سوده صغيره فيها كل شي ) + ملقط + مبرد + أسيتون + مشابيص هههههههههه ينفعون وانتي رايحه تغسلين وجهج او بتتمكيجيين او ممكن الاستعانه بكليبات صغيره + عود أذن + رغوه ( للي تحب تسوي شعرها كيرلي + سبراي شعر ( شريته وماحتجته بس يمكن انتوا تحتاجونه + بلك مربع ( محول كهرباء ) + مناديل مزيلة المكياج .

نواااره ..
انا مثلج ^_^
ودي أسوي .. بس ما أقدر الصراحة ..

:

الحلم الهادي ..
دزي لي رقم اللي قلتي لي عنها .. مالت الحمام المغربي .. بس قولي لي بالضبط شتسوي .. بس على الخاص أكيد ..

:
احترت في اسمي ..
هلا فيج .. و بالمبارك إن شاء الله ..

1- مكياج وشعر للخطوبة والعرس والارقام ؟ بس ودي بمكياج ناعم ونظيف ومرتب
إذا في مجال تروحين صالون .. عندج صالون سما للمكياج عند هدى و للشعر حلو شغلهم ..
وعندج صالون جاك ديسانج .. حلو مكياجهم و شغلهم للشعر ..
تبين في البيت .. عندج ميرا للمكياج .. و للشعر نجوى أو مرسيدس ..

2- الكوشه والطاولات للعرس؟
ماسيس أضمن شي .. اكسوتيكا ..
و المسكة : ميغا مارت .. كازا فلورا - جيربيرا ..

3- تصوير للخطوبه والعرس والاالبوم ؟
أحلام و ذكريات - كريستال للتصوير .. و الألبوم مع التصوير ..

4- دي جي للخطوبه؟ وزفه لما ادخل للخطوبة ولما نقص الكيكة ولما يلبسني الشبكة ...
أميرة أو دلال .. و الزفة من عندهم أو تشوفين لج من النت .. و عند قص الكيكة و تلبيس الشبكة .. مالت الدي جي أدرى ..

5-حناية اوكي تجي وحفافة تحف نظييف ؟
الحنا عندج فنون .. و الحف .. امممم تبين حلاوة مصرية ولا هندية ؟

:

محد جاوبني بخصوص فرقة الاصدقاء :(

بليز ابي اعرف لاني سمعت عنها