شات عرايس قطر .....

**عصفورة قطر** 23-08-2006 1,086 رد 57,906 مشاهدة
د
زين إنج ما دخلتي جامعة قطر ..

كل ما لها و تصعب .. الله يعين اللي توهم داخلينها ..
ت
ايه والله تلوع الجبد ربعي كلهم يتشكون منها

الله يعين

ما وراي شي بتزوج انشالله وبرتاح خخخخخ وخلي بوالشباب يصرف علي ماوراه شي هعهعهع

بنات بروح اسويلهم كرك الحين بيقعدون عشان المدرسه والدوامات وذبحتهم كرك عالصبح عشان يصحصحون عدل

وكل شوي بمر بشوفكم خخخخخ

انا حالتي حاله ارقد بعد الساعه9 الصبح واقعد عالمغرب او العشا واسهر لين ثاني يوم

واذا عدلت رقادي ارقد الليل 1 او 2 واقعد الظهر1 او 2 خخخخخ

الله يعين

سي يو سووون
د
يحليلج والله

شكلج ربة بيت ممتازه


انزين مافكرتي في جامعات المدينه التعليميه
او النورث لانهم ياخذون أي نسبه ابتداء من 70 اظن؟
د
و انا باروح انام .. عيوني قامت تغبش << من الصبح وانا اقول بنام خخخ

سوالفكم حلوة .. و ما ينمل منها : )
د
دح دح

تصبحين على خير خيتوووو
ت
هلا دلوعه من ناحية ربة بيت تقدرين تقولين احب المطبخ بس احب اسو اللي انا ابيه ماحب حد يقولي سوي شي معين

ولعبتي الحلويااااااااااات

اما بخصوص المدينه التعليميه هلي مايرضون لان اخوي يدرس في تكساس وهو ملتزم يقول انا اعرف كلشي يصير هناك وتدرين الشباب ادرى
وبيني وبينج خلاص عافت خاطري الدراسه والله ملل قلت بتوظف ابوي قال لا يمكن ريل المستقبل مايرضى اوف رفع ضغطي خخخخخ

بس خلها على الله كلها كم شهر وتسمعون خبر ملجتي انشالله وعرسي


انتي شتسوين؟؟
د
انا الله يسلمج درست سنه فاونديشن يير وللحين ماتخصصت

وعن تكساس صح البنات هناك شوي فري بزياده بس في وايد محترمات ومحد يقدر يقرب منهم

انزين تقدرين تشتغلين واذا جى النصيب وريلج مارضى هدي الشغل

وبنفس الوقت ممكن تشغلين نفسج بدورات كمبيوتر ولغه وغيرها

واهم شي ترى راحتج سواء بالدراسه او الشغل او البيت
ت
حبيبتي والله خذت دورة كمبيوتر ودخلت تحفيظ قرآن وحفظت جزء عم ووقفت يعني متى ماتمللت ادبر عمري بشي

الحين افكر اخذ دورة مكياج بس المشكله عندي في المواصلات وبصراحه الاسعار غااااليه يعني منيره الانصاري الدوره عندها 10 ايام بـ 3500 بصراحه وايد بس للحين افكر بالموضوع

وانتي ليش للحين ماتخصصتي بشي وليش مو ناويه تكملين؟؟
د
مشالله عليج والله يعني نفعتي نفسج

انا بعد خاطري اخذ دورة مكياج بس مادري يبيلها وقت ونيه ومايندرى شتطلع الدوره زينه ولاشينه
وبعد ماعندنا خيارات وايد


وانا ماتخصصت بشي لاني مب عارفه شدرس
كنت ابي جامعه ومانقبلت فيها والحين ضايعه شوي وكل فتره استخير عشان ارتاح واعرف اقرر
مابي اختار تخصص او جامعه واندم واطلع
ك
السلام عليكم

صبحكم الله بالخير وشحال كلن بحاله

داشه عرض بس بموت من الملل شمسوين اخباااااااااار دنياكم
ت
صج والله لا تستعجلين استخيري وفكري عدل قبل لا تقررين ولا تضيعين سنين عمرج عالفاضي

وبخصوص المكياج يبيله تكونين رايقه وفاضيه وانتي شوفي الوقت اللي يناسبج

اما انا عن نفس الحين بروح اطلع حبوبه

تآمرين بشي

اشوفكم على خير

باااي
د
لا والله سلامتج تايموووو
وديري بالج على عمرج

ماني قليلة شر
حياج الله اختي
سولفي بالي تبينه انا اسمعج خخخخ (عالي الدكتوره فوزيه الدريع)
ن
ههههههه حلللوه والله دكتووره فووزيه الدرييع
انزييين دلع دلع
انا السنه بكوون تأسيسي في جااامعة قطرررررر والله خااايفه من نظاام هالجااامعه بس في نفس الوقت مرتااحه على تخصصي اداره واقتصااد وادعووولي الله يووفقني

يلا انا متملله وابي اسوووولف
د
هلا نور

شوفي اذا كنتي علمي وتحبين الماث اتوقع تمشين لان هالتخصص صعب

وجامعة قطر مثل ماقالوا عنها قهر قهر قهر

وبنات جامعة قهر ادرى بها لان القوانين كل سنه تتغير وكل مالها وتصعب

ولا انا شاللي شردني منها؟
ك
هلا فيج دلوعه

انا في جامعة قطر ومن المعمرين فيها هالسنه بدش الخامسه ويبي لي سنه بعد لين اتخرج

احنا صح ساعاتنا اطول 142 بس مافي توفل وتاسيسي وهالخرابيط الله يعينكم والله
ن
اييي والله جامعة قههههر بس شنسووي مالنا غنى عنها
واكييد ان شااء الله بشد حيلي

وانتي الحين اشنااويه اتسوويين؟؟
د
صح كلامج ماني قليلة شر
والحين 5 سنين شي عادي الكل يعمر فيها على هالظلم اللي عندهم


وانا شناويه اسوي مادري
تخيلي خخخخ صج والله مب عارفه شسوي وشدخل
قاعده افكر عدل واستخير لاني مابي اتسرع


سويت لي نودلز وجيت مو ماكله شي من امس غير سندويج
وجان زين اضعف؟
ن
يحليييلج دلووعووو
اهم شي استخييري عشاان ماتتحسفيين عقب

وفيييه العاافيه
كم وزنج؟؟؟

يااختي انا ابي امتتتتتتن معني اكلللللللل كل شي بس ماافي فاايده
وزني 45 :(
ي
مبرووووووووووووووووووووك

مبروووووووووووووووووووووووووووك

مبرووووووووووووووووووووووووووووووووووك

الشآآآآآآت .. والله وسويتووهاا

حبكن للسوالف هع هع هع

سوري مادشيت امممممس كنت في عرس

وأي عرس ...

بااااااااااااااااااااال من امس وفيني حله سوالف

أقوولكم

والا اقووول توني قايمه يبيلي افطر


بقصم وحليب هع هع هع


وراجعه لكم
د
خلاص عيل ننتظرج عقب الريوق وبالعافيه

نواري
الله يعافيج حبيبتي
وزني 60 وطولي 165
وابي اصير 55 اهئ اهئ
X