حملي والصيام

السلام عليكم .. شخباركم ؟!!

بنات انا حامل في الشهر السادس .. حاولت من كم يوم ان اصوم لكن تعبت وايد في الصيام هالمرة .. لكن سؤالي هو : ان وانا صايمة حسيت ان في شي يرتفع من معدتي ويوصل لقريب الحلق وشكيت في صيامي وفطرت ، والحين ما ادري شسوي مع الصيام .

هو هذا الحمل الثاني لي لكن في حملي بولدي صادني الصيام في الاشهر الاولى وما صادتني هالسوالف وصمت عادي ، لكن هالمرة لما قلت بصوم حسيت بحرارة وان في شي قاعد يرتفع من معدتي ويوصلي لحلقي وكأني برجع .. ففطرت

هل احد صارت معاه هالسالفة ؟؟ وشلون تصرف معاها ؟؟ هل في شي آكله او اشربه في السحور بحيث ان يهدي معدتي ؟؟ ولا اعرض الموضوع على الدكتورة ؟؟ خايفة يصيدني هالشي في شهر رمضان وانا طبعي شكاكة في موضوع الصيام وشكلي بعيد صيام الشهر كله بعد الولادة ..



للعلم :: انا ما عانيت من معدتي في حملي الاولي بتاتا .. وهالحمل من بدايته وانا اعاني منها بشكل خفيف ولما صمت ذبحتني وانا خايفة وما ادري شسوي في شهر رمضان لاني بكون في فترة الحمل من نص السابع الى نص الثامن ، يعني تعب وثقل ازيد ويمكن تزيد الحالة .