بنات عروس محتاجتلكم وايد..في هالسالفة

الموضوع كله غلط وأساسه غلط .. الله يهديهم

حاولي أختي تنصحين ربيعتج اذا صج تحبينها لان حرام تهدم كيان أسرة بسبب مشاعر لا مسؤوله

الله ايسر أمرها ويرزقها ولد الحلال اللي يستاهلها

للحين ما صار شي بينهم احسن لها تاخذ اجازه او تطلب نقل وتسلم على روحها وقلبها

السلام عليكم
اختي العزيزة حبيت ان اقدم النصح حك صديقتك
اولا هذا شخص متزوج ولعوبي وماتعرفين شنو هدفه لو كان يبيها على سنه الله ورسوله لأخبرها من زمان لكن خوفك لا تضعف وهو يبي جذي ويجرفها الى طريق ابعد وتقع في مأزق هي في غنى عنه بالتأكيد انت عارفه قصدي ......
ثانيا الريال متزوج وعنده عيال والظاهر يحب زوجته لانه ما ارتبط بها مجرد علاقة وان ارتبط بها هل هذا عدل؟وهل تقبل على نفسها زوجها يزوج عليها؟اسمحيلي لو ما انريدننصح زميلتك ما ردينا عليج صديقتك يجب ان تتخلص من هذا الكابوس وارجوا ان تعطيها كل الردود حتى تقرها وتصحة على نفسها
السموحة لك

أتمنى أنها تفكر لو كانت مكان زوجته وفي بنت ثانيه تفكر في زوجها وتكلمه بالتلفون وتحاول تبينله حبها أو تتزوجه شو بيكون شعورهاااااااااا؟؟؟؟


:angry:

حبيبتي الله يسامح ربيعتج
اذا استمرت على هذا الموضوع لانها راح
تهدم كيان اسره
وحرام عليها

ادري انها صعبه تشيله من بالها اذا هي ماتبي

بس خلها اتذكر انه متزوج وعنده عيال

يعني لو هي مكان زوجته بترضى.؟؟؟

اذا ايه مصيبه .. واذا لا وهذا المتوقع انصحيها انها بنت وتوها صغيره

وقدامها طريق طويل ماتدري يمكن الله يسووق لها واحد احسن منه

اذا هي حاولت انها ما تمشي بهالطريق وتلتفت لنفسها

ان شالله اكون وفقت بهالراي

والله يعين الجميع :)

حمدالله والشكر تحبه لمجرد احساس عابر كم عمرها بالله اتوقع توها بالعشرينات
بعدين دامها عرفت انه متزوج وعنده عيال شحقه تلاحق ورا الرجال؟؟
موحرام عليها تهدم بيت بسبب احساس واحتمال يكون كذب بعد مجرد اعجاب لااكثر
اهي ترضى ان احد ياخذ زوجها من بين ايدينها اسمحي لي رفيقتك هذي ماعندها ذرة احساس لاتزعلين من كلامي
بس وش ذنبها اللي بالبيت تنتظره هي وعيالها تجي رفيقتك تاخذه بكل سهوله بعدين وش حقه تحكم انه يغار عليها ويحبها من
مجرد نظرات ... ولاكلام تافه ... ولااحساس ..!!!!!!!!!!!!!!
حبيبتي الرجال يمكن صح تعجبهم المره الحلوه لاكن ماتوصل لمرحلة الحب لان الرجال مو بسهوله يحب ياقلبي ونظراته وكلامه عاادي جدا مجرد اعجاب فقط لاغير ماوصل للحب
انا بصراحه ماقريت ردود الاخوات العرايس بس اتوقع ومتاكده انهم مارح يرضون بهالشي ولارح يئيدونها
وانتي حبيبتي حاول تصحين رفيقتك من الغفله اللي هي فيها وبلاش طارد ورا الرجال لانه كما تدين تدان بكره يجي من يطارد ورا زوجها
اتمنى ماتزعلين من كلامي لان بصراحه تصرفها بايخ
ورفيقتك اللي تدعي الحب لها الرجال صدقيني مافيها ذرة احساس ولاكان ماتحاول تهدم بيت وتشتت اطفال
مره ثانيه لاتزعلين حبيبتي وكلن له وجهة نظره

البنات مادري مته بتوبون من هل السولف وصار هو مراهق انصحيه وخصوصا انك الحين عرفتي انه متزوج وعنده يهال
والريال بدى يطنش يعني بالعربي تركيه ولا تخربي بيته شو انتي ما عندك احساس

السلام عليكم
يا اخواتي الكريمات انا بصراحة مقتنعه ان هالشي غلط وادري ان الريال متزوج وان الافضل انها تتركه لانه ما ينفعها بس البنت تحبه بمعنى اصح صايرة عميا ما تشوف شي جدامها ابدا الا هو والله اني احاول اني اقنعها ادعو لها يا بنات الله يهديها وتنساه