أي خزانة تفضلينها لتخزين ملابس طفلك؟؟؟

انا خزانة ولدي مثل اخر صورة واشوفها مناسبة جدا لانة فيه بابين واحد للتعليق والثاني فيه رفوف واشوفها وايد زينة هالخزانة وانا بصراحة ما احتفظ ولا باي شي من ثياب ولدي الي يصغر عليه اعطيه خواتي لعيالهم واذا ما ناسبهم اقطهم حتى لو كانو جدد لانة ماادري لو احتفظت فيهم ويمكن بعدين اجيب بنوتة وهالثياب ما تناسبها ولا الصنادل والجواتي عشان جذي انا ما احتفظ ولا باي شي لانة لو بشيل الاشياء الي تصغر على ولدي انجان يبى لي كبت وش كبره

انا حاليا ما خذيت لبنتي اي خزانه لمه تكبر بس خصصت لها طاوله التلفزيون جت طقم مع غرفة نومي وفيها 3 مجرات واسعين للثياب وعلى الطاوله خليت سله فيها ادواتها الصحيه والحفاظات وبعض الهدايا إلي جتها عى شكل تحف والعاب وحركات وبس ولمه طبعا تكبر راح افصلها عني واسوي لها غرفه نوم كامله

حبيبة جيمي... الله يعطيك بنت يارب وتشترين لها كل شي جديد... أنا الأشياء الغالية والحلوة أحتفظت فيها إذا الله عطاني ولد باخليهم له،، بس إذا جبت بنت بطلع كل الأغراض.. دام الخزانة مكفيتم لصدوقي زين،، أنا ماكفتني بالمرة وشريت غرفة نوم كاملة...


عنوني. الله يحفظ لج البنوتة الحلوة،، وتشترين لها أحلى غرفة نوم........

انا افضل الدولاب اليفي حق التعليق وفيه في نفس ادراج ... وفي نفس الوقت حجمه مناسب ممكن يوضع في اي مكان ...

انا من وجهة نظري ان تكون في البيت غرفة خاصة للملابس طبعا في هالغرفة يكون الكبت تفصيل ومنظم جهة للملابس اللي تتعلق وجهة للملابس المطوية وجهة لملابس النوم
ما ادري احس انها بتكون ارتب وفي نفس الوقت ماتحطين كبت في غرفة الطفل وبتكون الغرفة اوسع

[GRADE="00008B FF6347 008000 4B0082"]انا افضل خزانه فيها صفقتيين واحد للتعليق والثاني رفوف
الوحده اذا تاخذ اغراض للبيبي الاول ما تقدر تاخذ كلللللللشي صحح لازم في اشياء تخطأ الاختيار فيها
[/GRADE]

بحكم تجربتي اللي مريت فيها..

الحين بنتي عمرها 6 شهور، أخذت لها خزانة للطوي، وأحس روحي بحاجة لقسم للتعليق..
وزوجة أخي ولدها بنفس عمر بنتي، بس هي عكسي أخذت تعليق وفقط درجين إضافيين للطوي.. وبعد ما تكفي!

فأنا أقول من البداية لازم نشتري خزانة كبيرة لها قسم تعليق وقسم طوي.. وأدراج..
لأن الطفل يحتاج ملابس كثيرة وتبديل متكرر..

والخزانة الصغيرة مو كافية أبد..

أنا فكرت أشتري غرفة كاملة لبنتي، سرير وخزانة .. الخ..
لأن أغراض الطفل يبي لها مكان تتلبق فيه..

والا ينعفس البيت كله بألعابه وأشياءه..

رانيا

هلا حبيبتي

اخبارج يا القمر؟

شوفي بالنسبة لمشكلتك

تتعلق اولا بالمكان

اذا عندج غرفة فاضية للبيبي والله حرام تشترين كل شي لحاله اشتري طقم كامل سرير وكبت ونجارة افضل تتحكمين بطريقة الكبت والسرير

واذا ماعندج مكان فافضل لج تاخذين كل شي لحاله السرير لان مو حجرة خاصة


ثانيا نتكلم عن نوعية الكبت شوفي اخذي لج كبت فيه رفوف وفيه مكان تعليق الملابس المكوية
لان يصلح بالرفوف تحطين الجواتي والجوارب والملابس الداخلية والبجامات
وبمكان التعليق تكوين ثياب الطلعة كاملة فيسهل عليج بس تاخذينهم وتلبسينهم ولدج


ثالثاا
وبالنسبة لطاولة التغير زينة في حالة اذا عندج حجرة لها واذا ماعندج احس ماراح تستفيدي ماتدرين وين تحطينها

مشكورررررررررررررررره

مشكورين أخواتي على مروركم العطر وآرائكم....


أم علاوي.. موضوعي تراه قديم وأنا كتبته قبل سنتين تقريبا.. من سنة تقريبا وعبودي عنده غرفة نوم كاملة له مع الخزائن والسرير وطاولة مكتب وكومدينو...... والحمدلله مرتاحة من الأثاث ومكفي كل شي، حتى أني خذيت خزانتين نفس الشي يمكن أحتاجها للمستقبل او حق أخوانه وأخواته إذا الله رزقنا...... واللأثاث حجمه زين حتى أن في مساحة كبيرة لصناديق الألعاب...