الجزء الثانــ12ــي عشر من تجهيزات عرايس قطر 2006

تفاحه قطر
ليش ماتحجزين شعرج عند مرسيدس ..
يجنن شغلها .. وهي تجنن ياحليلها ..

تفااحة قطــر ..

حيـــاج ويانا حبيبتي .. وألفـ ألفـ مبروووك واللهـ يهنيييج إن شاء اللهـ ..

بخصوصـ المكياج عند [عبير] مكياجها روووووعهـ مايحتاي .. وبالنسبهـ للشعر حجزي عند

[هناء] وااااايد يمدحونها البناتـ توكلي على اللهـ .. وبالنسبهـ للفستان الصراحه ماعندي فكرهـ

إن شاء اللهـ غيري يفيدونج ...






بنووووووتة الغالي ..

بالمبااااااااااااارك فديتج [ خطوبة أخوج ] اللهـ يوفقه إن شاء اللهـ ويهنييه يااربـ

والفااااااالـ لج فديتج ..

بنااااااااتـ بسألكمـ ..

بخصوصـ [المسك السائل] والمطحون ، في وحدهـ منكمـ خذت منه ؟!!

وشنهي الأشيا الثانيهـ اللي خذتوها ،، ومن وين خذتوه ؟!!


وفي سؤالـ ثاني :

بناااتـ وين أقدر أحصلـ على أدوات [ الحمام المغربي ] كامله لأني حااابهـ اسويها بنفسي ؟!!

تفاحه قطر

حياج الله ويانا نورتينا ^^"

بنت الغالي

لا تحاتين بالنسبه لهناء شغله عجيب وهي حبوبه

العنود

احس الخبر الحلو اللي فبالي بعد انا هههههههههههه بس ماقلتيلنا شلون كان عرسج ..؟ انشائالله صار مثل ملا انتي تبين واحلى

ميس انجر

مكياااااااج فاديه روووووووووووعه انا مجربتها فخطوبتي بس وصيها انها ماتحط لج وايد مكياج لانها وايد غيرتني فخطوبتي وانا من النوع اللي ماحب تغيرر اللوك تخيلي حتى حاوجبي غطتهم ورسمت لي حواجب غير بس مكيجت امي ناااااعم وحلوووووووووو مادري يمكن لانها شافتني عروس وسوت لي ثقيل الله واعلم .... ليش ماتاخذين لعرسج اجربين دينا و عبير هم زينين للعرايس وستايلهم صاير خفيف مايغيرون العروس وايد :)

الليازي

المسك بتحصلينه عند الصمد القرشي انا خذت منه بس السائل اما المطحون مافي منه سئلته قال مافي فالدوحه وبالنسبه عن الحمام المغربي شوفي في الاند مارك في هاي مال الصالبون اسمه خان الخليلي يبيع كل شي عن الحمام المغربي وعندج نزييه بعد :) بس انا خذت من خان الخليلي << عرفتيه ولا لاء؟

افاااااااا يعني مافي المطحون :sad: ؟!!

كنت أبي منه :down: !! ياللهـ مو مشكلهـ شي أحسن من لاشي باخذ السائلـ ...


وبخصوص خان الخليلي ههههههههههه لا واللهـ ماعرفتهـ :dd:

وإنتي كل يوم والثاني صايدهـ علي كلمه هههههههههه:o ذاك اليوم [هيفاء]

واليوم خان الخليلي :o !! ..

شكلي باخذه من نزيييه أنا رايحتله فباخذ من عندهـ :smile: ..


تسلمييييين فديتج ..

حبيبتي اللياااازي

انا خذت لي من عبد الصمد المسك الصلب وطحنته :)

بنات ترى والله مب زين ..

يقولون المسك الأصلي مب دوم موجود ..

والنوع اللي موجود يكون المغشوش .. ويمكن يسبب لج حساسية ولا تهيج ..

بنات حاسبوا والله .. لاتستخدمون أي شي في هالمناطق ..

والله يعطيكم العافية ..

بنكي ..

زيييييين واللهـ إذا عندهمـ المسك الصلب ،..

مو مشكله أطحنه بيدي بعد هههههههه بس أشتر منه لأنه يعطي الجسمـ رييحه حلوووووهـ

اختي الكحل حتى اللي عند عبد الصمد مغشوووش ؟؟؟؟؟ لا تخرعييييني

ماأدري والله ..

بس مره قلت حق امي إن البنات يستخدمونه هاوشتني ..

قالت لي وش دراج إنه مب مغشوش .. في هالزمن كل شي مغشوش ..

وخليج جذي أحسن .. وسبحان الله الجسم يطلع كل الفاسد منه من غير ماتسوين كل ذي ..

وخلج عالحسو ولا هالاشياء الحارة أحسن لج وأأمن لج ..

الليازي

خان الخليلي بتحصلينه الحين عند الباب ويلحقج الا تاخذين ورقه من منتجاتهم لول هو لبنانين ومالهم محل بس في الاند مارك ...؟ انشاءالله عرفتيه

الليازي

يمكن بعد تحصلينها في نزيه ..

ولو تعرفين وحده مغربية قولي لها .. اكيد عندها وايد في البيت .. هههههه ..

أحنا نعرف وحده وجابت لنا ..

بخصوص المسك السائل احلى مسك هو مسك الجسم اللي في القرشي ريحته عذااااب

والمسك الصلب يبيعه بعد علبه كاملة وفيها مربعات داخلها
اختي خذت لها من دبي

وايد حلوة ريحته خفيفة

العنود

وحشتينا والله
وبانتظار تفاصيل العرس :)
وان شاء الله الخبر يكون اللي في بالي بعد لووول :)
بالمبارك مقدما

ألف مبـــــــــــروك للجميع


والله يوفقكن ويسر لكن أموركن ان شاء الله


وعقبال كل بنات المنتدى ان شاء الله


أختكن الـدانــــه

تفاحة قطر

حياج الله معانا ...

بنت الغالي

موفقه ان شالله ويارب تطلعين احلى وحده فالخطوبه

الكحل

شاسوي ياختج .. اموووووووووت فالنوم ههههههه بس اليوم حلمت حلم يخرررع اعوذ بالله

بنات
انا شريت قمصان نوم شكثر يعني فوق ال500 ... بااال تخيلوا احمل من اول شهر !! بيطيحون فجبدي... ولا بخليهم حق اختي الصغيره لما تعرس ....

حسبي الله على إبليسج ..

500 قميص نوم .. كلش ماعندج سالفة ..

متملله شكلج من فلوسج .. هـا ..

محد يشتري هالكثر .. والله حتى لو مالبستيهم .. تمملين من كثر ماتشوفينهم ..

وبذكرج مابتخلين شي حق أختج .. بتوزعينهم كلهم هدايا .. هههههههههه ..

ويالشيخه .. الناس تاخذ كميه حلوة مثلا في العشرين .. وغير البجامات ..

وانتي في شهر العسل بتشترين .. وكل شهر بتشترين ..

أنا ماأكثر لكن والله تقريباً كل شهر ولا شهرين لازم يكون عندي شي جديد ..

والله يعينج عليهم ..

وبخصوص حلمج والكابوس .. ههههههههه .. تعوذي من الشيطان ولا تذكرينه ..

والله يعطيج العافية ..

صح كلامج يال الكحل500 شدعوه بتلوع جبدج من كثر ماتشوفيتهم انا بعد من النوع اللي احب التغيييييير ولازم اقط واشتري غير الله يعينج جان مايطيحون فجبدج يا عصفوره قطر

غالية ياقطر ..

الصراحة أنا أشقر ماأحف .. فما عندي خبره ..

وبخصوص الصبغ عندج جاك ديسانج و جون إيبيل ..