الجزء الثانــ12ــي عشر من تجهيزات عرايس قطر 2006

بنت الغالي:
بناااااااااااااااااااااااات جاني تنبيه عالخاص ان الموضوع بينحذف أماااااااااااااانه لاتسولفون وايد خلوها تعليقات بسيطه وركزوا عالسوق والتجهيزات وغيره ترى فيني الصيحه والله مابيه يتسكرررررررررر......... اذا بنسولف عن شي خاص خلوها بالرسااااااااااااااااااااااااااااااااااااايل بليز :sad: :sad:

لا خلاص والله مابنسولف ..
عاد خلي يشوفون لنا موضوع في قسم يناسبنا ..
عشان سوالفنا ..
بنات ميته أبي أرد عليكم .. بس أخاف يسكرون الجزء .. فحرام أخرب على البنات لانه صج والله هالموضوع مب بس ينفع العرايس . حتى العييايز .. بس أنا مب منهم ..

المهم ..

وجدان الشوق

والله ماشفت اللسته ولا أدري أش فيها .. هههههههه ..
والله يسمع منج حبيبتي ..


miss_engr

أنا بعد مافصلت وايد بدلات .. اكثر شي تنانير كشخه وركبت عليهم بديات وبلايز كشخه .. وحتى الفساتين ماكثرت منها .. بس بسألج .. يعني اااااام أهل ريلج عادي عندهم تلبسين قصير لو حد بيجي يبارك لج ؟؟؟ لا تزعلين لان في ناس بينتقدونج .. بس لو أنتوا من الأهل يمكن عادي لان اللي بيون يباركون لج من هلج ..
بس خذتي لج جلابيات كشخه ؟؟؟؟؟؟؟
ترى وايد تنفع بالذات لو في ناس جات تبارك لج الصبح ولا أول العصر ..
ولو تبين أي شي أنا حاضره لج حبيبتي .. حتى لو تبين بالرسايل الخاصه .. أوكي ..
والله يوفقج ويهنيج إن شاء الله ..
إي صج تذكرت ..
بخصوص الجلابيات ..
في بنات وايد يفصلون في الريان خييايطهم عندهم موديلات خبال والله .. أنا مارحت بس كل ماأسأل حد عن جلابيته يقولون لي في الريان .. وعندج في شلة الخييايط اللي كانوا في الجسره ترقوا ألحين وودوهم عمارة احذا الفردان الدور الثاني كله خييايط وعندهم موديلات وايد حلوة رحت لهم من قبل وبعضهم بعد تكون القطعة من عندهم ..


تفاحه قطر

ننتظر تقرير العرس الله يسلمج .. ههههههههه ..



أحلى أم

الصراحة أحلى وأريح من إنج تلبسين بدلة .. ولو عيزانه تشترين ولا ماعندج وماتبين تشترين شوفي حد من هلج ولا من ربعج عنده شي كشخه يناسب الحنه من بنجابي ولا جلابيه وتسلفيه من عندهم .. (( لان أنا دوم يتسلفون من عندي )) احب الجلابيات الكشخه .. فديتني ..
وصدقيني تنفعج .. شوفي أنا من 4 سنين معرسه .. والله إن لين ألحين ماحذفت جلابياتي إلا كمن وحده (( أقصد الكشخه مب مالت البيت )) ولين ألحين ألبسهم في الحنا ..


ليـالـي

لو يفتحون قسم للسوالف والهذرة حلووو .. إن شاء الله يفتحون ..
لان سوالفكم ماتنمل ومعرفتكم ماهي بخسارة ..

الليلزي وعصفوره

عن اللقافه عرستكم باقيله واايد عيب عيب

ماشاءالله بنات ولا قدرت الحق امس هديتكم على الصفحه 17 والحين 27 تعيزت اكمل


عروووس 2009 + دوحانية م
شكوورين على الخاص وماقصرتوووا

الليازي

اذا انتي تقولين عن الكحل ياهل عيل شبتقولين عني خخخخخخخخخخ


بنت الغالي

هههههههههههههههههههه ظحكتيني اهم شي استناستي انشاءالله

بنات حد بيعرس 27/8 ؟ في الدانة....

بغيت اقولكم شي من كم يوم مريت اجياد اللي في السوق وبصراحه عنده جلابيات وعبي حلوة واسعاره اوكي....

بناااااااااااااااااات


بااااجر عرس شمووخ عنادي هههههههههههه والحين قاعده تتحنى وتقول لا تاخذون حف عند سميره ترى ماتحف عدل واااي صح بخصوص سميره انا ماشوفها سوت شي الصراحه احسها اتخربط والله اعلم بس زين قالت لي عشان اشيل الحف من عند سميره

هلا بنات وحشتوني شخباركم

اي والله فراشتكم امس هديتم في الصفحه 18 واليوم ماشالله 27

بنات تكفوووون لاتسولفون بسكروون الموضوع والله اذا سكروه بصيح بنت الغالي هالله هالله فيهم سكتيهم شوي


بخصوص الجلابيات عندكم خياييط الريان مسكتييين في الجلابيات عندكم وادي الريم في الريان اوووف تهبل جلابياته وعندكم بعد طخه خيايط في الريان عند مدرسة علي بن عبدالله انا خيطت معظم جلابيات عندهم بس شنو شي مرتب

انا اشوف المفروض تكون اكثر الملابس تنانير وبديهات حلوه او جلابيات كشخه اذا كنتي موجوده في بيت اهل ريلج عشان اذا حد جى يبارك لج لازم تكونيين شوي راقيه تحملووا تلبسون فساتين قصيره وتنانير قصيرة وبديهات كت لان والله ينقدوون على البنت مع احترامي لللكل

بنات .. ليش تسوون جي ؟؟؟ ها؟؟؟ ليش تسولفون ؟؟؟ <<<< مالها خص كلش

بنت الغالي
لاتحاتين انا مب هاده الجامعه ... اقولج اهو قال طلعي وانا ماسمعت كلامه .... من البدايه ارويه ان اهم شي عندي الجامعه


مس انجر


شكلي بفتح معرض في النشاط بس لين جفتيني سوي نفسج ماتعرفيني


بنات

ابي اسأل .. الحين انا ريلي يشتغل ويرد تقريبا الساعه 1 الظهر ... زين عقب العرس لما يرجع من الدوام ... شنو البس ؟؟؟؟؟؟؟؟؟؟؟

لاحد يضحك على سؤالي

فراشتكم


يحليلها عناااااااادي

سلمي عليها واااااااااااااااااااااااااااااااااااايد وااااايد

وحشتنااااااا

الله يوفقها يارب
واكيد بناخذ بنصيحتها بخصوص سميرة ^_^

اهم شي اللي ماله خص في السالفه وتهاوش المشكله

انا بعد نفس عصفورة نفس السؤال ترى سوالج مهم مايضحك انا بعد ماعرف شلبس ؟؟

عصفورة قطر وغاليه
مب شرط يكون فيه ستايل معين هو لما يرد من الشغل يكون طبعا يبي يتغدى وينام يعني البسي لبس بيت بجامه شورت اوقميص نوم عادي بس في نفس الوقت يكون ( احم احم ) >>>> اختشي يابنت


الكـــحـــل
حبيبتي والله عادي سولفوا بس خل نخليها تعليقات عاديه وتدرى الموضوع بدونج مايسوى شي منورتنا والله :)

غالية ياقطر

هذي الخييايط اللي أقصدها والله جبتيها عالجرح ..

لاني ماأعرف أساميهم ..

وحتى خياط وادي الريم بعد يمدحونه ..

بنات عندكم إياه .. كلكم سوو هجوم عليه قبل رمضان لا يقرب .. هههههههههههه ..

الكحل اما جبتها على الجرح خخخخخخ

ترى هو وايد زين وادي الريم بس الله يهداه النفسية عنده لكم عليه يعني تحملوا تتهاوشون معاه

اهم شي يسوي شغلكم عدل لانه ينرفز والسعر بعد لكم عليه بس شغل عدل

**عصفورة قطر**

بال صج ذكرتيني بمعرض الجامعة الله يقطع سوالفج ..

هههههههههههههههههههههههه ..



فراشتكم

سلمي عليها ووووووووووايد وااااااااااااااايد ..

وقولي لها تهنيتي .. ايه على ريحة الحنا .. هههههههه ..


غالية ياقطر ..

شفتي وشلون عصفورة تجنن ..


بنت الغالي ..

حبيبتي أنتي ..

بس بنسولف أشويه ..

ههههههههههههههههههههه ..

ماتقصرين ياقلبي ..

إن شاء الله تجمعينا مع النبي ..



**عصفورة قطر** ، غالية ياقطر ..

إذا بتكونون ساكنين في بيت لحالكم .. أخذوا راحتكم ..

ألبسوا اللي تبونه .. بس صج هو بيرجع تعبان .. بس ساعات مايكون تعبان .. يعني أفهموها .. هههههههههههههههه ..

أنا ماألبس لاني اطلع اتغدا في الصالة فالكل يكون قاعد امه واخوانه ..

بس أكون أنا مجهزه الغرفة ومعطرتها وكل شي ..

بس عقب الغدا .. ياقميص نوم .. (( .... )) .. ولا بجامه لاني برقد ولا بقعد عالنت .. ههههههههه ..

يعني أنتوا تقدرون تكشخون بجامه حلوة نعومه .. وعقب الغدا تبدلين وتلبسين قميص النوم ..

الكحل اي والله ايه على ريحة الحنا

تدرين ذكرتيني ريلي مايحب الحنه وانا امووووت فيها شسوي يقولولي لو ماتتحنيني في العرس يكون احسن وانا اقوله مافي مايصير مشكله الصراحه


تسلمووون على الرد

انزيين بنااات لا تهدذرون وااييد عشان مايفوتني شي بروووح وبجي جاتنا الحنايه برووح اصوت على امي ارقدت ونست الحنايه ههههههههه


الكحل
انا عكسج ماطيييق الحنا لووول عشان جي مب متحنيه مع ان عرس بنت خالتي باجر بتحنى لعرسي مره وحده ولا بحف عقب مره وحده بس شقرت جسمي وياريتني مااشقرته طلعت لي حساسيه واااي بغيت اسال عن احسن حفافه لاني كنت حاجزه سميره وكنسلتها تقول شموخ مب شي ابي وحده اتحف بحلاوه وبخيط

غالية قطر
صج الريايل مايحبون الحنا ولا ريحتها اخوي من يشوف فيدي حنا يشرد ههههههههه:gum:

والحل ؟

غالية ياقطر ..

جنت خالتي مسكينه ماتحنت يوم عرسها ولد خالتي مارضى ..
هههههههههههههههههههههههه ..
وهي تموت على الحنا .. تموووووووووووت ..
فديتها ..


فراشتكم

الصراحة أنتي عويه .. حد مايحب الحنا .(( خذت عليج الأخت )) ..

وبخصوص وحده تحب بالخيط .. أتذكر وحده بس ماأدري عنها ألحين في وين ..

حتى أسمها نسيته .. يمكن تحصلينها لين ألحين في صالون حلا في العزيزية ..

بسأل لج عن أسمها ولين ألحين موجوده ولا ؟؟ اوكي ..

الكحل

بما انج في بيت اهل زوجج

ابي اسألج سؤال .. منحرجة اسأله بس عادي انتو خواتي

ابيج تفيديني بسوالف اللبس

لاني انا بعد باعيش معاهم
وعنده اخوان صغار يعني في الثانوية والاعدادية

وماعرف شلون بيكون وضعي بالضبط

يعني في ناس اشوفهم يتمون بعباياتهم
وناس لا يلبسون جلابيات
وناس بناطلين
وناس بدلات

انتي بشنو تنصحيني؟

واذا كان ودي البس اشياء معينه بناطلين برمودات فساتين وهالسوالف
متى البسها بالضبط

يعني يمكن حد يجي الغرفة بالغلط او شي لوول


لووول اكيد فهمتي انا شنو اللي ابي اعرفه

^_^

انتظر ردج
هني او عالخاص

عصفوره قطر
البسي اللي تبينه جلابيه بس جلابيه كشخه شوي اوبنطلون وبادي نعومي ...يعني شي فيه حركات
بس ابتعدي عن البيجاما اول الايام خصوصا ادا كنت بالبيت لادوام ولا شغله ...

الكحل
كحوله جينا نكحلها عميناها كانوا بيسكرون الموضوع

نور الدوحه

الله يعينج والله ..

أقول حق ريلي في خاطري ألبس على راحتي ..

المهم أنا كله علي جلابيات .. الصراحة وايد أستحي لو ألبس بدلة ولا شي ..

تعرفين حتى لو يجونا ضيوف أكشخ بجلابيات كشخه ..

لاني جربت ألبس تايرات .. ماأقدر كل أشوي بقوم ألبس عباتي ..

وتعرفين أنا الجنه الوحيده اللي عندهم .

يعني يشوفونج غصب ..

بس قسم بالله إن ساعات ادخل الغرفة أنسى افصخ شيلي تعودت في بيتهم كله على راسي ولا أفصخها ..

وفي غرفتي ألبس .. وصادتني مواقف مرات .. أأأأأأأأأااااخ فشيله .. ههههههههه ..

يدخلون خوات ريلي علي الغرفة وأنا بقمصان النوم اللي كلش رايحه فيها ..

وأعصب على ريلي .. لان يكون برع ولو يسألون عني يقول هي في الغرفة .. وووو .. بس ..

صج فشيله والله ..