الجزء الثانــ12ــي عشر من تجهيزات عرايس قطر 2006

اليازي


شغلهم واااايد واااااااايد حلو انا جربت الشعر بس ... وانصحج تسوين عند "زينه" تراها شاااطره

نور الدوحة...
اغلب القمصان حق اول ليلة تكون بهالالوان اللي ذكرتيها....و الخامة تكون يا شيفون او حرير او دانتيل..... الا بعد جان تبينه يكون صوووووف...ههههههههههههه....
واذا انتي ما تحبين الدانتيلات الزايدة في القميص....خذي لج من BHS ناعم و بسيط و سعرة حلو(قميص حرير+روب حرير ب250 ريال)....
فراشتكم....
حبيبتي بالنسبة للمظلة انا اشوفها احسن و اريح من الرداء....الرداء ما راح يغطي ويهج...يعني مستحيل تطلعين جدام اخوان زوجج بالمكياج....و بعدين الرداء بيخرب شعرج....المظلة بتنخشين تحتها و بدون ما تخرب لج شي....وبدال ما تروحين تاجرين لج ب200 مادري 300 روحي فصلي لج وحدة كله على بعضه ما راح يكلفج اكثر من 250 انا مسويه.....بس مظلتي انباقت ليلة العرس....بنسوي وحدة حق الليازي.....و ما راح تطيح بجبدج الا بالعكس بتتم لج ذكرى من ذكريات عرسج يعني مثل الصور....و تقدرين تحصلين من وراها الاجر اذا حد استلفها منج

مرحبا يا عرايس ^_^

اشلونكم ؟ شخباركم << فاضية ..

::

وهج العين
اممم شوفي كثري من البيجامات .. و إذا كان عرسج يصادف وقت شتا كثري من القطنيات لأن هم اللي بتنامين بهم .. و إذا عرسج في الصيف نوعي فيهم .. بس ملابس النوم عموماً كثري منهم للتنويع بس ..

و بالنسبة للشنط و الجواتي ..
امم حاولي تاخذين الألوان الأساسية اللي تقدرين تلبسينهم مع أكثر من لبسة عندج + اخذي كم شنطة الوانهم صارخة .. و لا تنسين شنط السهرات اللي لازم تكون مناسبة مع الفساتين ..

::

العنود ..
ما شاء الله تبارك الرحمن .. بالمبارك الحمل و الله يثبته يا رب ..
و نااسة والله فرحتيني .. عقبالي يارب خخخ
تستاهلين كل خير ..

::

عمري قطر ..
انا هالفواحات اللي تحشر المكان ادورها .. وين القاها و اشلون شكلها ..

::

مس دانة
شمس الخليج .. اتعامل معاه للصور الشخصية بس ^_^

::

غالية يا قطر ..
بالنسبة للأدعية .. مافي ادعية مخصصة للزواج .. ادعي باللي تجود به نفسج و باحاول اطلع لج الأدعية اللي كنا حاطينهم ..

و توكلي على الله و احجزي عند عبير مكياجها الناعم وايد حلو .. و شوفي دينا اذا ما لقيتي عبير ..

::

ريم
عندج نجوى - لبنى - مرسيدس ..

::

عصفورة قطر ..
الله يهديج .. الريال ما ينقال له كل شي خاصة وقت التجهيز خخخ
لبسيه و توكلي على الله .. و حاولي تقنعينه .. و يفضل إنج تلبسين طويل اول يوم تحسين صج إنج عروس ..

حطي صور الخطوبة و الحنا .. مب لازم صورج و انتي صغيرة ..

::

الكحل ..
حركة مريم الفلبينية صارت في عرسي لوول
خواتي كانوا حاجزين عند جولدن فوكس ( أظن إنه محلها إذا عندها محل ) و جابوا معاهم خلفية و جربوا التصوير الديجتال ..
حتى المعازيم اللي يبي يصور يدفع 20 ريال للصورة الوحدة .. بس كانت حركة حلوة و الله ..
و الناس استانسوا عليها يحسبون إني انا جايبتهم لهم لوول ..

::

نور الدوحة
حتى انا ادور مثلج ..
ابي بدلات جاهزة و تكون كشخة جذي ..
الله يقطع اسواق الدوحة اللي ما فيها شي ..

و بخصوص قميص النوم ..
باجيج أذبحج ..
الحين انتي رحتي دبي ما لقيتي شي هناااك !!!!!
شفتي شادو ؟

::

ترانيم قطر ..
بالنسبة لطقم الروب و الفوط .. نصيحة لا تاخذينه ..
انا عندي نص طقم يعني حق شخص واحد ما استخدمت منه الا الروب و الشبشب .. اما الفوط طايحين شاسوي فيهم حتى ما لهم مكان ..
و شريت لي و لريلي فوط من بي اتش اس و هو خذ له روب من الصالون الازرق ..

و المبخر ..
انا تعجبني مباخر القرشي .. أو جنيد ..

::

الليازي
بخصوص جاك ديسانج .. انا تعاملت معاهم اكثر من مرة ..
قص شعر - سشوار - ميك آب ..
و طبعاً رهيب .. و شعري دايماً احجز عند زينة و الميك آب : هدى ,, و جربت مايا بس ما كنت راضية عن مكياجها احسها تستعبط !!

::

::

ترانييييييييمـ قطر ..

اللهـ يوفقج حبووووبهـ .. وإن شـاللهـ تتيسـر كلـ اموورج ياربـ




نوااااري الدوحهـ ..

فديتج ليييش ماتشترينـ من [ نادلي ] واللهـ عندهمـ شغلااااتـ حلووهـ إنتي على بالج بوالشبابـ

يهمه السعـر كثـر مايهمه الشكلـ ..


فديتج اهمـ شي يكوون شكلهـ حلووو وراقي أشتري منـ نادلي او أي مكان

ثاااني وفكي عمرج ..

سوالفكم ماتنمل ومعرفتكم ماهي بخسارة ..

هههههههههههه ..

برجع أسولف معاكم بالليل ..

والله يعطيكم العافية ..

**عصفورة قطر** تحملي لما ارجع تقولين بنام .. ههههههههههههههههه ..

العنـــــــــود

مبـــروك والله يثبته ويتمم لج على خير ويرزقج الذرية الصالحة

[COLOR="Magenta"]الكحل

انا مانام الا عقب ماجوف الحاج متولي ... لاتخافين هههههههههههههه

دوحانيه ...

انا ماقلت له هو اللي سأل [/COLOR]

غلا الدوحه

شدعوه ااجرها ب 300 على 10 دقايق ويمكن اقل بعد

عصفوره الدوحه

شكلي بفصل بس اتعرفين وين ؟

تعبت وانا اقرا ردودكم :) مشاء الله عليكم مسفهلين اليوم خخخخخخخ

فراشتكم...
عيل احسن شي تتغطين بعباية بعد شتسوين...مافي الا جذي

بنات باقي على عرسي اسبوع...متى ابتدي احط ملابسي بالشناط؟ اللي بوديهم معاي شهر العسل؟ لاني بسافر على طول

ادعولي ان الله يسهل اموري ...بديت احاتي اليوم بس والا قبل عادي !!

عروووس بفصل المظله بس من وين ؟؟

حطيهم من الحين...بتكونين افتكيتي من بعض الاشياء... انتي ما راح تحتاجينهم الا في شهر العسل...

فراشتكم

فصليها من نفس المكان اللي فصلتي فيه الفستان...

الحلم الهادي
لاتحاتين ولا شي (( جو من يتكلم ))

ابدي جهزي من الالحين احسن لج والله الله بالبخور ...بخريهم عدل ماوصيج

انا عرسي باقي له شهرين ومن الملل فكرت اجهز شنطتي مالت شهر العسل من اللحين ههههههه

فراشتكم...
الله يسلمج في خياط في شارع المطار التجاري اسمه(الانامل الرهيفه) هو مفصل حق ناس من قبل و فصل لي انا بعد يعني عنده فكره عن هالاشياء...

الحلم الهادي ..
حلفيييييييييييييييي عاد إن باقي أسبوع !!!!
إن شاء الله يعدي على خير و يعدي عرسج بعد على خير و يكون مثل ما تبينه و أحسن ..

تبين رايي :
ابتدي فيهم من الحين .. و جهزي شنطة السفر و خليها جاهزة و طبعاً ملابسج اللي بتودينها معاج هي بس اللي بتبخرينها و تعطرينها و اقصد ملابس النوم مو كل الملابس ^_^

بالنسبة لباقي الاشيا .. وديها البيت و خليها بشناطها بس جهزي ملابس ثاني يوم و الإكسسوارات و كل حاجة بتلبسينها .. و الباقي عقب ما تعودين من السفر تفرغي لها و رتبيها على سعة و دخنيها كلها مرة وحدة .. بس الملابس اللي يبي لها كواي و تعليق اكويها و خليها بعلاقها .. اممم حتى قميص ليلة العرس و الأرواب حطي عليهم كيس زبالة و وديهم و هم معلقين ..

انا سويت جذي .. قبل العرس بيوم وديت شناطي و خليتها مسكرة و شنطة السفر خليتها جاهزة بس زدت عليها بعض الاشيا اللي استخدمتها اول يومين ..

الله يوفقج حبيبتي .. و يسهل كل أمورج و يجعل أيامج كلها خير و سعادة : )

و أكيد ننتظرج بعد العرس تعطينا التفاصيل ..

::

عصفورة قطر
أدري فديتج .. و صارت معانا بس عرفنا اشلون نتهرب ^_^
الرياييل الله يهديهم ما فيهم صبر كل شي يبون يعرفونه قبل .. !

عروس 2006

مشكووره بقول حق امي (( جان ماتزفني بس لعوزتها ههههه ))

الحلم الهادئ

انا اقول بعد وياهم جهزي من الحين انا بعد جهزت اغراضي مالت السفر لاني بسافر على طول انشاءالله


بناااات انا بعد ادعوووولي باقي على عرسي اياااااااااااااام واي بيغمي علي << شدعوه

باقي 19 يوم :(

بنااات بسالكم بس هو محرج شوي

بس يلا بقول

بنات احم هو سؤال غبي يلا يلا خلاص بقول

نرقد بقمصان النوم ولا بالبجايم ..؟ <<<<<<< احراج

دوحانية


لاااااتطقيييييييييني :cry:
شفت اللي في دبي
احسهم يتشابهون
ماعجبووني :sad:
خاطري في حرير والروب حرير ويكون ناعم وفيه شريطه في النص :gum:

ههههههههههه فراشتكم
حلو سؤالج .. انتظري إجابتي لج على الخاص ..
و الله يتمم على خير .. لا يغمى عليج و لا شي ^_^

::

نوروو ..
لا ما راح اطقج ..
زين فصلي .. ما في محلات تفصل ؟؟
تصدقين عجبني اللي تبينه كله حرير في حرير .. بس أظن حلاته يكون تور احم احم

اممم اذكر في محل في دبي كنت ماخذة منه قمصان نوم شكثررر و راواني موديلات مرسومة .. و يقول لي القطريات يبون لي الموديلات و انفذها لهم ..
حسافة ما دريت إنج بتروحين دبي الا عقب ..