امهات اغسطس 2006...شاركونا قصص ولاداتكم وايام النفاس

هلا بنات

لولو..الف الحمدلله على السلامه..المهم كل هذا خلاص راح و انتي ولدج في حضنج...والبوصفار بسيط جدا..لا تحاتين :)


شو هذا..وين باقي القصص...شو عيالكم كلهم مثل حمودي مب عاطيني فرصه اسوي شي الله يحفظه :)

لولو

الحمد لله على السلامة...

ويتربى في عزكم ان شاء الله..


اما عن ولادتي.. طول الليل كنت اتويع بس في بالي ان هذا مغص من الحسو...(اكلة النفاس يصنعونها من طحين وبزار وحبة حمرا)

وصحيت الساعة 6 وانتوا بكرامة للحمام.. وشفت دم...

خفت واتصلت لامي على الموبايل...بس ماردت علي.. وطلعت لها الغرفة..ولقيتها مقفولة.. مع انها طول الفترة اللي انا عندهم..مخليتها مفتوحة عشاني..
المهم فتحت لي الباب وهي تعبانة ونعسانة.. قلتلها نزل علي دم ومافيني الم شديد..

قالت انزين..ونامت على السرير.. وقالت طفي الليت وانتي طالعة..خخخخخخ تخيلوا انا في ولادة وهي تقول سكري الليت وراج...

قلتلها مين يوصلني المستشفى؟؟؟؟؟؟؟؟؟؟
قامت من مكانها تقول : صج اني نايمة.. وضحكت

المهم.. رحت المستشفى وفحصتني الدكتورة وقالت 4سم ولادة...

دخلت غرفة الولادة.وانا على التخطيط.. قالت تتمشين شوي لين يزيد الالم؟ قلت اوكي...

وتميت اتمشى من الساعة 7 لين 10 والالم يزيد.. بس مو ذاك الزود.. وكل نص ساعة تحطني على التخطيط..

لين الساعة 11 قلت خلاص افتحي الماي.. انا مستعدة نفسياً وجسدياً(حشا .. رايحة حرب..)
ومن فتحت الماي.. زاد الالم.. يروح ويجي..لين خلاص ماتحمل... صرت اقول للممرضة نادي الدكتورة.. الالم يزيد وفيني عصرة.. يعني ابي ادفع البيبي

جات الدكتورة وفحصتني.. قالت 9 سم يلا دفعي... وايدها ليلحين داخل.. والالم لا يطاق.. من تشيل ايدها ارتاح واقدر اتنفس..
ومرة ثاية حطت ايدها.. وانا خلاص.. تقول دفعي!!! دفعي!! الراس بيطلع..حاولت اني اساعد نفسي عشان مايسوون جراحة.. بس اضطرت.. والحمد لله انه كان في منطقة العجان مش جانبي..

وعطتني ابرة البيثيدين.. والولادة تمت على خير.. بس اكتشفت ان عندي حساسية من هذا الدوا

صادتني مثل الهلوسة بعد الولادة لمدة 3 الى 4 ساعات.. حتى اني ماقدرت اشيل بنتي..

وتخيلوا على لحم بطني من العشا وكان خفيف..صارت الساعة 4 العصر.. قمت ابكي عشان الممرضة تجيبلي عصير.. قالت لي ليش ماكلتي الاكل اللي جابوه لك (الغدا)

اكلت بعدين في الغرفة ساعة 7 مضروبة..شوي بس عشان ترد عافيتي...

طولت عليكم...

انتظر الباقي.

الف الحمدلله على سلامتج ام عزيز
ما خنا العهد بيني و بينج يومين بس ...

ام عزيز

المهم الحمدلله على سلامتج و سلامه البيبي...

قولولنا شو اخباركم مع النفاس؟؟

سوري أنجل تأخرت بالرد...

السافلون الله يسلمج عباره عن ديتول وغرشته نفسه بس لونه مايل عالاحمر ...

وبصراحه انا كنت تعبانه للحين الرحم فاتح لي 2 سم ومو راضي يتزحزح عنه...

أبي أروح دبي بس دكتورتي خبرتني أني الحوض شوي ضيج عندي وأحتمال كبير أولد قيصري...

ما أبي أولد بعمليه أبي أطوف بكل المراحل مالت الولاده يا رب سهل علينا يااااا رب...

اهليييييين بنوتااات
مشالله قصصكم رااائعه جداا

والله يخلي لكم عيالكم ان شالله وعقبال ماتفرحون فيهم يااارب ,,

:) ومبروووك للي ولدووو والحمدلله على سلامتهم واللي لسه ماولدت الله يسهل عليهاا يارب ,,

الف مبروك والحمد الله على سلامتكم يا امهات اغسطس

الله ماحلى سوالفكم شهيتونى اكون معكم بس انا مازال طريقى طويل الله اكمل على خير


الف مبروك والحمد لله على سلامتكم

السلام عليكم
كيف حالكم
الحمدلله ولدت تاريخ 24/8 يوم الخميس
اما عن ولادتي.. ليلة الاربعاء نزلت علي نقط دم خفت اتصلت لامي ورحت لها عطتني ماي ورد وزعفران وسوت لي بخور وحليب بالزعفران
انا صادني الم مثل الدورة بس يروح ويرجع وكان محتمل فتوقعت اني بطول قلت لهم بروح ارقد

بكمل مرة ثانية شكله علاوي قعد

اكمل

يوم قلت لهم برقد قالو رقدي معانا هني علشان نحسب لج مدة كل تقلص ما رضيت
دشيت داخل وانا اتوجع وريلي كل شوي يقعد يطالعني ويسألني لحين تتألمين اوديج المستشفى وانا اقول له لا للحين
وكل شوي اروح اعزكم الله الحمام واطل على امي اجوفها راقدة على بالها بنتها ارقدت

الصبح زاد الوجع بس ما رحت المستشفى على الساعة 3 العصر رحت بس قالت لي 1 سم رجعي البيت اذا زاد الألم تعالي
تخيلو كنت في البيت ميتة من الوجع وصراخ وحالة ورايحة جاية الحمام بس بعدين على الساعة تسع رحت المستشفى يوم طلعت روحي قالت لي ولادة 4سم
دشيت غرفة الولادة وهناك رجعت وكنت وايدة اتألم بعدين من الساعة 9 الى 4 يوم أولد وكنت مع كل طلقة اصرخ عفست الدنيا

والحمدلله طلع ولدي علي الله يخليه ان شاء الله

الف مبروك يا الم احمد..

يتربا في عزكم علاوي

شلونكم... رجعت لكم..

لولو.. العهد ماخنتيه..مثل ما قلتي.. مبروك حبيباتي اللي ولدوا ...
وعقبال الباقي..

بالنسبة لي.. الحمد لله خيوط جراحتي طاحت.. واعتقد باقي واحد بس..هم كانوا 4 غرز

بس الدم ماينزل علي احمر متواصل.. يعني خلال يومين مرة ينزل احمر.. وباقي المرات بني..
مادري ليش..

الدكتورة نصحتني استخدم تحاميل البوثيل ابتداءً من اليوم 28 للولادة.. يوم وترك.. لين تخلص العلبة..
وان شاء الله اذا كان الدم واقف..ممكن ارجع لحياتي الزوجية...

ننتظر مغامراتكم.. مع النفاس

بنات كيف اعرف ان الغرز طاحت؟؟ انا بصراحه لين الحين ما جفتهم اصلا من الزياغ
و بكمل شهر عقب كم يوم

احيانا احس بحكه في المنطقه..امي تقوللي يعني الجرح يلتئم..بس انا اخاف يكون التهاب او شي...و موعدي مع الدكتوره يوم 20-9
وبالنسبه للدم الصراحه مادري بدى يقل وايد و لونه صار بني على وردي..بس احيانا اقول خلاص بيوقف عقب احصل شويه دم احمر مع افرازات نازل..كم المفروض يطول الدم..؟؟ ريلي يسألني متى اقدر ارد للعلاقه الزوجيه..؟؟ هل لازم الدكتوره تجوفني الاول او لما يوقف الدم؟؟

ادري وايد اسأل بس الله يخليكم ساعدوني

حبيبتي انجل..

الدم يختلف من وحدة الى اخرى.. انا في عزوزي.. طولت لين 45 يوم

وفي الثانية بس 40..

الله اعلم هذي كم اتطول... وبالنسبة للحكة اذا كانت في منطقة الجرح بس معناته يلتئم..
بس اذا كانت حكة مزعجة.. طووول الوقت.. حاولي تراجعين الدكتورة..

وبالنسبة لزوجك اللي مافيه صبر.. حاولي تفهمينه انج خايفة شوي.. وانه المفروض يحاسب..
ويعطيج فرصة وقت قبل ما يبدا الجماع نفسه.. طبعاً بعد مايوقف الدم تماماً..

ومثل ما نصحتني الدكتورة.. استخدمي الالبوثيل من تاريخ 28 النفاس .. يوم ويوم...لحد ماتخلص العلبة...

والدم اللي ينزل ثقيل وخفيف... فالحال من بعضه.. ومنرفزني....

هلا بنات
حبيبتي ام عزيز

مشكوره على ردج الحلو..والله كريم :)

الحين بدت الافرازات كان لونها برتقالي على بني..يلا ابا اخلص عشان اسير اقص شعري و اصبغه و اسوي حلاوه ..والله شكلي مستوي جني سيلانيه مبهدله..احس شعري اخترب..استوي ميت وبدا يطيح مب مثل ايام الحمل...
الف الحمدلله عالسلامه ميمو العسوله :)
و مبروك عليج الحلوه روضه :)

ها خبرينا عن النفاس

انجل.. الشعر يطييييح مثل الماااي...

انا اكره نفسي بعد الولادة.. شعري صار خفيييف حيل..
ومثل ما قلتي .. سيلانية.. متى اخلص الاربعين عشان اتزقرت واتعدل...

شنو بتسوين بشعرج...؟
بتغيرين اللوك..؟ شلون حاطة في بالج..؟

اليوم خدامتي بتروح.. والله يعين! الله يخلي الوالدة.. شكلي بقعد عندها لين توصل الثانية.

ماتخيل نفسي في البيت بدون خدامة .. و3 اطفال..!!!؟؟؟

السلام عليكم يا احلى امهات ... امهات اغسطس ....
اتمنى ما تكونون ناسيني ... ادري من زمان ما طليت عليكم ... عاد اسمحولي البيبي ماخذ كل وقتي ... ماشاءالله عليه صييييييييييييييييييييييياح لدرجة فضيعة ... ربي يهديه ان شاء الله ..
مشكورة انجل ايز على الموضوع الحلو ... وربي يخليلج حمودي .. والف مبروك لام عزيز ولول وام احمد وميمو العسولة ... ولكل اللي ربن ... وربي يجعلهم من مواليد السعادة ان شاءالله .....
بقولكم قصة ولادتي مع انها متأخرة .... خخخخخخخ
يوم الخميس 10-8 كان عندي موعد ... سرت عند الدكتورة وفحصتني من تحت على اساس اتشوف اذا فاتح عندي شي ... خاصة ان كان فيني الم ... المهم شيكت وقالت بس سانتي واحد وشكلها الاخت سوت شي ولا عقب شوي تقولي فيج نزيف وما يستوي اتردين البيت .... خوفتني مع ان ما كان فيني شي مجرد الم محتمل ... مثل كل يوم ...
المهم عقب الا يزيد علي الالم ويستوي فضيع ... حجزولي حجرة للولادة .. وتمين اتويع من الساعة 4:30 العصر لين الساعة 12 في الليل يت الممرضة اتشيك علي ولا بعدني سانتي ما فتح اكثر .. وانا اموووووووووووت من الالم .. يت عطتني طلق صناعي بناء على اوامر الدكتورة ... وتميت لين الساعة 6 الصبح ... مع الطلق الصناعي .. طلبت منها مسكن عطتني مرتين .. بس موووووووول ما كان يفيد الالم مب طبيعي .... يتني الدكتورة الساعة 10 الصبح اتشيك علي ... اتخيلوا بعدني بس سانتي ... جان تقولي الدكتورة بنحطلج طلق اقوى ... اذا ما فتح عندج خلاص لازم انسويلج عملية ... لانه الرحم يضغط على البيبي .. وشكله ماشاءالله كبير علي .... ويمكن ما يطلع لان الحوض عندي صغير ... عاد عقب هالكلام تميت اصيح من الزيغة ... عملية وانا بروحي في هالغربة ... يعني بتبهدل عدل .... المهم ما بطول عليكم اكثر .... طبعا الالم كان شي لا يوصف .. طلبت من الممرضة مسكن مرة ثانية ما طاعت قالت عطيناج مرتين ومش زين وايد للبيبي .. يخليه خامل ... بس لو تبين ابرة الظهر ما عليه ... عاد انا من اسمع اسمها اخاف .. قلت لا ما ابا بتحمل ... وريلي يحن علي خذيها يالسة تتعذبين والممرضة نفس الشي وانا معاندة لا ما اريدها ... طبعا مع الطلق الزايد ... رايحة فيها ... المهم اخر شي خذت الابرة .. والحمدلله خف الالم .. يتني الدكتورة الساعة3:30 العصر وشيكت بعد مرة ... والحمدلله قالت اني 8 سانتي ما تصدقون اشكثر استانست ...تميت اصييييييييييييييح من الوناسة .... المهم شلوا عني تاثير الابرة عسب احس في الدفع واساعد .....
الساعة 4:30 كنت 10 سانيت وبدينا في البووووووووووووش .... الساعة 5:27 بالضبط طلع حبيبي يويووووووووووو... ربي يحفظه ويهديه ان شاءالله ...
ادري طولت عليكم ... اسمحولي .... وهاي قصتي بالتفصييييييييييييل ....
ربي يسهل على كل الحوامل يا رب ...
ها يا بنات شو مسويات في النفاس ... انا ولا حاسة اني في نفاس ... ربي يسهل وارجع البلاد بسرعة