*****الجزء 4 من تجهيزات عرايس الامارات *****

عروس الموج:
انا توني يايه من الغرير اوني بس بسير بودي شوب وبرد رديت اب ثلاث خرايط ههههه

لسنزا مسوي تنزيلات خذت من عندهم بيبي دول

بنات سيروو هالمحل بتحصلون عنده اشياء حلووه امسوي 30 % تنزيلات خذت من عندهم شبب الوان فاتحه على 20 درهم اسم المحل La Vie en Rose هذافي فرع فالغرير وفي في سنشري مول ..

طبعا سنشري مول عدالنا فا انا دايما اسيريلهم حتى حافضيني فالمحل ههههههه وستيناتهم اتعيبني وااايد حلوووه فالبس

بقولكم شو خذت من بودي شوب..

خذت مشط للشعر....
--وبنات انصحكم اب هذا الكونشنر لشعر واااااااايد روعه ما يحتاي اتسشورين شعرج وتحرقينه بس لو اتنشفينه يبين ناعم اسمه (AMLIKA LEAVE-IN CONDITONER ) احنا البنات فالعايله كله نستخدمه ...بعد ما تغسلين شعرج بشامبوو وخلاص اتحطينيه اشويه في ايدج وتمسحين فيه شعرج وخلاص اتلفينه يعني ما تحطين ماي مره ثانيه عليه..وخذت الشامبو ماله بعد


وخذت هالعطور من عندهم
Velique
chymara
هذيل للجسم بس حلوين ريحتهم بارده طبعا هذا يوم بلبس قمصان النوم ..بغير عن دهن العود والعطور الفرنسيه والعربيه الي ريحنهم اتعور راسي

وخذت زيت المسك..

وعطر TOBACCO FLOWER

هالاشياء حلووه ما اروم استغنى عنهاااااا

وخذت عندهم بلشر فيه لمعه برونزيه..وجلتر خفيف

وكريم بعد فيه جلتر لونه برونزي فيه طبعا الوان عسب كل جسم ولوونه بحط للعرس على ايدي (الزند) بحط عالخفيف (شوورايكم)

موج
ها كله خذتي من البودي شوب....حتى زيت المسك ؟؟؟؟

شكلي بقلدج وباخذ شراتج

:)

شما العيناويه:
بناااااااات قبل لا اروح

بخبركن بشي ضروري

وانتن تتزهبن اشترن كوبين عصير رمنسيات واكواب نسكفي وهالسوالف لشخصين والصحون خاصه ومناديل منقشه واشواك

حتى لوكنتن في حجره مب قسم


اوه نسيت وطبعن شموع حق الاكل ترا الريايل يموتون على هالسوالف سوالف الرمنسيه وعشى اخر الليل


وبس

وفي مان

يا خطـــــــــــــــــــــــــــــــــيــــــــــــــــــــــــــــــــر أنته

:cool2:



هه

مشكوره الغاليه على التذكير

Miss.Uae:
السلام عليكم

شخباركم بنات عساكم بأحسن حال :)

.

أنا يديده و توني أشوف هالموضوع بس رووووعـــه وااايد مفيـــــد

أنا قريب ببدا أتزهب :) فبتشوفوني واايد أستفسر

ويعطيكم العافيـــه ع الإفادهـ

هلا والله بمسنا الحلوة

وحياج الغاليه
ونحن في الخدمه (f)

عروس الموج:
رموش الأمارات


دخني اب شبه ولبان هههههه عن الحسد

انا باقيلي يومين اه اه اه وبعدين بسير فالقفص الذهبي انشالله..

انا وااايد خايفه تدرون من شوو كيف بمشي بين الناس او كيف بركب الدري.....كيف بشووف الدري ادري ان حد يساعدني بس ما احب هاي الحركه الي يوم حد ايودني وانا اركب الدري والكل يطالع هههههههه احس شكلي يضحك

لا لا لا عروس الموج

لا تخافين

وان شاء الله بتركبين الدري
ويتتفتلين (عقولة السوريين) بين الحضور يا قمر

bint_zayed:
هلا عرايسنا ..

يالله بكمل ...

خذت من وومن سكرت ملابس داخليه اكثر شي و من لاسنزا يمكن 6 اذا مب اكثر بس وايد خذت من عندهم عسب افتك ... وكنت ماخذه قبل يعني نوعت بين الغالي والرخيص ... واحس اني بشطب جريب هالسكشن ....

و هي صح اختي قال لي خذي بودي بينت .. عاد انا قلت لها شو ها بعد :think: قالت اسالي وشوفي .. :smile: وعقب سالت اللي تبيع عندج بودي بينت يابت لي مثل الكاكاو للجسم بس طعنه روعه :D وانتوا تعرفوت ليش ...

ناقصني بيجامات للغرفه لاني بسكن فبيت اهله بس عندي صاله وغرفه وحمام ... ووووو بععد شو


هي صح رحت بودي شوب ماعرفت شو اخذ :down: وعقب يا اخوووووي :D قالي خذي هالعطر اسمه مسك شي جي بس ريحته روووعه ^_^ وخذت بودره و لب استيك 2 بنفسجي والثاني بني فاتح جي ووووووو بعد خذت زبدة الكاكاو والسكراب ماله .... وبعد خذا شي جي فيه لمعه للويه بس انا بحطه عالجسم خخخخ

وقلت باخذ لو شنات وجي بس ماعرفت ... :sad: شميت اللي بالفراوله بس ما عيبني مع ان بنات المنتدى مدحوه وايد :angry: .... وخذت ليفه من عندهم و ووو بس

بليييييييييييييييييز ... اللي تعرف لوشنات حلوه تخبرني بليز وابا بعد معطر للحمام والحوض زيوت عطريه وجي (r)


وبعد شو رحت برومود بس ماعيبني شي (n) مادري ليش التنانير وسيعه وايد يمكن لان الحين تنزيلات .... ومافي شي عيبني بس القمصان الطويله حلوه بس ما خذت


وبعد رحت ماك خذت يمكن 5 اي شدو وردي وبنفسجي واخضر ازرق بني الالوان الاساسيه ... و خذت 3 اقلام كحل بلمعه لاني احب جي ^_^ وباخذ بالتيه م مكياجي بكل الالوان وبس .... وجلوسات وماسكرا و اي لاينر وبس


وخذت لوشن فكتوريا سكرت بالكمثري .. لاني شميت كذا ريحه وعقب رحت وماسويت سالفه بس في ريحه عيبني رديت عسب اخذه بس احترت :ss: وخذت هذا ...



بنات وين اقدر احصل بدل حلوه بالشارجه معاني فكرت افصل بس اختي قالت لا مصانع عيمان يمدحوتها



وبس تعبت :shy:



هذا التقرير لليوم ههههههههههه


وهي صح غلويه انا تعدلت عند فاطمه ال علي وكان روعه وعيبمي وافكر اتعدل عتدها للعرس ...

و بس

نووووووس بنت ييرانا هههه اترييني حبيبتي شوي لين ما انقل اللي قلت لج عته ^_^ لاتحاتين ما نسيت :clap:


وهي صح اللي تعرف عطور بارده ما بغي القويه لان ريلي ما يحب ... :)

زين زين ما شاء الله
حلو

بس عن البودي بينت خذتيه من لاسنزا ؟؟؟ ووين بعد ممكن أحصله؟؟

والغاليه شو المسك اللي اشتريتيه من البودي شوب؟؟؟ ممكن اسمه؟؟



بنات بغيت اسألكم

انا في خاطري انه اشتري لمعه اتطلعني مثل فتيات الاعلان
يطلعن يلمعن وجسمهم كله لون واحد

خخخخخخ

وين ممكن الاقي هالكريم؟؟

نوووسه:
بنات انا نسخت لكم كلام الشيخ في المنتدى وهو شيء مهم للمتزوجات والمقبلات عليه امثالنا
وهو كيفية الاغتسال من الجنابة

لانه وحده تسال انه تنقط ثلاث نقاط على الراس على حسب كلام الحريم وهالشي غلط

QUOTE=الشيخ محمد المهنا]

ليس ذلك بصواب ، وأظن أنك أو أن من أخبرك قد فهم فهماً خاطئاً من حديث أم سلمة عند مسلم أنها قالت للنبي صلى الله عليه وسلم :

إني امرأة أشد ضفر رأسي أفأنقضه للحيضة وللجنابة ؟؟

قال : " لا إنما يكفيك أن تحثي على رأسك ثلاث حثيات ثم تفيضي عليك الماء فتطهرين "

والمقصود بالحديث عدم وجوب نقض الشعر - لمن جعلته على شكل ضفيرتين - فيجوز لها غسل الضفائر بدون نقض

والضفيرة هي العقيصة وتسمى عندنا في وسط الجزيرة : الجديلة

وأما بخصوص صفة الغسل فأقول :

الغُسْل له صفتان : صفةٌ مُجزِئَةٌ ، وصفةٌ كاملةٌ :

أما الصفةُ الْمُجزِئة : فأَنْ يتمضْمَضَ ويستنشِق ويَعُمَّ بدَنَه بالماء ولو دُفعةً واحدةً ولو ينغَمِس في ماءٍ عميقٍ .

وأمَّا الكاملة (وهي الأفضل) فهي أنْ يغسِل المغتسل فَرْجَه وما تلوَّثَ مِن آثارِ الجَنابة ثُمَّ يتوضَّأ وُضوءاً كاملاً

ثُمَّ يَحْثُو الماء على رأسه ثلاثاً حتى يروِيَه إلى أصول شَعْره ثم يغسل شِقَّه الأيمنَ ثُمَّ شِقَّه الأيسرَ .
والله تعالى أعلم

[/QUOTE]





يزاج الله خير


على طاري هالسالفه


يا بنات

اتثقفوا بهالامور

لانه انصعقت يوم عرفت انه بنت خالتي تمت 6 شهور عقب عرسها ما تعرف انه لازم تغسل شعرها !!!!!

وعادت صلواتها

:qaq:

الغلا كله

هي زيت المسك خذته من بودي شوب ريحته اتخبل احس انه احلا عن عبد الصمد القرشي الي البنات ياخذون من عنده...وعندهم عطر المسك بعد للجسم وااااااايد يعبني احس عطور بودي شوب اتريح الاعصاب وخاصه اذا بتحطينها قبل لا ترقدين.

عروس الموج:
الغلا كله

هي زيت المسك خذته من بودي شوب ريحته اتخبل احس انه احلا عن عبد الصمد القرشي الي البنات ياخذون من عنده...وعندهم عطر المسك بعد للجسم وااااااايد يعبني احس عطور بودي شوب اتريح الاعصاب وخاصه اذا بتحطينها قبل لا ترقدين.

حبيبتي بسالج بكم خذتي يت المسك من بدي شوب

لاني ابي اخذ منه
وحق تستخدمينه

رموش الأمارات

والله ما ادري ابكم حتى سعره مب مكتوب عليه يمكن شي و 60 او اكثر بس مب اكثر عن 100

انا لان خذت كذا شي فا ما اعرف ..

استخدمه احط اشويه على رقبتي..على نبض فاليد...واحط في ريلي ورا اركب..يعني هالاماكن ..وتقدرين اتحطين اي مكان مجرد تمسجين بس..

باجي يوم على عرسي ...الله يعين ادعواا ان الله يسهل عليه يابنااااات...محتايه دعائكم وااايد والله

الزجااااااااااام مب طايع يوقف عني شو اسوي...

وقته زجامج الحين يا موج
هههههه

الله يعافيج يا رب

ولا تنسين الغاليه
اقري على عمرج
وقيمي الليله بركعتين
وادعي فيها انه الله يكتب لج السعاده
:shy:

مرحبا بالعرايس..
ماتشوفين شر يالموج..حاولي تشربين عصير برتقال وايد بتستوين أحسن وإذا فيج حرارة اخذي بندول الزجام..

نوووووسه

بالنسبه للعبايات ... بسويهن عند بوهيل ووحده يمكن عند دار وعد البنات مدحوها ...

وبالنسبه للنكهات صح كلامج يمكن تنزل نكهات يديده بس ابا اخلص وافتك وراي جامعه وهم ورمضان وعيد والعرس احس كل شي علي راسي .. .

وشكلي باخذ اللي بالفراوله لاني شميت اللوشن بس ...

وشكلي بسوي مثلج لكتب لستة الاسناء وبرح عقب السوق ...

بس تعالي سالتي عن القناع ولا لاء ؟ وعي صح شو رايج بمحل رؤى للكوشات عندكم ...


::

التنزيلات عند نكست وميلانو 75%

كنت ماره وشفت
وحبيت اخبركم
*_^

مرحبا السااااع

اختيه بنت زايد فاطمه اللي ترمسين عنها هيه نفسها اللي موجوووده في الشارجه وإذا هيه

والله ماعرف اذا هي اللي في بالج ... اللي سرتلها فاطمه ال علي

يالييت اتفيديني عنها

يعني سوت لج الميك اب ويا التسريحه ولا ..؟

لا سوت لي بس المكياج

شو أسعارها ..؟

العادي 180 بس حلو

الاسبيشل 350

للملجه 650 اعتقد مب اكيد

العرس مب اكيد 2500 او 3000

ومكيجتج في البيت ولا انتي رحتي عندها ..؟

المفروض اروح لها الشارجه بس هي كانت فبيت اهل ريلها بالخور وانا رحت لها لان اجرب لي

وممكن اطرشين لي رقمها على الخاص .. :shy:

ان شاء الله :shy:

والسموووووووحه فديتج

بتعبج وياي

لا تعب ولا غيره كلنا خوات ^_^ [/QUOTE]

الغلا كلة...

صدق والله موول مب وقته هههه..مشكووره حيكانه بشرب عصير برتقال وبحط فيه اشوية عسل

اليوم بسير اسوي حمام مغربي...او لو شي وقت بسير اسوي بدي كير ومني كير مره وحده..

وبااااجر انشالله بسير اتنتف الساعه 12 الظهر

والعصر بسير اتحنااااا..

واليوم يايبين محنايات يحنووون الصغااااريه عيال خواتي واهل ريلي بعد بيوون عيالهم..

وباجر اخووويه بيب ربعه بيسووون جلسه سوالف شباب ههههههه وانا بلبس نقاب وبسير اشووف ما ابا يفووتني شي ..

وللحديث بقيه

عروس الموج

سلامات وماتشوفين شر

اشربي عصير ليمون بالنعناع ولا تكثرين من السكر

وييبي ماي وقطري فيه قطرات ليمون صغيره ونقطيه في خمشج


بنت زايد

لو تبين معطرات للجو والحمام والبانيو
في البودي شوب ولايف ستايل عندهم بودرة لماي البانيو وفيها لووون حلوو

:clap:

alonood:
التنزيلات عند نكست وميلانو 75%

كنت ماره وشفت
وحبيت اخبركم
*_^

مشكورة اختي

بناااااااات قبل لا اروح

بخبركن بشي ضروري

وانتن تتزهبن اشترن كوبين عصير رمنسيات واكواب نسكفي وهالسوالف لشخصين والصحون خاصه ومناديل منقشه واشواك

حتى لوكنتن في حجره مب قسم


اوه نسيت وطبعن شموع حق الاكل ترا الريايل يموتون على هالسوالف سوالف الرمنسيه وعشى اخر الليل


وبس

وفي مان

انا كنت افكر بهالاشياء

وشفت اشياء في محل بيتي في السيتي سنتر

ومحل دايسوو

نوووسه:
عروس الموج

سلامات وماتشوفين شر

اشربي عصير ليمون بالنعناع ولا تكثرين من السكر

وييبي ماي وقطري فيه قطرات ليمون صغيره ونقطيه في خمشج


بنت زايد

لو تبين معطرات للجو والحمام والبانيو
في البودي شوب ولايف ستايل عندهم بودرة لماي البانيو وفيها لووون حلوو

نوسه

تعرفين أسماء هالعطور اللي تقولين عنها
مال البانيو
والحمام؟؟؟؟