*****الجزء 4 من تجهيزات عرايس الامارات *****

akak:
بنات بغيت استفسر عندكم .
ابي اسوي فستان للصباحية بس مب عارفة شو اسوي شو نصايحكم .احس لو كان بسيط يكون وايد حلو ولا انتوا شو رايكم . قولوا شو سويتوا انتوا لفستان الصباحية . نصايحكم .

وإذا تعرفون مصمم يصمملي في الشارقة أو منطقة قريبة منها ، يا ليت تقولولي وبعد تكون اسعاره معقولة.

الهواوية:
مشكووووووورة الغالية ظبية بوظبي...............

بناات بغيت اتخبركن منوه عندة افكار غريبة اكثر ايلي صعب ولا زهير مراد

لولو بحر مكنون:

مرحبا بنات

بصراحه الموضوع وايد رووووووعه .. قريت الأجزاء القبليه من هالموضوع
وإستفدت منكم وايد مع اني مب عروس
بس حالياً مخطوبه و إن شاء الله جريب بنضم لقافلة عرايس الإمارات "الله يبارك ويزيد :z_clap: "

بغيت اسألكم عن أحسن المصممين إلي جربتوهم او تعرفونهم في دبي حق فستان الملجه
احب يكون الفستان وايد مميز وفيه شغل وسوالف الدانتيلات بس مب بدفاشه

سمعت عن مصمم اسمه اماتوا في مركز الهنا ..
بس ما ادري كيف موديلاته..وكيف اسعاره!!

وابغي اعرف رايكم في المصمم "رامي العلي" وبفساتينه
انا زرته قبل 3سنين بس ما خيطت عنده .. كان توه بادي
فأبغي اعرف شو شغله الحين..!!

انصحوني الله يخليكم :shy:

والله يهني ويسعد كل إلي عرسن ويوفق كل إلي يالسات يزهبن حق العرس
والله يبارك لهن في مهورهم

:flower:

عروس الموج:
هلاااااااااااااا تولهت عليكم....انا رجعت

اول شي كل بنت مشكوووووووووووووووووره ويزاها الله الف خير انا دعتلي فليلة زواجي..

والحمدالله كلشي كان حلوووو ومرتب...وفعلا الكل كان يقوول جني اميره ههههههه وعاد انا ما صكيت حلجي لووول..


شكلي كان واااايد حلووو وفستاني كلحد اتخبل عليه...الحمدالله..

وهذا كله من فضل ربي وفضل دعواتكم لي...

نصيحه بنات قبل لا تبتدوون المكياج وهالسوالف صلوو ركعتين وقراء صورة البقره..وبعدين ابتدي اب كلشي..


بنات...الي تبى فستاني اتخبرني لاني ابا أجره...ولي تبى اتشوووفه طبعا بدليها البيت اتي اتشووفه.....

كيفي عيناويه:
ريم ما شاء الله من وصفج شكلج طلعتي جنااااااااااان الله يهنيييج

بنت زايد فديت رووحج الله يوفقج واتحصلين كل شي بسهوله

بناات البارحه رحت الصيدلية وخذت من عندهم التشقير اللي من عند ويلا الصراااحه يجنن ومفعوله وايد حلو حتى اليوم في الدوام الكل يقوليه متغيره <<< فرحانه

المهم اليوم شفت ربيعتيه كانت بشرتها تجنن بيضا ومب جافه ويوم سألتها قالت استخدمت ماي ورد + جلسرين واحطه على ويهيه عقب كل فرض يعني عقب كل وضوء وانا ما صدقت خبر ردييت من الجامعه سيييييييييييييييده للجلسرين وماي ورد خلطهم مع بعض وحطيتهم في الثلاجه بجربه اليوم ان شاء الله

من فتره استخدم زيت زيتون مع الليمون والسكر للجسم وايد وايد وايد حلو هالسكرااب يبيض بشكل فظييع ويرطب بعد استخدمه مرتين في الاسبوع ومره في الاسبوع اسوي حمام مغربي طبعا في البيت << فاظييييه

وحبيت اقولكن انيه الحين من شهر تقريبا وانا استخدم زيت اللوز الحلو للهالات وايد وايد خفن وضفت بعد الخيار الخيالي لبنت عذاري صراحه هذا الخيار رووووووووووعه يوم اتحطينه على عينج يريحهن بشكل وفوق هذا يخفف من الهالات

واشتريت بعد من كارفور كريم حمام زيت للشعر بالثوم يخلي الشعر واايد وايد ناعم ويقلل من تساقط الشعر مع العلم انيه اساخدم زيت عافيه وحلبه لشعريه وناويه ان شاء الله اضيف ثوم

امممممممممم الحين هذا اللي عنديه ادري هذربت وايد عليكم بس ما عليه عشان نفيد ونستفيد

مشكووووووره أختي الغاليه "سبايك" عالنصيحه
بس بغيت أعرف "إذا ما عندج مانع" بكم قالج بيسويلج فستان العرس
والقطعه من عنده وإلا انتي ماخذتنها ؟