كل وحده تقولنا شو اشترت حق عيالها للعيد

ماشاء عليك ميهودة ، مستعجلة على العيد،، خل يشرف رمضان...هههه ههه هههه

المهم آنه مستعجلة أكثر منك،، قبل كم يوم رحت مذركير كانوا مسويين تخفيضات وأخذت له بدلتين،، كنت شاريه له من كم شهر بدلة وطلعت طويلة عليه (لأن ولدي قصير، مع أن المقاس بعد أصغر من سنه) قلت خلاص أخليها للعيد،، بدلة بعد محصلها هدية قلت أخبيها للعيد بالمرة،، عمه كان ماخذ لولد حماتي أحذية من adams وكانت صغيرة عليه، قالت حماتي أخذيهم حرام محد راح يستفيد منهم، بالصدفة طلعوا نفس لون البدلات الي عندي... بنطلون جينز من next ناقصه بس قميص.

ناقصني الحين آخذ له حذاء يكون يناسب أكثر الملابس اللي عنده..

وبس حرام ناخذ لهم أكثر لأن بسرعة يكبرون وماراح نستفيد منهم والتبذير حرام....

مشكورة أختي

الحمد لله انه في ناس مستعجله نفسي

مونسون كان عنده تخفيضات ورحت خذيت لها كم فستان منهم اثنين حلوين والوانهم زاهيه وشوي طوال فقلت اخليهم لثاني وثالث ايام العيد
بس حاليا ابي شي حلو ومميز حق اول يوم العيد بدله للصبح وبدله للعصر بنطر اشوي وبشوف مع اني ما احب اشتري قبل العيد لان الكل يروح يتشرى وتلاقين الكل بنفس الثياب

انا ماشريت لولدي اي شي!!!!!

تصدقون فتحتوا مخي انا كنت منتظره نص رمضان واشتري الي بـ 100 بالاقية بـ 1000 الله يستر
انشاء الله باروح على نهاية هذا الشهر

السلام عليكم ورحمة الله وبركاته

و الله الموضوع كان رايح عن بالي...

كويس اللي ذكرتوني...ألحق أشتري قبل الغلا

كل عام و إنتوا بخير :)

هلا وغلا ..

من وين يبتي هاي الفكرة الرائعه ..

بس الصراحه انا من اسبوعين احاول اجهز ولدي .. لاني بربي قبل العيد باسبوعين او 3 وما بلحق اسويله لاني بكون في النفاس ...

رحت انا وامي وخذته بدله لسنتين بس يوم لبسته طلع شوي يمكن بانجين اطول عنه البنطلون ... للعلم انهم مسوين خصومات البدله الي ب 450 خذتها ب 250

ووصيت اخاماللبيبيتي اتيبله من ماليزيا بشوفهم اذا يصلحون حق العيد بخليهم .. واذا ما يصلحون لازم اسير ادورله ..

وفصلتله 3 كنادير وشريتله تكرمون نعال ... وشريتله بجامات


اما للبيبي اليديد.. وهي بنوته ... فخلصتلها كل شي ..

كنت ماخذتلها شنطه سفر تارستنها ملابس وبجامات .. ورحت خذتلها من ماري كلير فستانين

ومن الينا خذت الكيس الي يحطون البيبي وقت الطلعه مع الشنطه .. وفرش للسرير طقم كامل ...

ما ابا اخذ من المحلات المعتاده لانه الكل ياخذ من عندهم ..

قلت بسير بالمسترب بشوفله ديور ولا اي ماركه ثانيه ..

اذا في حد ساير يخبرني عندهم اشيا يديده ولالا...؟؟

:gum: للحين ما اشتريت لبناتي شي ...
يمكن على اسبوعين بعد اشتريلهم بجايم...(ادمز+مذركير+)
....
اما اللبس_واصلني هديه من وحده مسافره...ماركة elle للاطفال...
وماركه ثانيه بعد ما اعرفها بس من النمسا...واكثرهن تنانير...
...والباجي بخذه...من زارا كيدز,,,وسكشن الاطفال الموجود في برجمان...واذا اشتريت شي بقولكم...



وتسلمين على الموضوع لان صج حلو ومفيد للكل بيكون....

للحين ما فكرت اجهز شي للعيد

قاعدة افكر هاليومين اجهز شي حق القرقيعان " نصف شعبان " وان شا الله في اقرب وقت اروح اشتريله ثياب واشوف التوزيعات المناسبة ..

بس محتارة .. اللعام لبسته ثياب شعبية ، السنة بعد اسوي نفس الشي ولا شنو البسه !!!:qaq:

العيد انا لاحقة عليه .. اروح اتشرى في وقت الزحمة .. صحيح ان الاسعار ترتفع لكن احس انهم ينزلون بضايع جديدة للعيد :shy:

اهلا أخواتي,,,,

آنه ماحب بالمرة أتشرى وقت العيد،، الدنيا زحمة وثاني شي الأسعار ترتفع نار...

الحين أحسن الواحد على راحته يتسوق،،، ومو شرط ان الكل بيكون لابس نفس طفلك (مجرد وجهة نظر)

ننتظر مشتريات باقي البنات....

[frame="7 80"]السلام عليكم ورحمه الله وبركاته....

شخباركم.... عرايس....

بنتى والوحيده والدلع كله لها....
خذت لها فستانين من مونسون ... وبدلات وتناير من نكست ومذكير وH@m وبعد من قاب... والجوتى من مذكير بوت بنى وجوتى أسود ووردى وبيج من مونسون أحمر ووردى مع أرزق وملابس داخليه بعد البجامات من مذركير وقاب ودزنى....
والشباصات طبعا....

بس باقى الشنطه حق العديه..... الله يحفظها ياربى ....

طبعا كله هذا للعيد وبعد العيد....

رانيا البحرينيه توصين شئ من لندن راجعه أخر الشهر...

والسموحه[/frame]

مرااحب حبيبااتي شكلكم عيبكم الموضووع..
انا هذا طبعي لاازم اخلص اغرااض العيد قبل رمضاان ولا ما ارتااح لانه احس في رمضاان ماشي وقت اتسيرين وادورين فعسب جيه انا اخلص اغرااضي مال العيد قبل رمضاان احس اريح والله حتى ماتحااتين شي..
من يومي مستعيله خخخ
المهم انا بقوولكم الحين شو خذيت لولدي..
طبعا اول يووم ابغي البسه كندوره عربيه لووول صح انه صغيرون عمره 5 شهور بس هو وابووه يبوون يطقموون لوول وابغي اخذله نعاال بعد ..
وطبعاا خذتله بدله من boboli
اول مره اخذله من هالمحل بس بصرااحه عندهم اشيااء حلوه ورااقيه قلت بغيرله لاني دووم اخذله من نكست ومذركير وادمز يعني هالمحلاات قلت هالمره بغيرله المحل واخذتله الواان حلوه يعني اورنج واخضر والبدله ويا طقمهاا يعني الكااب والجوتي والبدله نفس الشي يعني طقم كااااااااااااامل..


وبعدني ابغي اخذله بعد بدله ويالسه ادورله وانشالله احصلله المهم اني ابغي افتك قبل العيد وقبل الزحمه واحس الاسعاار ترتفع عسب العيد ........








































































































































يالله بناات ننتظر المزيد من المشااركاات..

يااااااااااااااااااااااي بعدها وقت على العيد هههههههه

لكن انا شريت لبنتي فستان حلو واااااايد لاول ايام العيد لان شفته وعجبني وايد فماحبيت افوته لكن باقي الشغلات كلها بخليها لرمضان وولدي بعد للحين ما شريت له شي انا عندي حلو التسوق في رمضان لان يكون بالليل والى اي ساعة المحلات فاتحة فحلو التسوق قريب العيد

وجهة نظر

:ok: فكرتج جهنميه

اني مخلصه سالفه قرقيعان شعبان وقرقيعان رمضان

بس العيد نم نم نم باجر بروح السووووووووووووووووووووووووووووووووووووووووووووق

وينك يا ابو علووووووووي


لووووووووووول

ذكرتوني اشتري له بدله كشخه للعيد

لانه مع العيد بيكون علووي كمل اربعه شهور يعني ابتدا يثبت راسه ويصير كشوخي ينحمل بدون قماط


للقرقيعان جده جاب له من السفر بدله عجوبيه كاب وصندل ومريله جينز وتي شيرت يهبلون

لكن للعيد ما ادري بشوف باجر مذركير بالرغم من مذركير بالبحرين بضاعته كلها مصنوعه في تايلاند مو مثل قبل في انجلترا
يعني موب شي:angry: ابسرعه يتبهدلون

على ايام اولاد اختي كانوا كشوخي للحين اذا اروح بيت اختي اشوفهم في الادراج القديمه كانهم جديدين



آدمز عليهم تحف هني بشوف له بعد:shy:

انا قبل كم شهر شريت بدلة من المدركير ومالبستها ولدي(رغم ان الحين اتخيل صار عليها تخفيضات) وراح البسه اياها بالناصفه حق شعبان واشتريت لها جزمه من نكست اما عن العيد فبروح بداية رمضان اخ البدله مع بدلة ناصفة رمضان مره وحده

تحياتي

تسلمون حبيبااتي على ردوودكم الحلوه يالله بناات وينكم نباا مشااركاات يديده ..


شو راايكم كل وحده تقوولناا شو نااويه اتسوي حق قرقيعاان على قوولتكم نحن نقوول حق الله ...
يالله نبغي افكاار يديده؟

أنا حتى مستعجلة دوم أشتريت ملابس العيد لي أنا وبنتي
اخذتلها بدلتين من برجمان بس يهبلون وايد وبعد من تنزيلات دبنمهامز
أستغليت فرصة التنزيلات الاسعار للنص وصلت

أنا بنتي فصلت لها فساتين روعه يعني الفستان وأكسسواراتها من قلادة وتاج للشعر و أساور لليدين وشنطة كلهم من نفس القماش بس باقي الملابس الداخلية والنعال باقي ولدي ما شريت له أي شئ للعيد .

مشكورة أختي حصه،، مابي غير سلامتج ، ترجعين بالسلامة....

مراااااااااااااااااااااااااااااااااااااااااااااااااااااااااااااااااحب يا عرايس :salam:

والله دردشه حلوه ,,,,,,,,,,,,,,

المهم أنا متعوده قبل رمضان أقبض التيلفون وأتصل بالمحلات عشان أنشدهم عن الكولكشن اليديد إذا نزل وإذا ما نزل أتنشدهم عن التاريخ الي بينزلونه فيه ,,,,,,,,,,,,,,,,,,,,,,,,,,,,,,,,,,,,,,,

وأحس بعده الوقت لإني أموت قيض:mad2: إذا اشتريت شي وسرت السوق مره ثانيه ولقيت شي يديد ,,,
هذا إذاكنت مخلصه من أغراض العيال ,,,,,,,,,,,,,,,,,,,,,,,,,,

بالنسبه للشباب (سنتين وثلاث سنين ) إلي أقدر أسويلهم اياه الحينه ,,,,,,,,,,,,,,,,,,,,أفصلهم كنادير وآخذلهم نعول عليهم وبسسسسسسسسسسسسسسسسسسسسسسسسسس:gum:

ولكن البنوته ما أقدر آخذلها شي الحينه ,,,,,,,,,,,,,,,,,,,,,,,بتريى شويه الديزاينات اليديده
وخص حق صباحية العيد ..........................................................................أأأأأكيد مثلكم أبالها شي مميز........:up: ..

وبالنسبه للقرقيعان أو حق الله أو الليله عندنا :

بصراحه أحب أدقق على الأكياس وألوانها بالنسبه للشباب وبالنسبه للبنت أحب أطقم الفستان مع الكيس ,,,,,,,,,,,,,,,,,,:ok: ,,,

,وتسلمون على الموضوع الحلو و مبروك عليكم شعبان ووووووووووووووووووو رمضان(مقدما):shy:

والله سوالفكم حلوه ...

بس بنات دبي اذا تعرفون محلات غير مذكر كير وبيبي شوب وادمز وهاي المحلات المعتاده خبرونا ..

لاني مليت من هاي المحلات ...