عيد ميلاده بعد عرسنا ... ساعدوني ..

بــنـــــــــــت زايــــــــــــــــــد

أنا عيد ميلاد زوجي كان من حوالي15يوم صادف سادس يوم بعد زواجنا .. الصراحة حوووووووسة .. وطبعاً ماحتقدري تغيبي ولا لحظة عنه ..
من جد إنحست ذيك اليوم .. لاكن بالأخير قلت إلي يصير يصير .. قلتله روح اقعد على النت وطبعاً يومها كان له فترة عن النت وقعد ولا حس بالوقت .. انا طبعا كنت قبل العرس شارية البلالين والحركات والشموع و و و و ومخبيتهم بالشنطة .. طبعا قفلت عليه باب المجلس وحلّفته مايطلع لو أيش مايصير .. وبعد ماخلصت وجهزت نفسي على السريع .. قلتله يدخل ..
ماتتخيلي قد ايش انبسط .. لانو مهما تخيل ماحيتخيل إلي إنتي سويتيه وبس
والله يوفقك حبيبتي ..
وخبرينا ايش يصير معاك ..
صحيح لا تتكلفين واجد ...... اصلا ماحيمديك بالمرة :shy:

مشكوووره حبيبتي علي ردج ^_^ استانست

المشكله مثل ما قلتي بكون وياي 24 ساعه واحنا بعدنا 3 يوم .... بس كيف اجهز الكيكه وهالسوالف .... يعني ما اقدر احتفل بدون كيكه :( .... بس كيف اتجهز ماعرف

خبريني .... كيف اتجهزتي ...


وكيف رتبتي ؟؟ ... انا فكرت لو رحنا فتدق يمكن اكلم مسؤوله بالفتدق ترتب وجي ... بس لو رحنا مكان ثاني مااعرف كيف اتصرف


مشكوره حبيبتي علي ردج .... وانشوف راي وافكار البنات

مقدمــــــــا الغالية






حبوبة أنت بتكونين فى شهر عسل وهو معاج 24 ساعة ما بتقدرين اتفاجأينه وخصوصا انه قالج انه فرحا بالمناسبه معاج يعنى بيكون عااااااااااااارف ومتأكد اذا قلتيله لا تدخل روح برع شو



شوفى حبوبه انا كان عيد ميلاد زوجى بعد زواجى ب20 يوم اشتريت له الهدية قبل العرس وحطيتها فى بيت اهلى ووصيت اختى تغلفها وتجيب ورد معاها البيت عندى ..

وعزمته على مطعم فى دار السلام وخبرت المطعم ان عيد ميلاده اليوم والله كانت حركة حلوه منهم انا بروحى اتفااجأت يبو الكيكة وغنى المطرب عيد ميلاد سعيد وخفو الانوار لين ما طفى الشمع ومن حسن حظنى ان المطعم كان فيه اجانب وتعرفين الاجانب الحشره ويى الناس عيد صفقوا وباركوله وبعدين لما رحنا البيت عطيته الهدية والورد ....




اسمحيلى طولت عليج اذا تبين اسامى مطاعم تقدم خدمات حلوه
انا حاضره

ظبيه مشكوووره ^_^ حلوه حركة المطعم والترتيب

بس اما مادري كيف بيكون الترتيب وجي بهاليوم يعني جدول الطلعات ...

وبنكون ب 3 يوم يعني الهديه بشلها وياي ...

خبريني شو اسامي المطاعم وجي ... وترتيبهم حلو وما يكون فيه زحمه ...

واليوم انا بساله خخخخخخخخ عن هاليوم وكيف بنقضيه عسب اعف واذا قدرت الزم علي مطعم لهاليوم ^_^

ومشكوره حبيبتي ..

هلا العالية افكارج حلوة وخبرينا عن اسماء المطاعم اللي تقدم خدمات

هلا الغالية افكارج حلوة وخبرينا عن اسماء المطاعم اللي تقدم خدمات

شكرا حبوبه على المدح


عندج مطعم فرايديز حلو بس مب رومانسى يعنى فرفشة


وعندج المطعم الدوار فى حياة الريجنسى هذا رومانسى

ومطعم قييصر الى فى الطوار وممكن الكيكه من عندهم بعد 0ممكن تحجزين فى التلفون وتخبرينهم انكم بتون اليوم او قبل العرس اتروحين وتحطين عربون وتخبرينهم بالحجز



وفندق القصر وباب الشمس فيه مطاعم روعة بس ما عرف اسميها

الغالية اذا كنت ما بتطلعين بقولج على ترتيب انشاء الله يكون حلو ...

خبريني عالترتيب ..

يقص عليه خخ بقوله تعبانه وجي وبنرد وعقب بسوي افكارج ..

بس المهم ما ينسي اليوم ابدا .. :)

شوفى حبوبه انت بتروحين فندق ولا بتكونين فى بيتج ؟؟
وين بيكون شهر العسل

هني المشكله للحين ما حددنا يعني في احنمال سفر بس 40 %


واحتمال بدبي بس مادري وين يمكن ابفندق

..

اترييني لباجر بييب لج الخبر خخخخخ ^_^

تعرفين ان كااااااااان سفر بيكون احلى أنشاء الله خذى الهدية معاج وشترى قميص نوم بس ما يكون سنبل لالالا خذيه مثل الفساتين وخذى مشبك واكسوار وشبشب بكعب عالى من نفس الالوان

وخذى الهذية بسيطه بس قيمة مثل البزم او بوك رجالى فخم او قلم او تلفون

وغلفيها بغلاف من نفس لون لبسج


وخبرى ادارة الفندق ييبولج كيكه واكتبى انت بخطج على كرت كلام حلو وخليهم يقدمونه مع الكيكه

واذا فى دبى وفى فندق نفس الشئ سوى



بس اذا فى البيت سويله طلبيت ورد وكيكه وخليهم يطرشونها لج البيت وهو حاضر
ولبسى لبس حشمه يعنى جلابية وتعطرى بعطور عربية ويبى كا سات دلع وتعرفين فى فى وافى محل اسمه بيتل يبيع غراش عصير تمر طعمه خرااااااااافه يبها والله بتدعيلى

وحطى الهدية فى كيس حلو وحطى بلونات عليها وسالف وممكن المحمصة الى يابتلج الكيكه اتيها لج

مثل محمصة يامال الشام فى الطوار او لاروش فى جميرا


والله يهنيج الغالية

انا اقول ذيك الايام بتكون كلها احتفال × احتفال

عشان كذا لاتتكلفين

خصوصا الايام بتكون جديده يعني مب مثل اللي مرت فترة على زواجهم بعدين جا يوم الميلاد ويصير هاليوم مفاجأه وسبيشل بالنسبه لهم

اذا ودك تحتفلين اكتبي له بكرت كل عام وانت بخير وحطي له كيكه فقط غير كذا ماله داعي

مشكوره الغاليه عالافكار وعلي مساعدتج ان شاء الله بطبقه ...

وعيبتني فكرة التطقيم ... ^_^ والبزم كهدية ...


الله يعطيج العافيه كفيتي ووفيتي ... :)

اسيره قلبه مشكوره حيبتي علي رايج بس هذه اول منايبه اتمر علينا ابغيها اتكون غير ^_^

السلام عليكم

هلا عرايس اشلونكم ؟؟

بنت زايد
الله يتمملك على خير و تتهنون و تستانسون

دلوعه توتى
توك عروس الله يهنيك و يباركلك

عجبتنى مررررة فكرة دلوعة انها دست البلونات و اغراض الزينه
كمان ممكن تزيدين شموع معطرة للطاوله اذا كنتم بتحتفلون داخل
الفندق

جتنى الحين فكرة شريرة

خلى زوجك يلبس و يتكشخ و ينزل ينطرك بالكافيتيريا على
اساس انكم بتطلعون اوك

الحين انت متروشه و مسويه شعرك - من قبل لا ينزل -
اتصلى على الريسبشن خلهم يطلعولك الكيك و العصير

جهزى طاوله بالشموع و الهدية و سوى ميك اب نعوم و جليتر خفيف
و البسى فستان للسهرة - انا افضل لانجيرى جديد و فخم -
حطى الكيك و العصير

اتصلى على زوجك و قوليله ابك تطلع الغرفة الحين الحين
و لعى الشمع و طفى النور وخلك ناطرته

و بث خلاص

^_^ حلوه الفكره والله

بس اذا اقتنع ينزل بروحه ... اخاف يقولي ريلي علي ريلج يا حرمه ههههههههه

اليوم بشوف الوضوع وبساله وبششوف شورده ^_^

صج انج شريره ههههههههه

بس فكرتج حلوه وايد ^_^

الله يعطيج العافيه ..

اولا مبروك يالغاليه
شوفي قي هاليوم قوليله انا تعبانه وما ابا اطلع روح انت وييب لنا عشى وسوي روحج ناسية من فرحة العرس
من يطلع البسي فستان اتكونين امجهزتنه من قيل و حطي ميك آب و وزعي شموع حمرا و حطي البرنر وعطر بنكهة معينه عشان اتفوح في الحجرة و اطلبي كيكة من الفندق
وطبع اكسسسوار و نعال كعب و شعر مسشور و شوية لمعة على الجسم
وقبل كل شي اتكونين امجهزة الهديه من قبل العرس امغلفه وجاهزة ( تيلفون او بوك او بزم او عطر او ساعة .... اي شي ايكون محتاجه)

وطبعا من يوصل بيتفاجا
و بيشوف وحده حلوه جدامه

طبعا اللبس يكون مغري لا تنسين ( في عندج القمصان الطويله من و را والقصيره من جدام و اتكون من الدنتيل روووعة في اللبس مع المكياج و الشعر المفتوح و الكعب )
و بتتعشون على راحتكم بدون ناس و حشره و تلبسين على راحتج بدون هباه و عفسه
وبتعطينه الهديه بطريقتج
وبتكون حفلة انتو الاثنين ما بتنسونها

سواء في دبي او اذا سافرتو مكان

زوجة مطيعة واااااايد حلوة فكرتج

زوجة مطيعة واااااايد حلوة فكرتج