ابغى حل لبنتي مع المصاصه

حبيبتي أنا ما عطيت بنتي مصاصه صج تعبت في البدايه بس بعدين ارتحت

عندي اختي شالت المصاصه عن ولدها أول يومين زعل وتضايق ويسأل عنها دايما بس بعدين نساها يعني ما تاخذين اسبوع إلا ناسيتها

شكرا الورده المكنونه على مشاركتك.
واتمنى من الكل يفيدنا بخصوص هذا الموضوع

السلام عليكم......
أختي شوفي ها الرابط فيه وايد أفكار، انشاء الله يفيدج....

http://www.3roos.com/forums/showthread.php?t=180086

انا حاسة فيكي لأني كنت اعاني مع ابني ..وصار عمره سنة ونص وما قدرت اشيلها حتي اجى يوم ونام من غير مياخذها بالصدفة وانا ما عطيته اياها ولما صحي الصبح وطلبها كنت الهيي واشغله باي شي تاني وينساها ويرجع يتذكر واشغله وبعدين صرت اقوله عييييييب انت كبير وارجعع اشغلة لعند مصار يخجل منها ويرفضها اذا اعطيته اياها وحطيتها بفمه والحمد لله هلأ صار عمره سنتين وشهرين وانتهى موضوع المصاصة

حبيبتي حاولي بالبداية انك تخففي من المرات اللي يمص فيها علشان يكون الموضوع بالتدريج واذا انتي تحسين انه يفهم اتكلمي معاه وقولي له ان هذي بس للصغار وانت الحين صرت كبير وبطل ومرة عن مرة راح يستغني عنها

مشكوره على كل الي ردو علي وانشاء الله بطبق الافكار الموجوده
شكرا اريام على الربط جد مره افادني وجربت طريقه قطع طرف المصاصه
وبنتي رمت المصاصه تقول الدود اكلتها .....
بس استنى اليل لما تنام واشوف ايش رده فعلها اخاف تبكي ويحن قلبي واعطيها المصاصه الثانيه
وانا بالتدريج من امس شلتها منها باليل

ربي يكون بعونك يا كندة والاخوات ما شاء الله ماقصروا معاج..

كنت راح احط نفس الرابط اللي وضعته الاخت اريام لكنها سبقتني في الاجر... :clap:

ان شاء الله تبشرينا قريب انها تركتها وللابد خلااااص :)

العفو أختي،،،،بس كنت بنبهج دام أنج بديتي لا ترجعين خطوة للخلف أبدا، لأن الموضوع بيصعب أكثر، وبتعرف بنتج أنك في كل مرة إذا صاحت بتضعفين قدامها.....ما علي قوي قلبك شوي...

أختي جمـــانة لو كنت أعرف أنك تبين تحطين نفس الرابط كنت انتظرت وما حطيته قبل :)

مرحبا

ابشركم بنتي لها يومين تنام من غير مصاصه بس لازم تكون المصاصه قدامها عشان كل ما طلبتها اعطيتها بس مجرد ما تشوفها مقطوعه ترميها وتقول خربانه

بس صار لي موقف معها ضحكت من قلبي كانت في مصاصه قديمه ضايعه ومادري وينها فجاء وانا بالسياره وهي قاعده في الخلف صاحت تبشرني ماما ماما مصاصه انصدمت لقيتها حاطتها بفمها وضحكنا انا وابوها بس ياحرام كانت فراحنه بس اول مار جعت البيت قصيتها وحطيتها بمكانها وجت تاخذها وشهقت تقول الددود اكلتها .

بس صار تتاخر بالنوم شوي وذا جت تنام تضربني وتمسك بشعري احسها مقهور عارفه اني السبب بس بصبر عليها .
الله يعين

مشكوره جمانه ما تقصري

مشكوره اخت اريام

حلو حلو فكرتك لمنعها للمصاصة تقريبا مثل فكرتي ولكن انا اقطع اعيالي من المصاصة تقريبا سنة فقط ... لان كل ما تكبر تستوعب وتتمسك بها اكثر ...

انا قطعت من بنتي المصاصة وعطيتها شئ بديل واهي لعبة بنت صغيرة نست المصاصة والتهت مع اللعب تنام مع اللعب وتاكل معها ... مو كذا احسن من المصاصة ..وشكرا