تجهيز عش الزوجية ...ساعدوني

شوفي بالنسبه لاول الاياام وووصي حد من هلج ياخذ الضروريات قبل جيتج بيوم ..
يعني مثلا شاي ...سكر....ملح .... كوفي ...اذا تحبون القهوه العربيه ...بعد اخذوا اغراضها...مورن فليكس...مكسرات حق العصاري :) ... هالاشياء يعني ....

حاولي تستغلين اكثر الوقت وقضيه مع ريلج واصه اول الايام ولاحقه انشالله ...

بالنسبه لخزانة التلفزيون..أذا خلاص خذ التلفزيون لا تكسرين بخاطره ... وخلي المعلق حق عقب مع الايام
اقولج الخزانه لاتاخذين الكامله
اخذي النص ...
في مثل الطاولات نص .. وفي فتحه للفيديو و الاشرطه ..
حلوه ونعومه ...
انشلله لين قدرت باجر با صورج لج اياها ... قصدي اليوم بس عقب ما ارقد واقوم ههه

هلا حلومه

الصراحه شكلي غلط بالقو في هالموضوع

مكاني عند العنايه بالبشره بس اللقافه وماتسوي ولازم اساعد

اشتريلج طقم صحون وشوك وسكاكين كااامل من هوم سنتر لان عقب العرس الناس بتجيج تبارك ولازم يكون عندج شي يكفي لعدد كبير عالاقل عشان تحطين الكيك والسويتات

ونفس الشي طقم كاسات فششششله لو حد زارج على غفله وماعندج عدد كافي

نفس الشي يبيلج مغارف وملاعق كبار وطقم سكاكين وغيره

لاتنسين اداوات التنظيف بعد الاسفنجات والمنظفات والديتول وغيرها لازم تكون موجوده ولا بتضطرين ثاني يوم من ردتج تروحين تشترينها مب شي

امممم هاي اللي اعرفه على قدي احم احم وووبس اتمنى اكون افدتج ولو شوي

حبيبتي حلومــه

البنــات ما قصـــروا......كفوا ووفــوا

بغيت انصحج توني من يومين رايحه محل في شارع الأصمخ شغله مرتب وروعه ديزاينات عجيبه واللي ينني أسعارهم واااااااايد زينه.....
ومن يومها قررت اني ما اتعامل مع احد غيره

نسيت اقولج اسم المحل>>>>>>> رغـــــــدان للستائـــر


والله يوفقج ويهنيــج

يبيله شارع الاصمخ :) ورغدان

مشكورين يابنوتات :)

تذكرت شي .. هههههههههههههههههههههههههههههههه ..

هو مب ضروري بس وايد أحب هالشغله ..

أغضان البامبو .. وايد تعطي منظر حلو في البيت ..

أخذي لج منها أحجام .. ووزعيها في البيت صج صج روعة ..

في الدوحة المحلات الحرامية يبعون لج الحبة ب 18 و 16 وفي ب 30 وفي أكثر ..

وتوني سايمتهم في دبي في سوق التنين .. الشاينه ماركت ب 3 ريال الحبة ..

مت من القهر والله .. بس حلوة لازم تأخذين لج ..

هذا هي الأغصان اللي أقصدها ..

وفي منها أنواع وأحجام وأشكال أحلى من جذي بس مافي منها في النت عيزت أدور ..

بس دامج بتروحين دبي مري على الشاينه ماركت والله فيه بلاوي .. بس يبي له دواره عدله ..

الكحل :) عرفت قصدج خخخخخخخخ صح شكلهم حلو بس مدري بيعجبه او لا؟ مابي اغامر ابي اكتشف ذوقة بهالامور

يكفي ماصدقت استقرينا على اثاث غرفة النوم والصاله خخخخخ ذوقي في صوب وذوقة في صوب

كان خاطري احط لون قوي في غرفة النوم بس اهو وايد كلاسيكي يحب البيج ! وانا احب الألوان مثل البنفسجي او الاحمر خخخخخخخ مدري بس كان خاطري احط لون قوي واطقمه مع الاكسسوارات بس ماقدرت لان اهو مايحب

الحين عندي سؤال

الغرفة لونها ابيض...والسرير بني محروق مع توابعه "الكوميدينو والكبت والتسريحه"...والارضية لونها بيج سادة سيراميك

وعندي 3 ملاحف...بنفسجي ...وبني...وبيج فيه الوان ناعمه وفاتحه والغالب بيج وذهبي

الحين شلون على الستارة؟ اقول احسن شىء اخذها بيج وادخل فيها ذهبي عشان تكون محايده

وشلون على الاكسسوارات؟...يعني اذا ابي اخذ ابجورتين وثررررو وشموع او شمعدانات ..هالسوالف يعني اللي ازين بها الغرفة !

اي لون احط؟

فكرت اخذ 3 اطقم بالوان لمفارش...يعني كل ماغيرت المفرش اغير الاكسسوارات باللون اللي نفس المفرش

بس حسيت سالفه !؟

شرايكم؟ شتقترحون علي؟؟

السلام عليكم


منزك مبارك حبيتي الحلم الهادي

بس بغيت اذكرج بقراءة سورة البقرة كاملة اول ما تنزلينه وبالتوفيق

اي ولا تنسين مكنسة البلاط تحصلينها من سوبر جنرال وصينية الطيب حق الضيوف


بناااااااااااات عندي سؤال


انا ان شاءالله بتكون لي مملكني الخاصة بعد شهور قليلة باذن الله وبسكن في بيت بروحي

بس بغيت اعرف شنهي الاغراض الي انا اشتريها وشنهي الاغراض الي بتكون عليه..؟
بشرط تكون الاساسيات حق اول سنة زواج

شظايا :) الله يذكرج بالشهاده ...بطرشله مسج الحين عشان يرتب هالموضوع ويحط شريط هناك اول مايستلم المفتاح

بالنسبة لي...بصراحه شىء عليه ...وخلنا نشوف ردود البنات

مرحبا الحلم الهادي ..

شوفي الغالية انا سكنت بيتي و فيه هالأشيا :

ثلاجة ( حليوة لكن ما تشيل وايد )

فرن .

غسالة ( حجمها حليو لكن ما تشيل وايد في الغسلة الوحدة ) لكن ماشيين معاها .

تلفزيون و الكبت كان من هوم سنتر .. مب كبير وايد حجمها زين + مب من النوع اللي تترسينه اغراض .. كم اكسسوار و يطلع آخر حلاوة - اوتي + الطاولة ..

أغراض المطبخ :
ملاعق أكل - سكاكين ( عددهم أكثر ) - ملاعق شاي - غوري صغيرون - طابي - صواني ستيل - 6 قلاصات عادية - طقم شاي كامل من هوم سنتر - نص درزن اكواب بالحامل مالها من هوم سنتر - مفتاح العلب - مشخالة - ملعقة خشب - شوك الأكل و صغيرة للكيكات - اكواب العصير دلال فناجين و بيالات - لوح التقطيع - اوعية بلاستيك - ملاس و مالت القلاي خخخ و ملاعق الغراف و النجاب و الملعقة اللي لها بوز حق الحليب او الشوربة - سلة الخضرا اللي تنحط في المطبخ حق البصل و البطاطس و و و الخ - حاويات قمامة ( نصيحة اخذي الكبيرة حق المطبخ ) - صحون - صواني - كباريت - فحم صناعي - سماطات بلاستيك إذا كانت القعدة على الأرض مريحين و عمليين ..

تموين البيت :
شاي ( بودرة + أكياس ) - سكر - نسكافيه - مكسرات - قواطي حليب ابو قوس الصغييييرة - كافي - روب - اجبان - روتي - بيض - عصاير - ماي - مربى . مافن كيك - عسل - لبنة ..

ادوات التنظيف :
فوط - سائل تنظيف الزجاج - ديتول - فاين ( رولز - علب ) - صابون لليد سائل و صلب خخخ - صابون غسيل الملابس - اسفنجات - مخمات ( العادية - شعر العيوز لوول الخيوط حق الحمامات و المطبخ - الكشاطة - و حدة ما اعرف اشلون اوصفها اللي تمتص الماي ) - كلك الغسيل - اكياس زبالة صغيرة و كبيرة - بف باف - صابون المواعين ..

* طبعاً البيت كان ناقص و شريت من فترة بسيطة :
سلال الغسيل - كلوركس - بخاخ ديتول للأسطح ( عملي و سريع ) - ايزي اوف بام حق غسيل الحمامات وايد مريييح بصراحة + البخاخ - معطرات الغرف و الحمام - علب بلاستيك متوسطة حق صابون المواعين - زيت - ملح - فلفل اسود - كوفي ميت - تشوكوليت سيروب - المونيوم - المونيوم حق المدخن عشان الفحم ما يلعوز المدخن - ملقط فحم ( مهم ) - كومفورت ..



* الأخطاء اللي لاحظتها :
في في الثلاجة حاجات ما لحقنا ناكلها فانتهت للأسف .. لأن ما كنا نقعد في البيت الغدا يجينا و الريوق ما في اللهم شاي لأن القومة متأخر و العشا من برى ..

* النواقص من الأجهزة : المايكرويف - الخلاطات - عصارة - مكنسة - توستر - شواية ..

أهل ريلي كانوا متكفلين في البيت و ماخذوا كل شي عشان احنا ناخذ عقب بس حسيت في اشيا مهمة ما خذوها + امي خذت لي بعض الأغراض ما استخدمتها لين الحين من دلال و فناجين .. الأجهزة اللي موجودة كلها جايتنا هدايا لذلك مب عدلة نتشرط و نقول جيبوا اكبر ..

بخصوص الضيوف .. لا تخافين اول ايامكم كله برى خخخ يا بتكونين في بيتهم او بيت هلج .. محد بيزورج .. و لا تفرغتوا كلللللش تسوقوا للبيت و اخذوا النواقص ..
تبين تفتكين اخذي كل شي من هوم سنتر بتقولين غالي بس بتلقين كل شي عندهم من قطع سجاد و ادوات المطبخ ..

بخصوص غرفة النوم : اخذي ابجورتين - شموع و كثري منها - براويز - ثروز - كاشنز - اي شي تشوفينه يصلح ..

الستارة خليها بيج و دخلي معاها ذهبي طافي .. و تحكمي بألوان الإكسسوارات ..

الحمد لله إن ريلج ما طاعج و دخلتي هالألوان الغريبة خخخخ مب عشان شي بس تقيد و توهق ..
انا عكسج بغيت الغرفة تكون اوف وايت او بيج و هو بغاها لون ثاني و صارت أصفر مانجا ^_^
و الأثاث بيج طافي و الموكيت بيج ادري كل لن في صوب لكن في الواقع متداخلين ببعض بشكل غريب و الإكسسوارات ذهبية ..

عساه منزل مبارك و تتهنين فيه : )

تعبت وانا اتذكر بيتي اشفيه .. صج ترى المسجل مهم لازم ينوجد قبل ^_^



::

شظايا حبيبتي ..
كل شي علييييه و إذا عنده خوات يكون احسن لأن فعلا ما بيكون عندج وقت تلفين حق البيت و تتشرين ,, ممكن تتشاركون في إختيار الألوان ..
بالنسبة لي كنت مفكرة اتكفل بغرفة النوم بخصوص الإكسسوارات و جذي لكن ما لقيت وقت فخليتها على ريلي و كان البيت بكبره مفاجاة لي ^_^ قولوا ما شاء الله ..

دوحانية


ماااا قصرتي يالغالية



والله يهنيج في مملكتج وبيت الهناااا ان شاءالله

دوحانية هههههههههههه يعني فرحانه انه ماطاعني؟:) يختي احب هالالوان ..ماتشوفين المسلسلات الكويتية شحلاة هالالوان في الغرف ؟؟ حتى مع الاضاءه تطلع واااااو

بس صح تقيد :) لكن مب مشكلة...لان هالبيت موقت لين يبني بيتنا اللي بنستقر فيه على طول انشاء الله

وااااااااااايد استفدت من ردج :) ثانكيو

انا عن نفسي رحت خذت كل اللي ابيه وخليته عندهم ..والفواتير عطيتهم ريلي يدفعهم هاي بالنسبه للاداوات الكهربائيه ....

اما تموين البيت ريلي عطاني 5000 ريال و خليتهم عند امي كملت باقي الاغراض ...

اي خلي هالألوان حق بيت العمر ^_^

حتى الحين خليه حلو بس بسيط ..

الله يوفقج ..

::

شظايا الماضي ..

تسلمين يا عمري و جزاج الله خير ..

الله يهنييج حلاليموووو


بنات باقولكمممم عن الرووونق

اللي مكان الماسه اللي فتاون سنترر

والله روحوو انصدموو من خرابيط البيت اللي هناك والقلاصات والصحوون


والله اشحلاتهم وبرررخص التراب

روحي هناك وطخي لج حركات حق البيت والله بتشوفين الخرابيط وبتجيج افكاااار


وفيه كرسي حديد لو تاخذينه وتسوين لج كوورنر فالبيت وتحطيت عليه شجر وحركات رخيييييييييييص ب 400 وشي بس ويجنن عمتي خذت منه تقول سايمته فمكان على 2000


والله يوفقج وكثري من الشموووووع فالروونق شموع اتينن ورخاص بشكل ماتصورينه حطي الشموع فكل زاويه وغيري الالوان دايما وولعي الشمووع



وبخصوص الستاره حطي بييج وتقدرين عقب على حسب الاكسسوارات تدخلين شيفونات بروحج فالستاره على الطرف بالألوان اللي تبينها بتعطي جو من قلب



بنات شيفونات الرونق رخيصه خذول لكم عشر امتار عشرين متر وربوطهم على الستاره بطرييقه طايحه والله تعطي جووووو فنتوكي





بالتوووفيق حبيبة قلبي


في في ذا ون اكواب حلوه حق الزوج وزوووجته يجون قطعتين بس خذو لكم والله شكلهمم شي شي...

ينقل لركن الديكـــــور

أختي الحلم الهادئ

منزل مبارك ان شاء

الله يوفقج ويسر لج أمورج ان شاء الله

أختج الـدانــــه

الله يتمم لج على خير حبيبتي
البنات ما قصروا

غداري :) ثانكس حبيبتي

الدانه :) حاضر يا افندم...مع ان الموضوع ماله خص لا بالاعمال اليدوية ولا الديكور خخخخخخخ هو مجرد سؤال عن الاحتياجات الاساسية للبيت اغراض البيت يعني

عموما انتي المشرفه وابخص :) شكرا

وجدان الشوق ........ممكن تجين وياي السوق؟ شكلج فله في الافكار خخخخخخخخ

ماقصرتي على الرد :) وانشاء الله بمر المحلات وبشوف

مرحبتين يا حلوة ..
الف مبروك البيت وجعله مبارك ان شاء الله ..
انا ساكنه بملحق بس اهل ريلي صراحة ما قصروا تقريبا لقيته جاهز من مجاميعه ..
الاغراض اللي قالتها دوحانية تقريبا نفسها بالضبط ..
بس ثلاجتي كبيرة وايد ..
عقب ما رجعنا من شهر العسل بدينا نتقضى شوي شوي حق البيت ..
شريت عجانة وخلاط كيك وخلاط عصير وفرامة وهاي المضرب مال براون
خذنا السلال مالت الغسيل .. المكنسة كهرباء تنفع للزل والسيراميك لان غرفة النوم زل وباقي اليبت سيراميك .. الميكرويف اكثر شي استخدمته فيه لتسخين الخبز لان الاكل ما يتم
بس ماشاء الله تقربيا اللي عند دوحانية نفس اللي عندي والاغراض اللي كملتها نفس اللي كملته .. :)

ماشاء الله عليكم عيني عليكم باردة ... حلو الزوج و أم العروس يجهزون لها كل شي صج تحس روحها عروس بس إحنى عندنا غيييييير كل شي نجهزه مع أزواجنا بفترة الملجة... الطريقتين حلوين لأن إحنى نختار على ذوقنا و نتعب فهل شي بس هذي سلبية لأن حلات العروس تكون ريلاكس و مدللة و أهم شي الزوج يكون ذوقة حلو و لو ذوقه مو حلو راحت عليج ....

عموما إختي أنا ما أقدر أضيف على اللي قالوه البنات بصراحة كفو و وفو و ما قصروا و أنا شخصيا إستفدت وايد .... عساكم علقوة و الله يوفق و يهني الجمييييييييع