بنات عندي شيء شاغل بالي .. شنو رايكم ؟؟ هل اللي أبيه غلط او مو من حقي؟

حبييباتي إنتو مو فاهمين انا مللي تعامل مع خواته كلش ... ولا شفتهم من يوم ملجت عليه ...

وإيه الملجه حفله و كل شيء. . بسي العروس اللي هي أنا يوم ياب العشا لبيتنا المفروض أقعد

بداري .. على أساس مستحيه . وما أنزل لهم كلش. . . تخيلو ..

وأنا عندي له صوره بس. . . وهو جم مره يي بيتنا ياخذ اوراق رسميه لي أشوفه من الدريشه ..

والله اليوم اللي يقولون بيي أتم اليوم كله أترياه على الدريشه .. تخيلو ؟؟؟


وأمي مو معترضه على هالأمر بالعكس .. . بس شنو تقوله .. تخيلوها ....


لو سمحت أنا راضيه يالله تعال كلمها .. وهذا رقم بنتي ..؟؟

أمي مو معترضه ... كلش ...

واللي تقولي لمحي لخواته .. أنا أصيرلهم و أحبهم بس من يوم ملجت على أخوهم ما كلمتهم

ولا شفتهم و إذا زارو خوالي .. المفروض أنخش عنهم . .لانه عيب. . .

ولا أزيدكم من الشعر بيت ...

ربع أمي .. وجاراتنا وأهلنا وكل شيء .. أنقطع عنهم .. إلا الخاصين الخاصين ....

لأانه عيب من يوم تملج البنت ... خلاص. . تنعزل عشان تستحي. . .

وأنتضر الردود
...

مع إن مالي غير الصبر. .. لين ما إيتلحلح هاللوح .. وإيي يطلب. .

لكل اللي رد علي .. جزاكم الله خير. . . .

بس القضيه مو أمي. . ..


الأم مستحيل تيي حق الولد تقوله تعال كلم بنتي. . . أصلا أمي ما تكلمه لو تبي منه شيء

دزتله مسج ..؟؟

أو إتصلت على خواته وقالتله قولوله كذى .. . تخيلو ..؟؟

هالدور تجي تقوله تعال كلم بنتي .. بنتي تبي تعرف شخصيتك . هههههههههههه

يالله ناطرتكم ..

مثل مافهمت امج ماهي رافضة بس ناطره المبادرة تجي منه..بس ياختي منطقكم غريب...يعني البنت لي ملجت لازم تستحي.؟؟؟؟
اول مره اسمع فيها بس يمكن انتو نظامكم غير..
الله يعينج ياقلبي...حلالج ومحرومة منه...
مادري متى الناس بتفهم ان الوحدة لو ملج عليها زوجها خلاص صارت حلاله..يكلمها يشوفها بكيفهم..

انا عايزة اقول حاجة يا بنات اولا لية انتى مكسوفة ولا مامتك مكسوفة تقول لة تعالى المفروض على حسب مل فهمت انكم متجوزين يعنى انا شيفة بصراحة غصب عنة لازم يجى وحقكم انكم تطلبة دة ولا هو كان اتجوزك لية بقى ؟جواز بالاسم ؟انتو ممكن تعملو حاجة حلو اوى اعزموة هو و اهلو على الغداء كزيادة تعارف او بمناسبة اى حاجة كرم يعنى منكم وساعتها هيكون فى مجال للكلام ويمكن هو يفتح الموضوع تانى عشان سعتها هيفهم ان الوقت حان ويا سلام بقى لو تعزموهم بمناسبة نجاحك:ok: هيبقى تلميحة حلوة وفى نفس الوقت انتو لا قولتولة اتكلم ولا حاجة انتى نجاحتى وعملين وليمة بالمناسبة دية او حفلة او اى حاجة يعنى فكرى بس دة حقك حتى لو انتى ألى روحتى طلبتى تشوفية؛ اعرضى على مامتك الموضوع وفكرو فى وسيلة واكييييييد مامتك هتلاقى حل بأد"ن الله

شلووووووووون يعني حبيبتي من ملكتم ماشفتوا بعض ولا مره؟؟؟؟؟؟؟

معقوله؟متى بتشوفون بعض ليلة العرس؟؟؟؟

حتى لو بدو انا اللي اعرفه ان البدو متشددين قبل الملكه لكن عقب الملكه يعني زواج خلاص انتي زوجته

وانا لو مكانك باكلم امي حبيبتي احسن فتره هالفتره هذي لا تضيعينها من عمرك ترى بتندميين

والله يوفقك

اممممممم توني انتبه لردودك الاخيره اوكي حبيبتي في حل ليش ماتسوون عشا وتعزمونه وتدخلين انتي عليه وتقعدون ويا بعض عرفتي يعني تتصل امك وتقوله عندنا عشا اليوم ونبيك تجي
وبالنسبه لامك ليش بعد ماتكلمه؟؟هو نسيبها الحين يعني حسبت ولدها لازم تدق عليه وحتى لو استلزم الامر انكم تخترعون سالفه عشان يجي قولوا بناخذ رايك بشغله بالعرس بالبيت باي شي وصدقيني لا قعدتي وياه اكيد بيقولك ليش ماتكلميني؟؟
ولا تنسين ان هو بادر بالاول واهلك رفضوا يعني الحين دورك انتي وبالنسبه لامك اضغطي عليها
اساسا انتي ماطلبتي غير حقك

عاشقة الليل تبين طلاقي إنتي ؟ ؟؟

حبيبتي أنا عندنا واحد إنعرفه ملج على وحده .. وهي دقت عليه .. وتخيلو شسوى ..؟
عصب وطلقها .. وقال هذي وحده ما تستحي على وجها .. ومو مظبوطه .. ؟؟

اللي تتجرأ على رجال حتى لو هو زوجها .. بس إسمه رجال ما تعرفه وتكلمه هذي وقحه ..

وتطلقت وجنه العيد ..


اما سالفة الحفله على النجاح . .. هذي فكره حلوه. . بقول لأمي ..

أو بسوي كيكه أحط عليها صورتي .. وأوديها لهم .. على نجاحي

أنا عندي دور ثاني ..بماده .. وبنجح إنشالله .. وبسوي الكيكه الإمتحاانت بعد 4 أسابيع بس. .

بس ماراح يبقى على عرسي غير شهر ونص. .؟ ؟

يسلمو على ردودكم

خبري امج وحاولي اول شيء اتكلمينه عن طريقة المسجات اطرشين له اشحالك
وشوي شوي روحه الرمسه بتي او بيتصل بج اكيد
واعتقد هو متردد لان امج قالت له مرة لا تكلمها فانحرج يطلب هالشيء مرة ثانية

اف طلقها؟؟؟؟؟؟؟؟؟؟؟؟

مو تقولين هو طلب يكلمك من قبل؟؟

على العموم انتي لازم تهتمين وتسألين عن شخصيته تشوفينه متشدد ولا لا قبل لا تسوين اي شي

بعدين ليش ماتكلمين خوواته؟؟موقصدي تقولينلهم خلوه يكلمني لا دقي سولفي ويااهم عادي

ولال في فكره احسن اذا ماتقدرين تعزمينه هو الحفله اعزمي خوواته ووالله خووش فكره اشرايك؟؟

سوي وياهم علاقه حلوه مو شرط كلهم على الاقل مع اللي تشوفينها قريبه منك:shy:

واللله يوفقك حبيبتي اهم شي ماتسوين خطوه وانتي مو متاكده من ردة فعله عليها دام السالفه فيها طلاق لا تستعجلين

شر البلية مايضحك

هذي ايام يدتي تنخش وتستحي

صج الحياء من الايمان بس من العيب والحرام

مب من الشئ الواجب الوحده تسويه

عموما الله يعينك ويجعل لك مخرج من التفكير اللي يضايقك

شمعة دبي .. ولكل وحده تبي ترد علي. . لو سمحتو إقرو الموضوع عدل .. قبل لا تردون. .

كل وحده داشه علي تقولي عادي , كلميه شوي شوي. . ودقي علي .. ومسجات ..

الريال ما جاني . انا أروح أتحرش فيه يعني ..؟؟ مسجات ما مسجات .؟؟


لا لا و الولد مب متشدد . أبدا .. . عادي .. والدليل طلب يكلمني بالأول ..

بس هو محترم و الضاهر إنرد مره ما يحب ينرد مره ثانيه ..


وشكرا. . لكل اللي ردو علي .. وإرتحت لما طلعت اللي بقلبي .لكم .. وإنتم بحسبة خواتي...



وعاشقة شانيل هم فشله إخته ( هو ماعنده غير إختين ) وحده كبيره ومتزوجه ووحده ياهل بيبي أ 10 سنوات ) ... يعني ولا وحده بعمري. . وإخته ما يت ولا بدت بشيء .. فتيي الرعوس تبادر .. وتعزم .. وتسوي. . أفففففففففف ... تعبت

انا مثلك متزوجه وماكمت زوجي ولا اعرف عنه الا انه زوج صاح واهلي راضين عنه

ونصيحه داام هشيء ماتعودنا عليه لا تكلمينه لو هو طلب منك انك تكلمييييييينه عشان يحس انك حرمه ثقيله ويشتااق لك اكثر والله

كثير اعرف سوو هشيء وهم مو متعودين عليه ويوم جا يوم العرررس مالقو شيء يسولفون فيه وكان الجو عندهم باارد ومابينهم جياء يعني مصاخهه لااااااااا تفكرين تكلمينه حتىىى لو طلب بحجة انج مستحيه خلييييييييه ينطر ويتحقرص

وصدقيني اذا هو اختيار اهلج لايخيب ضنج لان الاهل بيدورون لبنتهم الزوج الصاااالح

نصيحه ووجهة نظر فقط لاغيررر

آختي آنا كمان كان عندي نفس مشكلت حيث آنه كنت عاقدة القران بإنسان لا أعرف عنه غير إسمه وكم كنت حزينة:sad: و خائفة من هذا الشخص الذي كتب علي زوجا وأنا لاأعرف عنه ولاشئ لدرجة أني مرضت و ماكنت باكل ولا شئ . لكن بعد ذلك طلب رقم هاتفي وبدآنا نكل بعضنا ما بكذب عليك زال الحزن والخوف و آصبحت مكانهم الحب :shy: لما عرفته جيدا,آختي الله يصبرك ولا تنسي بعد العسر يسرا والله يفرجها عليك

والله حبيبتي نور شاقولك المشكله ودي انك تعيشين مرحلة الخطوبه هذي لاني دايم اشوف المتزوجاات يذكرونها ويشتاقون لها بس هم بنفس الوقت الوضع حسااس وماودي يجيب نتايج عكسيه لا سمح الله بس انتي ماكلمتينا عنه هو شلون نظامه جامعي ولا لا عمره قريب من عمرك ولا لا يعني باختصار اللي وصلك عنه تفكيره شلوون؟؟

وبعدين اخته الكبيره كم عمرها؟؟يعني اكبر منك بكثير؟؟

هو دبلوم عمره 24 ,, وأنا 18 . يعني بيني وبينه 6 سنوات

. اخته الكبيره .. ماخذه ولد عمتي .. عمرها 25 والصغيره 10 سنوات ..

وووايد إخته حبوبه يوم يابو مهري .. أول مادخلتلا بيتنا قامت

إتيبب وتلولش.. أول ما إفتحت باب الصاله أنا من فوق داري كنت أسمعها .. وايد حبوبه

نور:angry: 25 عمرها يعني صغيره وقريبه منك انا حسبالي عمرها 40 وبعدين دام حبوبه خلي علاقتك وياها اووكي وترى بيكون اسهل لان في ناس تكون نفسهم خايسه وصعب التواصل وياهم حمدي ربك وضبطي علاقتك ويااها ماتدرين يمكن هي اللي تكون همزة وصل بينكم

وبعدين الولد صغير ومتعلم وانتي قلتي قبل مو متشدد يعني يمكن يكون مستحي ومنحرج من الرده الاولى ويبي اشاره بسس

بعدين نرد لفكرة الحفله انا مازلت اقول سوي حفلة التخرج وخليها كبيرره وعزمي اهله وخاصه اخته هذي واعتقد بما ان الحفله تخصك ماراح تظطرين تنخشين عنها صح؟؟
ومن جهه ثانيه بتذكرينه انك خلصتي دراسه والعذر اللي حاطينه اهلك رااح

بس اهم شي انتي لا تكلمينه دامه مااكلمك ولا حتى مسج انتي البنت وهو الرجال لازم المبادره منه انتي بس عطيه الضؤ الاخضر والله يوفقك:shy:

أوكي .. حبيبتي .. بس هم سالفة إنتي أروح للبنت وهي ما جتني .. شوي أحس فيها جراءه ؟؟؟

أنا خايفه .. دام عطيتج نمونه عن تفكير اللي قريب مننا . وشنو سوى ... فأضن فهمتي إن كل حركه تسويها البنت ..


يعتبرونها جرءه ؟؟ وو انا بدخل بصورة البنت .. الطيبه البريءه اللي تستحي ..

ما أبي أي صوره .. والبنت ما حاولت حتى مجرد إتصال .. أنا أجي .. اتصل فيها؟ ؟


شنو رايج ؟؟


و إنشالله سالفة الحفله .. بتفتح باب .. وإنشالله بشهر 9 بنزل موضوع للتهاني ..

وأقولكم غني ناجحه ..


بس لو رسبت ..؟؟

بيكون قصة ويه ههههههههههههه

اي حبيبتي نوور فاهمتك عدل وكلامك صحيح بس بالبدايه انتي لا تكلمينها خلي امك اللي تعزمها
وبعدين انتي شوفي شغلك وياها
وانا اقول انسب وقت حفلة التخرج صدق بيكون باقي على الزواج شهر وشوي بس هم احسن من ولا شي
الا يالغاليه انتي شالماده اللي راسبه فيها؟؟

حبيبتي مادتي سهله .. حيل ونجاحي مضمون إنشالله 100&


هههههههه بس مادتي ما اقدر بالعام مفتشله من نفسي بقولج عالخاص..


ويسلمو عالى التفاعل الرهيب خصوصا منج إنتي حبيبتي .. حيل مهتمه جنها مشكلتج ..

يسلموووووو حبيبتي

ياعمري عادي والله كلنا خوات ودام سهله ان شاءالله تنجحين وتجيبيين فل ماارك

واذا مفتشله من الماده عادي مااظنها بتكون اسهل من الفنيه اللي كانت الابله تطلعني برا الفصل من المآسي اللي كانت تشوفها بالكراسه هههههههههههههههههههههههه