--++ شو انسوي في الأربعين؟؟ ++--

مرحبـــــا حبيبتي :salam:

مشكورة على هالمووضوع الحلوووووو :clap:

انا ماعرف شي عن النفاااااس بس يقولون لازم الوحدة ماتتحرك عشان الرحم يرجع مكانه الطبيعي وماينزل بس اللي فكرت فيه

1- المشد أهم شي وانا موصيه على الخدامة تجيب لي من اندونيسيا يمدحوووون مشدهم بو 5 امتار مادري 10 امتار وشفته في المنتدى بعد وطريقة استخدامه.
2- زيت عن التشققات.
3- ستيان اللي يضم الصدر عشان مايترهل.
4- الحسووووو
5- تحاميل حق الخياطه ماعرف اسمها لان وحده قالت بتجيب لي منهم.

ومادري والله ماعرف ادري ان ماوراي فايده :sad: بس بسأل امي اش بتسوي لي لان انا وحده كل اعتمادي على امي الله يعطيها العافيه وبرد اكتب بلا هالخرابيط اللي من مخي :bigsmile:

انا للحين
المهم انا ناويه اسوي جدول حق بشرتي وجسمي ,, وشعري,,, خبركم الوحده يبي لها شغل واجد عقب الولاده

اختى قطر جيرل ...
شنو هاي التحاميل اللي حق الخياطه ,,,, اول مره اسمع بهم

وخيتو ماريه شنو زيت فيتامين ه اللي تتكلمين عنه ... مضمون انا لان سمعت ان الجولسليد يشيلهم
وخذت خلطتين من المنتدى قلت باجربهم ...........

ولي رجعه مع جدولي :)

أختي قطر غيرل مشكورة عالرد
وصدق شو هاي التحاميل و شو هو الحسو

أختي مطلع_الشمس مشكورة عالرد
زيت فيتامين هـ قريت عنه في المنتدى ويقولون انه مفيد وشريته من الصيدلية وسألت الصيدلانية وقالت عنه زين واستعمليه مرتين في اليوم، افركي فيه يعني..

شو بالنسبة للجلوسيد؟ أول مرة أسمع عنه؟

نتريا جدولج وإن شاء الله الكل يستفيد

:salam:


بالتوفيق يا بنات
بس حببيت انبه انه بينحذف اي رد فيه اي وصفه شعبيه او غير مصرحه من الطبيب تبعا لقوانين القسم ..الرجاء التقيد بالقوانين ..واتمنى من صاحبة الموضوع تكون مسؤوله عن محتوى الردود ..


اتمنى منكم التعاون معنا .

:) موضوع حلو

انه صراحه هذا اول حمل الي ومب عارفه صراحه

بس الي بسويه طبعا بهتم في روحي عدل وفي البيبي اولشي انه بشتري لي سكراب وكل يوم وترك بفرك روحي فيه علشان يقشر الاسود كله وجسمي يصير نضيف :) وباخذ لي زيوت حق هذي الاشياء ووو بسوي رياضه كلش خفيفه

وبس مادري شنو بعد

قوووووووة بنات

بالنسبة للتحاميل هي من الصيدليه باجيب لكم اسمها هي عن ألم الخياطه بعد البنج ..

اما الحسووو هو هذا اللي يشربونه مادري ياكلونه عقب الولاده اللي فيه شوي بيض مقطع وهو لونه بني وفيه نقط صغاااار وفيه بهارات شوي حاره وطعمه لذيذ انا احبه ماعرف شتسمونه بس اكيد عندكم سألي امج وانشالله بسوي لي جدول عقب الولاده وبحطه لكم.


ويعطيكم العافيه

موضوع حلو

انه صراحه هذا اول حمل الي وgمش عارفه صراحه ايه المفروض اعمله
وعاوزه اعرف كريمات وزيوت التشققات تستخدم اثناء الحمل ولا بعد الولاده

السلام عليكم ورحمه الله وبركاته

الحسو ..... اللي هيه الحريروه او الحبه الحمرا معروفه عنا بهل الاسم فالامارات

:qaq: انا بصراحه عندي احساس اني مابتفيج لعمري بس لازم اهتم شئت ام ابيت

1- بشد بطني بعد الولاده مباشره وبعد اسبوعين من الولاده بسوي رياضه خفيفه وع نهايه الاربعين يمكن اسجل فنادي .
2- بعتني بشعري وبحطله زيت بشكل اسبوعي
3-بستخدم سكراب عشان السواد وغير هذا بستخدم الليمون مع الزيت زيتون لتبييض المناطق السودا واكيد ع اخر الاربعيين لازم:shy: حمام مغربي ع منييكير وبدكير وبخار للشعر وتشقير وتقشير وحنا وغيره وغيره يعني بالمختصر ارد عروس مره ثانيه لووووووولز:shy:

وبالنسبه للخياطه شي كريم اسمه MEBO موجود فالصيدليات بستخدمه من ثالث يوم بعد الولاده لان بنت خالتي تمدحه :)

مشكووووورات خواتي على المعلومات الحلوة

وأكيد كل وحدة اتحط عن أي منتج تكون متأكدة من جودته وتأثيره عشان الكل يستفيد

وأي وحدة منكم اتحب تستعمل أي منتج دوائي من الصيدلية تسأل دكتورتها أول أحسن عشان أبري ذمتي..

وأنا بعد من الأشياء اللي ناوية أسويها إن شاء الله العناية بشعري بزيت دابر أملا بما انه زوجي ما بيكون معاي عشان الريييييييييييحححححححححححححة

بغيت اتعلموني عن السكراب هذا أول مرة أسمع عنه
علموني من وين وكيف يستعملونه؟؟

صح ما اعرف في هالاشياء بس التحاميل بتلاقونها عند الدكتوره زينب في دبي

[grade="00008B FF6347 008000 00008B"].[/grade]











[grade="008000 FF6347 008000 4B0082"]..[/grade]

انا شريت ادويه للنفاس وشريت كريم للتشققات وخلطه للتبييض وكريم لشد الجسم وشريت ستيانات الرضاعه وشريت خلطه لشعري وحجزت الكاكاو للتقديم

خواتي مشكووووووورات عالردود

أختي الجميلة78 كفيتي ووفيتي وجدولج ما شاء الله وااايد حلو ومرتب

السلام عليكم
الحقيقة انا ناويا اسوي حمام بخاري لوجهي باليقدنوس وحمام بخاري لشعري بزيت التوم والخرواع

اختي روعة دبي ممكن تحطي صور المستحضرا اللي استخدمتيها

موضوووووووووع حلو ورائع واتمنى الاستفاده للجميع ..



بناااااااات برامجكم للعنايه حلوه وتشجع ..
اما انا فهذي الاشياء اللي جهزتها لنفاسي ..


1/ اول حاجه شريت من المنتدى المشد الاندونيسي.. لان شعاري ---------------->> لا للكرش
2/بالنسبه للشعر ..
* عندي ماكينة حمام زيت وراح اسوي حمام زيت كل اسبوعين وباستخدم كريم فاشكول بالثوم ..ما أحب استخدم الزيوت لأني أعاااااااااني كثير وقت غسيل الشعر بالشامبو ما تروح بسهوله
*باسأل الدكتور عن فيتامينات كويسه للشعر اخذها بفترة النفاس
3/البشره :
*راح استخدم يومياً مقشر rten - a لتجديد خلايا البشره وهالكريم نصحني الدكتور باستخدامه لمدة شهر ..
* باستخدم ماسك لتغذيو البشرة وترطيبها 3 مرات في الاسبوع
*باكثر من اكل الفاكهه والسلطه ( لبشره نظرة )
4/محيط العينين :
*شريت كريم من شانيل لأزالة سواد محيط العين
* باستخد فيتامين eمرتين في الاسبوع لتغذية محيط العين
5/ الركبه والاكواع : شريت صابون وكريم من خان الصابون لتفتيح المنطقه ..
6/ بالنسبه للجسم ومنطقه البطن : سكراب 3 مرات في الاسبوع وحمام مغربي مر في الاسبوع
+ ترطيب فااااااااااااائق للجسم .. وهذ الاشياء اللي باستخدمها للترطيب
* كريم جلسلويد الاحمر
*(زيت خروع + جلسرين ) مخلوطين مع بعض .. الخروع لأزالة التشققات ولترطيب الجسم بعد السكراب والجلسرين لتفتيح الجسم
6/ القدم : فازلين وخروع وراح البس دلاغات بعد ما ادهن رجلي بالخلطه ..
7/ الخياطه : راح استخدم الكريم اللي يعطوني اياه بالمستفى لأنه مضمون ومجرب ..
نقوع الماء والملح + تحاميل الملح ..

أفكاااار حلوه


ومنكم نستفيد



تسلمون خواتي

اشحالكم كروووشات ...

هذا اول حمل لي وحاليا انا فالتاسع ادعووووولي اقوم بالسلامه
انا انشالله ناويه ...
- اشرب الحبه الحمراء يوميا
- ابدا اسوي رياضه بعد اسبوعين ..عالخفيف وابدأ شوي شوي
-شريت مرهم ميبو للخياطه
بستمر على كريم التشققات اللى وصفته لي الدكتورة
وطبعا سكراب فكل سبحه ومن بعدها كريم مرطب للجسم
-شريت المشد الاندونيسي .....بس اعرف نفسي اتملل....... تعالوا اربطولي ... وسمعت ان المشد يجزأ الكرش .. بصراحة متردده ... وبس سلامتكم

موضوع حلو ومهم انا في السا بع ان شاء استفيد منكم اتمنى ما تبخلوا علينا بتجاربك
لاني ودي استفيد وانا لوحدي وما ادري شنو اسوي
وشكرا