استفتاء : شنو اسم افضل حليب صناعي ؟

انا استخدم حليب سيميلاك و الحمد لله متوافق مع عيالي

و بعد السنه احول للنيدو

و الرضاعه افضل البلاستيك لانها ما تنكسر لو لا قدر الله رماها الطفل و انتي بعيده عنه
لو ضربت بالسرير و لا بالارض ما تنكسر و تضره و اهم شي تعقيمها و غسلها بالماي الحار

هلا حبيتي الغالية انا سالت الدكتور الي في الصيدلية ونصحني بسميلاك ادفانس الاخضر لماكانت عمرها شهر لين 6 شهور بصراحة وايد زين احسن من نان ب 100 مرة لان نان ثقيل بس سميلاك خفيف

نصيحتي استعملي سميلاك

واقولج ترى كل شخص يقول شيء نان زين وانا اقول سميلاك زين ترى هاي مجرد آراء

انا اصحج تستشيري دكتور وبعدين تاخذين الحليب وتشوفينه هل هو مناسب لطفلج أو لا

والسموحة يا الغالية

شنو يعني ما تبين اترضعين عشان يسوي ترهل يبا رضعتي لو ما رضعتي مدام انج حملتي يعني صدرك راح يتغير شكله

المهم اولا الرضاعه الطبيعيه تقي من اخبث مرض والعياذ بالله

ثاني شي اتساعدج انه تتحسنين بسرعه بعد الولاده لانه يخلي الرحم يرجع مكانه ابسرعه

واذا تبين اتضعفين ابسرعه الرياضه مع الرضاعه اتخليج اتخسرين وزن بسرعه لانه الرضاعه تاخذ سعرات حراريه من جسمج يعني كل ما الياهل يرضع يستهلك من جسمج سعرات


على الاقل رضعي لين السنه موب سته اشهر لا

خلي الياهل ياخذ حقه بالرضاعه على الاقل سنه


مافيه مانع انج تدرسين او تشتغلين انج ادخلين معاه حليب صناعي يعوض فتره عدم توافرج بالبيت


المهم انوالع الحيب عندنا بالبحرين

سميلاك ما يتحصل ابسرعه يعني يبي ليج ادورين عليه واتعفسين بس كأني شفته في ميغامارت

بيبيلاك موجود بس في رويانم وللعلم اني جربته لولدي وعجبه وخفيف جدا على المعده


صحه و اس 26 وبروميل و نان هذلين كلهم جفتهم في ميغامارت قسم الاطفال الخاص يعني مو ويه المشتريات العاديه


الحين اجي افصفص الحليب

على فكره اللي يقولون انه حليب اس 26 اقرب لحليب الام ابغيهم يشوفون المكونات اللي بالحليب ويقارنونها بالباقي راح اتشوفون انها نفس المكونات تقريبا بس راح يختلفون في شي او اثنين

يعني اللي شفته انه اس 23 ونان نفس المكون بس اس 26 اثقل من نان لكن بعد نان يعتبر ثقيل


بيبلاك خفيف ويختلف عنهم بنسبه الرطوبه الموجوده فيه وهذا اللي يخليه يصير خفيف وفيه الياف غذائيه ما موجوده لا في اس26 ولا في نان


المستشفيات عندنا بالبحرين يستعملون اس 26 لانه ارخص شي اهو بالبحرين بالمقارنه مع الباقي واخس نوعيه

من تجربتي في ولاتدتي بولدي عمليه قيصريه فأول وثاني يوم كان يرضع من عندهم فكنت لما اطلبه يجيبونه لي اشوفه كان مسكين ملابسه كلها متوسخه ترجيع وكان بطنه منفوخ عدل

بعدين اخذته ولما اترخصت قلت ما بعطيه حليب صناعي الا بعد شهر وبعد الشهر رديت جربته معاه نفس الشي

جربت معاه نان نفس الشي

لكن بيبلاك الحمدلله اوكي بس غالي يعني سعره تقريبا ب2دينار الا خمسين فلس:qaq: ومافيه الا في صيدليه رويان وكم صيدليه اللي يتعاملون مع رويان بس:angry:

اتمنى انج تقرين الكلام عدل واتشيلين سالفه الترهل من مخج لانه بعد الرضاعه ما اتخلص فيه تمارين شد لعضلات الثدي ويرجع الثدي يصغر من جديد

استخدمت حق بنتي اس 26 وماتقبلته كللللللللللش واتعبت
واستخدمت نان 1 وماتقبلته
وكتب لها الدكتور نان (اتش ايه) عديم التحسس للي عندهم حساسيه من الحليب
والحمدلله للحين على نان عديم التحسس والحين نان 2
وبالنسبه للمراضع انصحج تاخذينهم كبار وقزاز من البدايه الى شهره الثامن او التاسع ماراح يمسكه ويطيحه
بعدين اخذي بلاستيك بعد الثامن لان القزاز مايتفاعل مع الحراره والتعقيم