اللي اطول من زوجها تدخل؟؟

rose2006
الله يبارك فيج يل حبيبتي ومشكورة على ردج الحلو فعلا هالشي المفروض ما يخرب على فرحتي بس المشكلة في العذال اكيد بيعلقون علينا وانا بحاول قد ما اقدر اسكتهم،والله كريم
نوووسه
مشكورة على ردج الحلو وهذا اللي بسويه
melsa
الف شكر لج والله يوفقج مع زوجج حبيبتي
خنفورة
تسلمين على ردج ومشاركتج
كريم كراميل
الله يوفقج حبيبتي مع زوجج ويسعدج ، اتوقع بالاول اتحسين بالاحراج وانتي معاه بعدين انتعود على الوضع،،انا ما ابي الناس اتعلق علينا ليلة العرس ما ودي هالشي يصير
بنوتة قطرية
يا احلا بنوته تسلمين على ردج العسل والحلو والله يوفقج حبيبتي
نور الكويت كله
والله انج نور الكويت كله فعلا كلامج 100% ،احيانا لا طلعت معاه خواتي يعلقون علي انتي اطول منه واهوا قصير صراحة انقهر واعصب ليش يقولون عن زوجي جذيه والله ما ارضى عليه ومستحيل اقوله البس كعب عالي ماودي اضايقه خصوصا ان ههاليلة فرحتنا ما ودي احز بخاطره بهالكلام وموضوع اني اطول منه ما فتحته معاه كلش ما ودي اضايقه،، وانا ودي البس كعب ليلة العرس وفي الكوشة ابدله بس خواتي مو راضيين يقولون لا تفشلينا داشة طويلة وطالعة قصيرة من الاول البسي كعب واطي وانا كاني ادور عالكعب الواطي ما لقيته،، والله يسعدج ويهنيج ويوفقج مع زوجج وتطلعين احلا عروس ، ويتمم عليج وعلينا فرحتنا ان شاءالله بليلة العرس والف شكر لج

لب لفواد
حبيبتي كلامج ذكرني بالمثل هونها وتهون والف شكر لج


melsa
حبيبتي ضحكتيني بس انتي معاه نفس الطول يعني ما في مشكلة الله يهنيكم ،وفعلا الله يعينا

اختي منال الكويت ..

انتي قلتي انج وافقتي على اخلاقه .. وما عرفتي عن طوله اللا بعدين .. يعني ياترى لو كنتي عرفتي عن طوله بعدين كنتي بترفضين ؟؟

حرام اختي منال انج تفكرين من هالمنطلق .. يعني الريال ما يعيبه لا طوله ولا شكله ولا شعره ولا شي .. اهم شي سمعته واخلاقه ودينه ..

لا تسوين من هالشي مشكله واحراج .. وحاربي كل وحدة ممكن تعايرج بطول ريلج او حتى تتسائل ليش وافقتي .. لأنهم يوسوسون لج ..

انا اطول عن ريلي بنفس الحدود الي انتي قلتيها .. وبالذات لأني ضعيفه وهو شوي مليان يبين هالشي اكثر ..

البس نعل فلات .. ويوم عرسي مهما سويتي بتكونين مبينه انج اطول .. بسبب انه الفستان يعطي ضخامة .. مع التسريحه ..

والتسريحه سويها شوي نازله .. البسي نعال ما يكون كعب وايد .. وهالشي انا سويته صح فيه كعب بس مب وايد وايد يعني .. بعدين فكري محد راح يشوف نعالج وقتها ..

وعندنا محل المندوس مال نعل الرياييل .. راح ريلي فصل له نعال عزج الله شوي مرتفع .. ممكن تخلين ريلج يسوي هالشي ..

بس جي واللا جي بتبينين انج اطول .. المهم ثقي انتي وياه انه مب عييب هالشي ..

وموفقين ان شالله

أختي الكريمة

الله يبارك بينكم ويجمع بينكم في خير

حبيبتي

ليست هنالك مشكلة تكمن في موضوعك ونصيحتي لك بالثقة التامة بنفسك وبزوجك وعززي الثقة لديه فأنتما الآن في مقتبل الحياة ويمكنك أن تلبسي حذاء بدون كعب ولكن لا تشعري زوجك بوجود فرق في الطول لأن هذا مع فترة من الزمن ربما يترسخ لديه هذا الفكر ويشعر بالنقص وبعدم التكافؤ فاحذري يا أختي فتح هذا الموضوع أمامه واذكري الإيجابيات لكلا منكما والله يوفق بينكم
ويرزقكم الذرية الصالحة المصلحة


تحياتي لك

أختك في الله العفة والتقى
إختصاصية علم النفس الإكلينيكي