الجزء الحــ11ـــادي عشر من تجهيزات عرايس قطر 2006

ملاذ الحب:
انا اول مره ادخل هالتجمع الطيب
وخاطري باول رد
ابارك لاختنا شموووخ

والله يتمم عليج العرس بالف خير يارب
وان شاء الله تطلعين احلى عروس وتكون زفتج روووووعه وتمشين جدام الناس بكل ثقه وطمأنينيه يارب

تسلمين يالغاليه على الدعوه الحلوه


والله يوفقنا انا وكل البنات يارب:)

فديتج يانور اذا صار انتي اول وحده بتدرين :)


بنات صايدكم ركووود وينكم

دوحانيه هلا والله بعرووستنا الحمدلله على سلامتج

ميس انجر مبرووووووووووك الخطوبه وعقبال العرس انشاءالله

بنات تدرون عرسي قرب وقلت بكتب الاسامي بالكمبيوتر بس تدرون ماعرف شلون اكتب يعني اكتب حرم السيد ولا على طول السيده هههههههههههههههههه انا الصراحه مالي خبره بهالسوالف

بناااااااااااااات ابي بنااات يرقصوون بصيييييييييح قرب عرسي وانا للحين ماحصلت احد يرقص لي للزفه اهئ اهئ

[grade="FF4500 4B0082 0000FF 000000 F4A460"]مرحبا بنــــــــات،،

وجدان الشوق

تبين الصدق أنا مادري عن أي شي متعلق بتجهيزات الخطوبة ،، أنا الشي الوحيد اللي سويته فستاني، بس لحد الحين ماجهز،، بكرة عندي بروفا نهائية وان شاء الله يطلع حلو ...
وحبيبتي الظاهر سعاد ردت علينا من دعوتك :) يسلمو ...

بنت الغالي

حبيبتي الله يبشرك بالشهادة، طمنتيني الله يطمن قلبك ...

مس انجر

حبي انتي الحلوة :) ... وترى انا مع كلام اليازي .. و"التايم فريم" اللي قالت عنه وايد حلو ...

وهج العين

عرسك معاي بنفس الشهر، الله يوفقك ان شاء الله

::[/grade]

بنات بخصوص سعاد البلوشي .... مساعه كلمتها وعادي ردت علي ومافيها شي واكدت الحجز والحمدالله

مبرووووووووووووووووووك مس انجر اسمحي لي جات متأخره


ها بشري تحنيتي والا الحساسيه ما خلتج ؟

مسا الخير عرايس
بنات ابي نصيحتكم ..
من وين تنصحوني اشتري لي فراشي مالت الميك اب ... ؟؟؟
امي قالت لي من فور ايفر .. انتوا شرايكم ..؟؟؟
وبعد شنطة الميك اب من وين تنصحوني؟؟؟؟

السلام عليكم ورحمة الله وبركاته ..
مرحبا ..
وحشتوني كلكم
..
توني راجعة من السفر وحبيت اسلم عليكم
الله يوفق البنفسج في عرسها وان شاء الله انها تطلع احلى عروس ..

خل اقولكم تفاصيل عرسي
الحمد لله كان وايد حلو والكل مدح فيه .. الكوشة سويتها عند الغردينيا ومعن محد وقف على راسه بس ضبطها وسواها نفس الشي اللي في بالرسمة ,,
الطاولات اعتقد سوها عند الدر المنثور وبعد على اللي اذكره وقالوا لي انها كانت وايد حلوة
التوزيعات احنا جبنا شكثر واهل المعرس بعد ما قصروا غرفة كاملة كلها توزيعات
جبنا الخيام يوزع كباتشينو وعصاير وكوكتيلات بس الكابتشينو يقولون لي كان بارد شوي
المضيفات هاي شي احنا ما انبهنا له .. احنا حجزنا واهل المعرس حجزوا بس الحمد لله كانوا المعازيم وايد وياليالة كفوا
مكياجي سعاد البلوشي وشعري مرسيدس
كان المكياج وايد وايد وايد حلو وشعري على قولة مرسيدس تسريحة التاييتنك كان شكلي كيوت خخخخخ
بس سعاد نكبتني لانها غير دقيقة بالمواعيد .. انا متواعدة معاها 6 ماجات الا ثمان وشي وتاخرت نزلتني على الناس بسببها لين 11 الا ثلث
:(
خلتني على اعصابي يوم العرس من قلب بس بشكل عام كنت هادية وحاسة بشعور غير طبيعي برود مدري شلون ولا كنت خايفة ولا شي
قريت على نفسي طول اليوم وكل ما كنت افضى كنت امسك الادعية اقراهم وقبل لا ادخل على الناس قريت المعوذات واية الكرسي ودخلت وكان الموضوع عادي ..
مشيت وانا ابتسم ويوم شفت الناس اللي حوالي استانست زيادة وصار عادي عاد
اي فستاني الكل استانس عليه يحسبونه من لندن او فرنسا خخخخخخخخخخخخ ..
تدرون طبعا انا وين سويته ..:)
وبعد المسكة سويتها عند جورج .. وكانت راقية وايد ..
الحناء كان عند الفنون وهاي اخس شي .. كانت نفسهم خايسة وهم يحنون .. حنتني ممتاز .. بس قررت ان هاي اخر مرة اتعامل معاهم
هو مب انه مب حلو بس التعامل عندي اهم
وقعدنا يومين بالفندق وعقبها سافرت .. طبعا نص السفرة كنت مريضة فيها .:(
بس بشكل عام كانت وناسة وايد ..
واهم شي لا تسون غلطتي وتاخذون ثياب وايد 3\4 الثياب ما لبستها اكثر شي الجنز واركبه مع بديات
خلوا مكان حق المشتريات :)

وبس هاذي سالفتي باختصار

الف مبرووك كلاسيك
وين سافرتي؟؟؟ وان شالله استانستي ؟؟؟

classic2004

كللووووووووووووووووش

الحمدلله على السلامة

الف الف مبروك

عقبااال مانبارك لك بالحمل أن شاء الله

كل يوم اقول بتصل بس استحي

ان شاء الله بكلمك

والله يتمم عليك ويفرحك دووم

وااااااااااااي كلاسيكو :) فديت هالطله انا ...تدرين عاد انا حجزي نفسج للشعر والمكياج والحنه خخخخخخ

بس خوفتيني من سعاد ...المشكله اني حاجزة تصوير احلام وذكريات وهذيلا بيسوون لي setting وبياخذون وقت بتصويري قبل لا انزل...فاذا هي تاخرت مصيبة ! يكفي التصوير بياخذله وقت !!

بحاول ااكد عليها واحننننننننن عشان ماتتاخر :( الله يستر ويعدي هالليلة على خير

بس الشعر متى؟؟ يعني اخلي مرسيدس تجيني قبلها والا شلون؟؟

قمت احاتي التاخير :(

بنات ساعدوني وين المحلات لايجار الفساتين الاعراس وماتعددى 5000مع الاكسورات خاطري يكون سكري مايل للبيج ..

وارخص محلات لبطاقات العرس لاني ابغي البطاقه بسيطه ...

واذا كان عدد البطاقات 500 الاشخاص كم التوزيعات الي اسويها والحلويات وش اختار

والقهوى والشاي عندن منو نسوي ؟؟


والطاولات وين نزينها ؟؟

هلا كلاسيك الحمدلله على السلامه :)


الف الف الف مبروك :)

زين قلتي عن الفنون لاني كنسلتها وشاسوي بروح الصالون حق زبيده لانها ما رضت تجيني


والحلم الهادي انا نفسج احلام وذكريات قال بيجيبون الاستوديو كامل الغرفه وبيصورون صور وااااااايد


قالت اكثر من ما تتخيلين وبعدين اختار العدد اللي ابيه

الله يستر ابي انزل قبل عشان اقعد مع هلي واصور معاهم واشوفهم وهم يرقصون
>>>>>>>>احلام اليقظه:)

عصفورة قطر ..
الله يبارك فيج .. الحمد لله استانستنا وايد وايد :)
بس كنت وايد امرض ..

ليالي ..
الله يبارك فيج .. الفال لج ان شاء الله ..
كنت انتظرج في العرس .. بس ان شاء الله نحضر عرسج :)


الحلم الهادئ ..
فديت عمرج .. تدرين انا احاتي ارجع ما الاقيج .. متى عرسج بالضبط :)
اخبارج واخبار تجهيزاتج ؟ ان شاء الله اوكي ؟
بالنسبة لسعاد ترى هي وايد بطئية .. حطي في بالج .. واذا انتي بروحج اوكي بس اذا معاج حد مشكلة .. اخذي الحجز البدري اضمن لج ...
مرسيدس بتطرش لج وحدة معاها .. بتسوي شعرج استشوار وعقب المكياج بتجي

لا تحاتين .. حتى لو تاخرتي والله ان هل الليلة احنا عاملين لها الف حساب وهي من ابسط ما يكون صدقوني :)

ترانيم قطر ..
اتوقع ممكن تلاقين عند دار لارا .. او في سوق الاحمد تحت

البطاقات صراحة مدري بس عندج .. الدر المنثور .. وقوس قزح
انتي اخذي لفة وشوفي

التوزيعات اخذي لج صواني كبار ومن كل شي سوي اثنين .. لا تكثرين لان اهل المعرس اكيد بيجيبون بعد ..
الطاولات اذا تبين شي سعره زين عندج الدر المنثور



شموخ عنادي ..
الله يبارك فيك .. متى عرسج .. ترى نسيت اعراسكم متى :)
شوفي الفنون حناهم حلو بس نفسهم خايسة حتى زبيدة نفسها خايسة ..
بس اتوقع زبيدة اهون ..
تخيلي حناي لين فوق الكوع والركبة وخذت مني 950 ريال لانهم دروا اني عروس ..
بس زبيدة ب 700 ريال مسوية حق خالتي وهي تدري انها عروس
حاولي تضبطين وقتتج وان شاء الله بتشوفينهم كلهم

هلا وغلا كلااااسييييييييك لج وحشه والله زين والله افديتينا بتجارب ونستفييد منج بس لا تقطعينا والحمدلله على سلامتج

هلا والله بكلااااااااااااااسيك فديت هالطله نورتينا .......... الحمدلله ان العرس طلع نفس ماتبين وبالنسبه للتاخير بنات لاتقولونلهم يجونكم 6 انتوا واعدوهم بدري وقولولهم 9 نبي نكون جاهزييييين لازم تكونون صارمين معاهم.............

انا ترجيت اللي تمكيجني قلت لها فديتج لا تتاخرين شوي واصيح


قالت بعد احسن لي اخلصج بدري لانها في النفاس

كلاسيك خلاص الدور علي ان شاء الله بعد 10 ايام

زبيده قالت اليد كاااااااامله والريل لين الركبه 750

زييييييين قلتوا لي بالنسبه للتاخير بتصل فيهم باجر باااااكد علييييييييهم عددددددددل يعني اتهقون اقولها تجي 4؟

انا فخطبوتي جاتني 5 خلصتني 9

:sad: احس بتوتر من كلامكم مادري ليش هههههههههههه

:sad: عرسي عقب عرس شموخ على طول واحس واااي بمووت من التعب اول مره في حياتي يصيدني تشبع من السووووووق