فقط للجادات..عشان مانقول السنه مثل الي قبلها

الله يوفقج ان شاء الله و يرزقج الزوج الصالح التقي الي تحبينة و يحبج و يرزقج الذرية الصالحة ان شاء الله قولي اميين <<<<<<<< اكيد الحين بتقول بأعلى صوتها امين ههههههههههه

و يرزقنا كلنا يارب الزوج الصالح و الذرية الصالحة

و تسلمين على الموضوع

احب اضيف على الجدول صلاة الشفع و الوتر مع اني ما اصليها دايما بس ودي التزم فيها

و ان شاء الله كلنا نلتزم فيها يا رب

و دمتم سالمين:shy:

:shy:مبارك عليكم الشهر يا امامييييييييييييير ياحلويييين

طبعا اشتقت لكم وايد وايد بس انا قلت خل اعطي نفسي مجال بالجدول عشان اشوف النتايج والملاحظات مب كل يوم ناطه لكم هههههه


المهم هذا دخلنا بثاني اسبوع من رمضان الله يعوده علينا السنه وكل سنه مع اهلنا واحبابنا بصحه وخير وعافيه.....


طبعا من ناحيه المصروف دش رمضان وتلخبطت الميزانيه ماعرفت اوفر خبركم عاد....

طبعا اول انجاز اهو القران طبعا صار جزء من يومي يعني احس هالساعه الي اقرا فيها احسها ساعه طمانينه وراحه نفسيه صج مب مثل باقي اليوم كله ركضه ومحاتاه وقلق...طبعا ابشركم العدوا انتقلت حق اختي الصغيره صارت تسوي مثلي مع اني ماقلت لها صارت تروح تفتح قران وتقرا بروحها...


بالنسبه للصلاه اجاهد واحاول اني اخشع واقط كلشي وراي هالكم دقيقه الي اصليهم والحين بعد صايره اسوي شي حلوو اروح المسجد منها رياضه ومنها اجر صلاه التراويح....الشي الي مضايقني اني ماعندي علاقات وايد صج هذاالشي مب قادره اتغلب عليه........انا مو من النوع الي يدش بالسوالف وايد يعني اغلب وقتي ساكته ...وخاطري اغير هالميزه هذي فيني وطبعا مابي اقعد اسولف بالحش لاني مثل ماقلت لكم قبل رمضان الحمد لله تقريبا بديت اتخلص من هالموضوع بشكل كبير............


اممممممممممممم هذا كلشي عندي بنات امانه لا تنسونا من دعواتكم برمضان وانا بعد ماراح انساكم بدعائي ابد :gum:

حبيبتي دانة الله يتمم عليج بس خليج ساكتة في التراويح لانهم يحبون الوحدة الحياوية الي تستحي

و دمتم سالمين:shy:

فاتنه العرب شخبارج

صج فقعت من الضحك يوم قلتي قعدي ساكته بالتراويح هههههههههههههههههههههههه الله يغربل ابليسج بس..........

انا اقصد بالتراويح وبحياتي العامه والخاصه يعني ماعرف اسوي علاقات وانتي تعتبرينه حيا غيرج يعتبره ثقاله دم:sad: وصج انا سمعت وحده تقول اشفيها هذي كله ساكته شايفه روحها وانا والله استحي اني اتكلم او ادش بمواضيع يعني شوي احسها ماتناسبني او مو من شخصيتي

حتى بالشغل ترا مالي علاقات تلاقين قاعد احد يتكلم معاي انا ساكته ومبققه عيوني يعني اني اسمع يعني احس ماعندي رد خلاص الي قدامي تكلم وقال الي يبي بالنسبه لي مشاركتي اني اسمع بس.............بسم الله علي لا يكون عندي اكتئاب :qaq:

لا لاتقولين اكتئاب هذا حياء زائد عندج>>>> جت لج المحللة النفسية

تعودي انج تاخذين و تعطين انا نفسج ساكتة بس لا احد تكلم معاي الله يعينه على لقافتي

حاولي انج تاخذين و تعطين مع الحريم شي مؤكد انهم بيستغربون اذا لقوج ساكتة حتى لو انا اشوفج اكيد بستغرب على الاقل لو بكلمة ردي بس لا تصيرين مثل الصنم ساكتة ترى بعدين الخطابات يغضون النظر عنج ديري بالج

خليج طبيعية بشوشة مرحة قرقه هذرة بس بعيدة عن الحش و الكلام الموزين و بعيدة عن اللقافة>>علمي نفسج تتفلسفين و انتي ام اللقافة

ما اطول عليج ادري صدعت راسج

و دمتم سالمين:shy:

فديتج والله

انا ارد بس ايه لاء يعني احس مااتحمس وايد بالسوالف تلاقيني افكر بالوقت الي قدامي يتكلم فهمتي يعني حديث نفس يصير وانا بطبيعتي بشوشه وراعيت وساعه صدر بس مب مع اي احد لازم يصير الي قدامي كلوز وايد لي عشان انكت واضحك واتكلم..........

بس باخذ بنصيحتج بصير ملقوفه شوي ههههههه بس بحاول اتفاعل ......

ماقلتي لي جربتي البرنامج او لين الحين كتلوج 2005؟؟؟؟؟؟؟؟؟؟

شوفي لا تصيرين ملقوفة وايد لانهم ما يحبون اللقافة الزايده يعني صيري بحدود المعقول ههههههههههههه ادري صدعت راسج

بس حاولي انج تتكلمين مع البنات الي بالانترنت و تعلمي انج تاخذين و تعطين لان بالانترنت تاخذين راحتج و شوي شوي تلقين نفسج تتكلمين عادي بس لا تصيرين لا ساكتة و لا قرقة زيادة خليج معتدلة

و دام انج بشوشة هذا اهم شي

لانهم يحبون البشوشة و دايما تلفت نظرهم البشوشة الحياوية

ادري اني وايد ملقوفة بس شسوي طبع:shy:

بس انا كنت مثلج نفس الشي بس مع الايام قفزت قفزة و الله يعافي جامعتي هي الي علمتني على القرقه و الفلسفة كليتي العلوم الاجتماعية

و الله يوفقج يا رب و يرزقج كل خير و كل ما تتمنين

بس انا ما اعرف شنو كتالوج 2005؟

و دمتم سالمين:shy:

يعني جربتي جدولنا الي حطيناه 2006 او لين الحين تطبقين الاشياء الي كنتي تطبقينها سنه 2005 يعني هل-------متعوب عليها هل

هل جددتي بحياتج هالسنه غيرتي شي واذا فيه تغير او تجديد قولي لنا

وخذي راحتج اخي عادي سوالفج تونس مب قرقه ولا شي:) كلنا نساند بعض

بس بقولكم شي انا فقدت اختي برونزيه بحرينيه؟؟؟؟؟؟؟؟؟محد شافها او شي

الله يجزاك خير ويرزقك ويرزق بنات المسلمين اجمعين الزوج الصالح
ويوفق المخطوبات ويسهل زواجهم

تسلمين دانة انا هالسنة وايد عندي تغيرات قمت كل يوم اروح صلاة اتراويح الحمد الله لان المسجد

عند بيتنا بينه و بينا شارع بس و لا بالاول اروح 4 مرات بالشهر بس هالسنة سكنا بيت يديد و للاسف

راح نطلع منه بس الله اعلم متى و هذا غير اني قمت اقرا سورة البقرة مو دايما بس قمت اقراها على ا
لاقل اما السنين الي طافت ما كنت افج المصحف كلش للاسف بس الحين تغير كل شي و الحمد الله

و الحمد الله قمت اسمع اناشيد بعد ما كنت مدمنة اغاني وودعتها من قبل الرمضان بمدة الحمد الله


و دمتم سالمين:shy: