لحقوني قبل لا يروح ويهي!!

عضوة 10-08-2006 10 رد 5,670 مشاهدة
ع
السلام عليكم ورحمة الله و بركاته

اشحالكم يا عضوات

والله مشكلتي عويصة و ان شالله القا لها حل عندكم

المشكلة الله يسلمكم بدت يوم سويت ليزر ضوئي حق ويهي

اول شي طبعا ازالة بالخيط ما اقدر لانه بشرتي حساسة بزيادة و تطلع لي حبوب

و تشقير بعد نفس الشي يطلع لي حبوب

المهم سويت ليزر حق ويهي و من يومها ويهي كله حبوب

ويهي صاير مأساة بعد ماكان ناعم و صافي

و الله مفتشلة الكل يسالني شو مسوية ببشرتج يا ليدي حرام عليج :sad:

والله قلبي يعورني على ويهي..ساعدوني الله يخليكم

صح الشعر يالس يخف بس شو الفايدة ويهي كله محبب

الحينة ابا اخذ بعد موعد حق الجلسة اللي بعدها بس خايفة ويهي يحبب

قولوا لي شاسوي والله بكون ممنونة للي تلقا لي الحل
ر
انا استخدم دواء اسمه


stiemycin

هذا مثل مطر يشيل الحبوب بتلقينه في الصيدليه
م
روحي لنفس الدكتورة الي عملتلك الليزر أكيد حتساعدك
جربي تحطي في وجهك العسل + اللبن الزبادي +ماء الورد
وخيار مطحون + ماء ورد
وغسلي وجهك دايما بماء زمزم أنا قبل عدة شهور حصل لوجهي كده بس لا شلت ولا شي من حالة كده جربت الخلطات الي قلتلك عليها وأختفت الحمد لله
ع
اختي ريم الدمني؟؟؟

شو هذا الدواء؟؟؟

و شو اللي يسويه حق البشرة؟؟

انا دايما بشرتي تتهيج بعد الليزر

ان شالله بسأل الدكتورة عنه
ع
أختي منيتي الباقية

الدكتورة عطتني كريم رتن ايه..و كريم ثاني لونه بني

الحمدالله خفف شوي من الحبوب

بس المشكلة الاثر بعده موجود في ويهي

و كل ما ابغا اسوي جلسة ثانية بشرتي تتهيج:sad:

و يوم سالت الدكتورة قالت لي الليزر يطلع حبوب

بس السؤال الحينة هل بستمر اسوي ليزر طول عمري

و بشرتي ما بترجع مثل قبل

والله متضايقة على بشرتي الحلوة اللي راحت :confused:
د
:gum: لازم تتاكدين من الدكتوره ...والا خير شر تغيرينها ...
ع
خيتي دهن الورد..

انا غيرت الدكتورة

و اخر مرة رحت عند دكتورة اماراتية معروفة اسمها سوسن الملا

و دايما يسوون معاها مقابلات في التلفزيون

بس ما ادري ربيعتي قالت لي شافت برنامج عن الليزر و قالو للبشرة الحساسة لازم استخدام الليزر اللي يبرد

بس اللي يبرد ما اعرف يقولون مو زين

مب عارفة والله

ما ادري حد فيكم يعرف دكتورة زينة صوب جميرا؟؟؟
س
استخدمي المرمم من منتجات زين الأتات

قل ماتتفاقم المشكلة

صدقيني اذا توه جديد الحب

3 ايام بالقليل وصدقيني بروح
ع
خيتي سفينة الاحلام

انا من اهل دبي

وين احصل هذا المرمم؟؟؟

يزاج الله خير
ف
حبيبتي المفروض يعطونج عقب الليزر مرهم عشان ما تطلع لج حبوب واذا طلعت وحده او ثنتين بالكثير....انا عقب الليزر استخدم ((الفاكورت)) لمدة 3 ايام مرتين في اليوم ولازم استخدم واقي الشمس....
ع
خيتي فراولة قطر

وين جان زين حبة ولا حبتين

ويهي متشوه من الحبوب

شو هذا ((الفاكورت))

و من وين اقدر احصله...الله يخليج...قولي لي من وين

حلفتكم بالله تساعدوني
X