حلم تتكرر معناه 3 مرات؟؟؟

بسم الله الرحمن الرحيم
ارجوا منك أن تفسري لي هاذي الأحلام لأني حلمت بها ورى بعض (بين الحلم 1 و2 يوم واحد ، وبعدها بسبوعين الحلم الثالث)، وانا عندي موضوع خطبة ،ودايم ادعي أن الله يوريني رؤيا تساعدني في اتخاذ القرار......الأحلام حديثة وليست قديمة.

الحلم الأول: كنت في مدرسة ودخلت غرفة المدرسات وكنت لابسة حذاء أسود (في الحقيقة عندي زيه)وجلست على المكتب الخاص بي وفسخت الحذاء ووضعتها تحت المكتب ، ولما انتهى الدوام وبغيت اطلع دورت الحذاء ما حصلتها، وسرت أمشي حافية في الغرفة واسأل المدرسات أحد شاف حذائي ،كلهم قالوا لا ما شفناها، ونزلت من الغرفة عشان ادور عليها ، وصلت عن درج المدرسة وكانت طوابير البنات يطلعون على الدرج ، وكان تحت الدرج احذية كثييييييير سوداء تشبه الحذاء الي كنت لابستها وكان في بنات بعد جالسين تحت الدرج ، ودورت الحذاء وما حصلتها مع الاحذية الموجودة تحت الدرج....انتهى الحلم.

الحلم الثاني : نفس الشي في مدرسة بس كنت داخلة من باب المدرسة وفسخت الحذاء(غير الحذاء الأولى عالية جدا وعندي زيها في الحقيقة) عند باب المدرسة ، ولما بغيت اطلع من المدرسة دورت الحذاء ما حصلتها وسرت أسأل الناس أحد شاف حذائي؟قالوا لي تستاهلين ما أحد قالك تفسخينها عند الباب....انتهى الحلم.

الحلم الثالث: في مدرسة،كان فيه كراسي مصفوفة ورا بعض(حوالي 3 صفوف) وناس جالسين ، كأن فيه مشهد أو مسرحية يتابعونها... جلست أنا في الكرسي الأخير على الطرف ، كان فيه واحد واقف لابس بنطلون جنز وبلوزة ،ما شفت وجهه، أنا وسعت لها عشان يجلس (الكرسي كان لشخص واحد) ، جلس بعدين حطيت أيدي على رجلة ،بعدين هو حط أيده على رجلي،بعدين كأن في أيدي جريدة سرت اتصفحها وانا متقرفة جداً منها،بعدين انتهى العرض ، وكل الجالسين وقفوا شوي ورى ، عشان المكان يترتب، ولما جينا بنجلس ،الى وحدة لابسة تنورة قصيرة وبلوزة قصيرة لونها أحمر ، وتمشي بمصاخة،وجت من بينا وجلست على الكرسي الي جنب الكرسي الي كنا جالسين عليه ، قلت أنا: خلاص ماله داعي نجلس أصلاً أحنا شفنا المشهد خلاص.(الى هنا الصور(مشاهد الحلم) ما كانت واضحة تماماً).
بعدين لما طلعنا (هاذي المرة كنت أنا ومعاي بنت بس ما أتذكر شكلها)، كان في وحده تدور على حذاء ضايعة قربت انا منها وقلتلها خذي حذائي(كانت شحاطة(زنوبه) لونها اسود وفيها خيطين لونها بني)وفسختها من رجلي ، لما شافتها استغربت وقالت هاذي اصلاً حذاء (هيا؟؟؟) الي كنت ادور عليها وطاحت من ايدها حذاء نفسها تماماً بس مقطعة (الي فهمته ان هاذي الحذاء حقتها هي)،،،، بس لما قالت هاذي حذاء هيا ، انا في داخلي ما استغرب من كلامها ، وسويت نفسي اني كريمة وبديتها على نفسي مع أني ادري ان الحذاء مو لي (وتضايق جدا من أفكاري).
بعدين راحت وانا رحت من الجهه الثانية بس هالمرة كنت راكبة على كرسي له عجلات وأمشي فيه بسرررعة وانا احركة برجولي، شوي الى اشوف داخل غرفة زميلات لي (بعضهم من ايام الثانوي وبعضهم مدرسا معي اللحين) قاعد يحلون مسائل رياضيات ودخلت وقلتهلم :ايه حلوا زين بغثكم بالاتصالات عشان اخذ منكم الحلول ،قالوا : طيب خلاص خلاص اسكت خليها تعرف تحل لنا المسألة ، وكان فيهم وحدة تفكر في حل مسألة صعبه عليهم. عاد انا قلت في نفسي خليني اروح أدور لي حذاء احسن ما ينادي أبوي اللحين على البيت وأنا مالقيت لي حذاء.وطلعت من الغرفة على نفس الكرسي الي بعجلات الي أحركة برجولي ،الى اشوف زي المعرض (أحذيه واكسسوارات)بس توهم قاعد يرتبونه ويفكون الاكياس عن البضائع ، قربت وشفت شحاطه حلوه مره ولما مسكتها قلت في نفسي هاذي زي الي كانت لابستها وحدة لما كنا نتابع المشهد أو المسرحية بس مو مشكلة ، ولما مسكتها لقيتها كبيرة ، ورجعتها مكانها.بعدين قربت من حذاء ثانية ولما مسكتها طلعت مو حذاء طلعت بلوزة... بعدين سرت اتلفت ادور على حذاء شفت أحذيه ناعمة بيضاء ووردية وفيه واحد طويل واقف عندها قاعد يطالع حذاء في ايديه بس وجهه مو واضح.......انتهى الحلم
بعدين صحيت من النوم ، وانا أقول وبعدين من أحلام الأحذية هاذي..
ملاحظات: انا فتاة عمري 27 سنه ، معلمة ، وفي هاذي المرحلة تقدم لي شاب نفس عمري ، ليس لديه وظيفة بس يقول انه يبحث عن عمل ، اول ما تقدم لي تحمس الوالد له كثيرة وكان ممكن تسير الملكة أو حتى الزواج على طول ، هم رحبوا بالملكة ، بس انا لما عرفت قلت للوالد : غير موافقه على ان الملكة تسير كذا بسرعة ممكن خطوبة وبعدين الملكة أذا صار نصيب ، لأن الزواج ما راح يكون الى بعد سنه فالفكرة أن الفترة بين الملكة والزواج ما تكون طويلة .... المهم في النهاية اقتنع الوالد ، ولما عرفوا انا تراجعنا شوي قالوا ليه ، لا يكون غاصبين البنت ، لكن الوالدة تعذرت بأن الملكة علينا ولازم نستعد لها ويبيلنا وقت،، أقتنعوا ، وكذا مرة يتصلون يقولون نبي نجيب عشانا ونتعشى عندكم أو تجون عندنا ، الوالد يقول لهم ان شاء الله بس خلوها لأخر الأجازة أحسن....
ملاحظة: هاذي أول مرة يسير موضوع زي كذا بشكل رسمي ، قبل كان كلام من بعيد ، ومرة جاء واحد وشافني وشفته بس ما صار نصيب.
_______________________________________________________