تكفوون ابي حل للهالات السوداء

ريميـــة 09-08-2006 16 رد 7,102 مشاهدة
ر
صباح الخير


ياليت اللي تعرف طريقة لحل مشكلتي

تنورني

لأني عن جد اعاني من الهالات السوداء

الكل يقوول لي انتي مريضة

والله لدرجة إن دكتورتي تقووول إنتي موبطبيعية

إنتي مدمنه على شي

ربي يوفقكم ابي حل

مو تقوولون الخيار وقشور البطاط

ابي كريم

كل شي استخدمته

عن جد متفشله من وجهي

وجهي ابيض وعيوني الله لا يوريكم شدوا

موب هالات:cry: :cry: :cry:
أ
اختي ريميه
انا نفس مشكلتك وجربت كم كريم ولانفع معي ابـــــد


الحين ماله داعي الفسلسفه نامي بدري واشربي ماي وكذا لانه عارفينا صح :gum:
نبي كريم سهل الاستخدام ومفيد :ok:

عموماً اختي انا سمعت عن خلطة الدكتور جابر القحطاني
الي هي فازلين مع كركم بس ودي اعرف الكميه وطريقة الاستعمال :sad:
يقولون في اسبوعين تشوفين النتائج مره رهيبه للهالات السوداء

وفيه وحده مدحت كريم من ماركة VICHY تلقينها في الصيدليه
وتظهر النتجيه بعد شهر وبعد 3 شهور تصير تمام
بس انا لسى ماجربته

وان شاء الله تنحل مشكلتي ومشكلتك
لانه انا حتى الكونسيلر ماعاد يفيد معي :qaq:
ج
لا تبجين الحل عندي أكيد والله مجرب استخدمي ماي البابونج حطي على
عينج مدة 20 دقيقة او الوقت الي تبين بس استمري عليه يوميا انشاءالله
تروح الهالات عنج آمين انا متأكدة انج راح تدعيلي
عاد لاتبخلين بالدعاء الجييييييييييين
H
في كريم استخدمته من زمان بس مب قادرة احصله الحين
ما بتصدقين اذا قلت لج ان النتيجة ظهرت من ثالث يوم !!!!!!! رووووووووعة
هو كريم من لوريال L'oreal hydrafresh eye cream-gel
تعبت وانا ادوره .. ابد ....
حتى صور ع النت ما حصلت الا هالصورة ومب واضحة بعد

اعتقد منزلين نوع يديد بس مكتوب انه للرجال.. بصراحة ما جربته بس شفته في النت وانا ادور صورة هالكريم.

الحين استخدم من نيوترجينا... كريم Healthy Skin - For Eye
في نتيجة زينه بس يبي له وقت.. بس خفف شوي.. هو اساسا للتجاعيد الخفيفة ، ما احسه نفس الكريم الاول... بس احسن من ولا شي...



ان شاء الله افدتج...
وبالتوفيق
غ
من وين نحصلهم هاي المنتجات
ا
وانا بعد اعاني من هالمشكلة


الله يعين
H
تحصلونهم في الصيدليات والمحلات الكبيرة
ع
هيه و الله أنا بعد عندي نفس هالمشكلة
د
مره كنت شاريه كياج من لانكوم

وعطوني تستر للهلات السوداء (كريم يفتح)


والله من اول يوم حسيت بفرق

والحين ناويه اروح اشتريه
A
والله انا بعد اعاني من هالسالفه .. >--<

وقمت استعمل زيت اللوز .. مادري الحلو وإلا المر.. :s

خذته من المطحنه ..

وعصير الخيار طبعا .. وان شاء الله يفيد ..

نبا حل سهل .. ساعدوناااااااااا
ا
انا استخدمت زيت اللوز الحلو ومافادني صراااااحه 0
ر
الله يعطيكم العافية بنات

بصراحة احرجتوني بطيبكم

ماتوقعت القى كل هالمشاركات

والأفادات

عسى ربي يرزقكم الجنة قولوا آمين

امووووووووووووووووووااااااااااااااه فديتكم
P
روحي عند دكتور جلديه افضل راح تستفيدي كتير

انا عندي كريمات استخدمها بس من وصفات الدكتور اخاف ماتناسبك
P
واذا تحبي احط الصور عادي مافيه مشكله
i
هلا فديتج

شوفي يا الغالية أنا عندي هالات سودا من يوم وانا صغيرة في الابتدائي اتصدقين ؟؟!!

انا بعد جربت الخيار ولاعت جبدي منه ومن ريحته تعقدت منه

وما كنت اصدق الكريمات

بس بعدين بصراحة زادت المشكلة عندي

انصج تروحين طبيب بالبداية وبعين تروحين تشوفين الدوا او الكريم المناسب لج

بس بقولج الكريم اللي استخدمه ونصحتني به صاحبة الصيدلية :

DIOPTICERNE
Anti-Cernes
soin creme traitant

هذا من شركة : LIERAC وهي فرنسية

سعره تقريبا ب 100 درهم او اقل بشوية

وتقدرين ادورين عنه معلومات وصورته بالنت

يباله شهر الين تطلع النتائج

وانا استخدم من 10 ايام او اكثر بشوية

احس ان الهالات صارت افتح ولو بشوي ولكن فيه شي قاعد يصير

لازم تستعملينه مرتين باليوم بالليل وبالنهار ولازم كل يوم لا تنسين يوم بعد


الله يشفيج عزيزتي ويشفيني

وان شاء الله لا كملت شهر اقولج شو صار فيني
ا
انا بعد عجزت واحسها تقلل من جمال وجاذبيه العين بدور حق لوريال وبشوف الباقي لو ملقيته
الله يعين الجميع
أ
مرحبا غاليتي ..
الهالات السوداء حول العينين بالفعل مشكلة جمالية ولها أسباب كثيرة
اذن عليك تجنب السهر والاكثار من شرب الماء وتناول الفواكه والخضروات بكثرة
وايضا قومي بدهن الهالات قبل النوم بزيت اللوز الحلو .. او استخدام كريم مكس للهالات
وعصير البطاطس هو أفضل علاج للهالات والتجاعيد شرط الاستمرار على الوصفة

لك شكري وتقديري
ام عدول
X