اريد شراء مكياج جديد....ارجوا المساعده؟؟؟

انا انصحج بمكياج ماك:ok: مافي احسن منة من البودرة إلى الكحل بس ما امدح مسكرتهم مش حلوة (n) عليج بلوريال الفصية القديمة او السودة اللي تكثف وتول مش اللي فيها من الجهتين لا القديمة واذا كانت بشرتج جافة عندج اساس كانيبو واذا دهنية ماك والاساس بن ناي

مرحبا


حبيبتي الاشياء الاساسية في المكياج .. الكونسيلر وكريم الاساس والبودرة المضغوطة

هذي اساسيات المكياج

اما الباقي عندج ... الكحل والاي شدو والقلوس gloss والماسكرا والبيس والبلاشر و ......... اشياء وايد بس هذا الا في ذاكرتي الحين

تقدرين تاخذين البودرة المضغوطة من ماكس فكتور

والكحل اخذيه من ماك حلو وغامج

والكريم الاساس من فور ايفر

والبيس والكونسيلر والبلاشر من فور ايفر حتى الاي شدو


طبعا عنوني كل بنت تختلف عن الثانية اني احب اشياء فور ايفر غيري لا مايحب

يعني لازم تروحين بنفسج تجربين عندهم الا تبينه مثلا روحي ماك وفور ايفر ومكياجي وجيرلان وبيكسي ووجربي اي شي تبينه على نفسج احسن من اي وحده بالمنتدى عشان تعرفين شنو يناسبج
اني اخذ كريم اساس من فور ايفر لان بشرتي جافه واحس كريم فور ايفر دهني وتغطيتة حلوة يناسبني وايد

واتمنى اكون افدتج

وتعالي موضوعنا سوالف مكياجية اخذي خبرات البنات كل وحده تعرض تجربتها من مشترياتها يعني راح تستفيدين حبوبه

وعليكم السلام ,

أختي أنصحج تاخذين من كل ماركة الأفضل عندهم , وترى كثير من الماركات منتجاتهم مو بنفس الجودة ,

ولذلك أخذي الأحلى والأفضل من كل ماركة , وراح أساعدج بشكل سريع وراح أذكر لج الأفضل من كل ماركة

حسب وجهة نظري ,

عندج جيرلان ,,

الأساس ( ديفينورا ) + بودرة الأساس ( ديفينورا الذهبية ) + الشادوو + الأرواج + الجلوسات

كانيبو

كريم الأساس بودرة الأساس + اللوس باودر + كريمات العناية بالبشرة روعة عندهم + المنظفات من غسول وتونيك

سيسلي

منتجات العناية بالبشرة عندهم حيل روعة , هي غالية بس تستاهل لأن مكوناتها بالأعشاب الطبيعية + جربت من عندهم الشادوو والأساس حيل حلوين ,, البلاشرات والكونسيلر بصراحة هالماركة كل فيها حلوووو ,,,

لابريري ,

الأساس + بودرة الأساس + الكونسيلر وعندهم كذا نوع كونسيلر ,, والحلووو في كونسيلراتهم

إنها علاجية ,, فيها فيتامينات للتغطية وبنفس الوقت العلاج ,,

ديور ,,

الأرواج + الجلوسات + الماسكرا

ماك ,,

كل شي في ماك حلوووو عدا الأساس والبودرة ما عجبوني ,,

ميك أب فور إيفر

الشادووو + الفرش + التحديد + بودرة الأساس مو العادية لااا اللي اسمها كومباكت فاونديشن ,

هذه حيل ينصح فيها بسام فتوح ,, + الأرواج + الأساس يمدحه بسام فتوح + الجليترات دايموند باودر +

كريم الإضاءة + بودرة الإضاءة ,, المثبت , يعني هالماركة عندهم شغلا حيل حلوووة ,,

شانيل ,

الجلوسات ,

كلارنس

منتجات العناية بالبشرة حيل حلوة وخصوصاً التونيك والحليب المنظف ,

بلاشراتهم حلوة + الكومباكت فاونديشن حيل حلووو ,,

استي لودر

كريم أساسهم دبل وير + مكسيمم كوفر حلوين للتغطية البيرفكت ,

كلينك ,

أساساتهم حلوة وخفيفة للطلعات العادية , أرواجهم حلوة وخصوصاً اللونغ لاستننغ والجلوسات التيوب عندهم حلوة ,

منتجات العناية بالبشرة عندهم حلوة ويكفي إنها طبية وضد الحساسية ,

اممممممممم شنو بعد ,

عندهم الماركات الرخيصة مثل ريميل ,, مايبلين ,, ماكس فاكتور ,, ريفلون ,, لوريال ,, بورجواه ,, نوبا

إخذي منهم الأرواج والجلوسات والتحديد وماسكرا ماكس فاكتور ولوريال وبورجواه الجديدة حلوة للإستخدام اليومي

أتمنى أفدتج ,

ترى هذه غجابة سريعة وأي إستفسار لا تترددين :) ,,

ماشاءالله عليج ياااا مجـــــودة دايم ماتقصرين

شوفي الغاليه كل ماركه لها شئ يميزها
شوفي انتي شو محتاجه بالضبط

بيس للمكياج
smash box
make up for ever

فاونديشن
هذا يعتمد على ذوقج وشو نوعية التغطيه اللي تبينها
تغطيه خفيفه bourjois و estee lauder
بين تغطيه عاديه عندج mac و make up for ever
تغطيه قويه عندج krayolan

كونيسلر
make up for ever

اي شادوز
اي ماركه بس احسن شئ بتلقين عند
mac و make up for ever

مسكرا
lancome

حمره او ليب جلوس
اي ماركه

بلش مال خدود
mac
nars

ايلاينر
lancome
mac - fluidline

فلم كحل
mac

فرش
mac
the body shop
مكياجي

واي اسئله تراني في الخدمه

ماشالله البنات ماقصروا الله يعطيهم العافيه ان شالله 0

ماشالله البنات ماقصروا الله يعطيهم العافيه ان شالله 0

هلا حبوبة

عااااااااااااااااااااااااد شراء مكياج انا جاهزةةةةةةةةةة باني والله قرات كل وحده وردها احس نفسي ما اقدر اقول زيادة في كلامهم ما شاء الله من مجد لكاندي كوتن ما شاء الله عليهم
بس بخبرج عني انا وكيف طريقيتي بالشراء

اخذ الاساسيات :

كريم الاساس الخفيف والثقيل من كلينك حاليا عندي الخفيف واخر مرة رحت لهم عندهم كريم حلو ووسط بين الثقيل والخفيف ويمكن تستخدميه هذا بالليل والسهرات اذا تحبي ثقل متوسط
اما الخفيف فاستخدميه بالنهار وممكن بالليل وانا اتلاعب بكمية الكريم الي احطه

لا تنسي بعد قبل هذا كريم مرطب تستخدميه ويناسب بشرتج والبيس لانه ضروري تحميها

البيس من غيرلاين الويتنج بوردجت الجديد حلووووووووووووووووووووو

البودرة كلينك وديور

الجلوسات عندك لانكوم كلينك وديور وغيرلاين رمايل الوانهم حلوة وطبيعيه خذي من عندهم
الكونسيلر شانيل حلوووووووووووووو

البلاشر استخدم من كلينك الخوخي ومن نوكس الي لايف ستايل المرون الغامق وفي البرتقالي عندي بعد

الاي شيدوهات اشتري من ماركات محدده واذا عجبني لون اخذه

شوفي انا اتبع قاعدة ويمكن في بنات كثار بعد ::
البودرة وكريم الاساس والمرطب والكحل والماسكرا والكونسيلر والبيس اساسي حاولي دايما ترتاحي لماركة معينة استمري عليها لان مو كل البشرات زي بعضها يعني البودرة من ماركة والماسكرا من ماركة بس مرتاحة افضل لانك صعب تتاقلمي على وحد واحس بنات يتضايقوا على طوا انا اشتريت كريمات اساس وما استخدمها وارجع للاصلي الي هو كلينك :shy:

الاي شيدوهات خذيها بالتدريج حتى لو تعملي دايما زيارة لمحلات المكياج جربي خذي او انك اكتبي الرقم لانه احيانا ما تحتاجيها مرة وحده وخاصة اذا ما تستخدمي كثير منها واحلى شي لما تحسي انه عندك الوان في ملابسك كثيرة وتبي تشتري على اساسها الاي شيدوهات وانا اسوي كذا اذا حسيت عندي لون وما عندي عليه اي شيدو اشتري

اتمنى لو فدتج لو القليل

بايوو

ماشاء الله على الجميع ما قصر الله يعطيكم العافيه ....

اختي مجد ممكن بس حبيت اسأل..

البيس متى نضعه وايش هذا وايش فايدته ؟؟؟؟

فاونديشن متي استخدمه وليش ؟؟؟؟

ايضا حبيت اسال عن الشدو من ماك هل استخدم معاه ماي او لا؟؟
وبيش افضل الشدو المائي ومن اي ماركه اوالشدو بدون ماي؟؟؟

ايضا ماركه كانيبو وجيرلان وين ممكن القاهم في السعوديه(الشرقيه)

ومشكوره اختى على المعلومات القيمه والله يعطيش العافيه...

تحياتي...

[

الاساس اانا اللي استعمله ماركته سويسريه رووعة - كريم الاضاءة من ريفلون بيج ما انصحج بالوردي- البودرة السايبه من ميك اب فور ايفر - الكحل القلم الاسود من ريفلون - الكحل السائل من لانكوم لا يعلى عليه-المسكرا من لوريال الجديده-الشدوات من شارمل وااسفه اختي طولت عليج

انا برد عليش لان انا امكيج صديقاتي واخواتي وخالاتي وعروس وحده في يوم الحنه اولا الاشياء الاستسيه في الكياج هي مثبت الكياج والكريم الاساس والبودرة اوكي جربي واشتري المكياج من محل اسمه مكياجي مكياجهم اصلي ولا تشتري من محلا عاديه و شكراااااااا:salam: :ok: :shy: :handup: :pain: :up: :yes: