اليوم صادتني هالبلوة ..... ساعدوني

السلام عليكم ....
انا متزوجة واحب زوجي وزوجي من النوع اللي يغار وايد، ومن اسبوع تقريبا فية واحد لحقني الي شغلي، ووقف يم سيارتي وانا حته والله ولا التفت عليه مع انه كان يتكلم وما ادري شيقول .. طنشته كأنه طوفة.

واليوم يه بعد من الصبح وسوه نفس الحركة وكنت امشي بريلي بعد ما بركنت سيارتي وهو يمشي بالسيارة ... وبعد يتكلم ويقول خذي الرقم وانا مطنشته وكأني ما اشوفة لين دخلت شغلي ... وقال بحط لك الرقم في على السيارة... وقلبي قعد يدق وايد من الخوف .. خفت احد يشوفني ,,, صج شخص سخيف..

خواتي اخاف يتعلم كل يوم يرز ويهه عند شغلي، و اخاف اقول حق زوجي ويسويها لي سالفة ويمكن يكفخ الريال ويكسرة ... ما ادري شاسوي ... شنو بتسوون لو انتو مكاني ...:sad:
ساعدوني لأني انا الحين في الشغل وافكر في هالبلوة... ساعدوني الله يجزيكم خير ...