بنات انا محتاجه لرايكم واللي تقدر تفيدني يزاها الله كل خير:sad:
قبل كنت اسمع ان حف الويه بالحلاوه يرهل الويه ولا مره حاولت اجربها لان خفت حتى بقطعه صغيره ماكنت اسويها المهم اني رحت صيدلي وطلبت مشقر فيداوت قالي ان فيداوت عالمدى البعيد ممكن مايكون وايد زين لان في مكونات ماوضح قصده ونصحني بمشقر كنت وجربته وفعلا كاااان حلو وايد وطبيعي احلا من فيدوات المهم انا ماحب الصالون ولا اعرف اشيل بالخيط غير الالم الفظيع ما اتحمله المهم كنت اشقر كل شهر حواجبي وويهي :shy: ويطلع وايد حلو ومشرق
بس قبل جم يوم قعدت اطالع بويهي والا صدمه بنات انا من النوع اللي ويهي مايطلع فيه شعر وايد الحمدلله بس جنيت على نفسي بنفسي والحين اشوف الشعر الصغير الخفيف صار اطول وهالشي واضح لما شفته ضاق خلقي على روحي :sad: :sad: :sad: :sad: تكدرت لاقصى درجه
لدرجة ان اليوم شلته بقطعة صغيره جدا بالحلاوه :angry: ادري غلط بس شسوي ماعرف طريقه ثانيه انتوا شنو تشيلون ويهكم فيه ؟
علموني بآله ؟ وشنو نوع الاله عفيه ابي آله خاصه للويه بليز لاتستكثرون علي هالطلب ابي اسم آلة لازالة الشعر عشان افتك ولايزيد الشعر من المواد اللي بالمشقرات !!
علموني طرقكم اشلون تحصلون ويه وجسم صافي بدون زيادة شعر خصوصا الصدر والبطن والظهر
:angry: طلعت روحي وانا افكر الاله تعور ولا اقدر اوصل لكل الظهر والبطن والشيره ترهل وتزيد الشعر ما يندرى ! والمشقر يخلي لون الشعر اغمج من قبل لا وبعد يطوله احنا ناقصين :confused:
تكفون لاتنسوني بردودكم الحلوه اللي تبرد القلب :shy:
وشكرااا وايد (f)
احتاااااج لرايكم ضروري
ع
06-08-2006 | 06:10 AM
ا
06-08-2006 | 06:36 AM
حبيبتي ديري بالج من التشقير والله ما لعب بوجهي وبحواجبي غير التشقير
المهم اذا تبين شي يشيل شعر الوجه استعملي مقص ابو فتله حلو واستعاله سهل نفس الحف بالخيط اللي يسوونه بالصالونات بس اخف عوار واخذي الاصلي ولونه ذهبي نفس شكل المقص واطرافه فيه خيط تشيل الشعر بكل سهوله بس ديري بالج لما تشيلين شعر الجبهه لا تنتفين رموشج لان اول مره ما كنت اعرف شلت رموشي بس اللله ستر وانتي بايدج تتحكمين اما عن الجسم سوي شيره او جيبي اي وحده تحفلج وانتي بالبيت احسن من روحتج للصوالين وتركي عنج التشقير
المهم اذا تبين شي يشيل شعر الوجه استعملي مقص ابو فتله حلو واستعاله سهل نفس الحف بالخيط اللي يسوونه بالصالونات بس اخف عوار واخذي الاصلي ولونه ذهبي نفس شكل المقص واطرافه فيه خيط تشيل الشعر بكل سهوله بس ديري بالج لما تشيلين شعر الجبهه لا تنتفين رموشج لان اول مره ما كنت اعرف شلت رموشي بس اللله ستر وانتي بايدج تتحكمين اما عن الجسم سوي شيره او جيبي اي وحده تحفلج وانتي بالبيت احسن من روحتج للصوالين وتركي عنج التشقير
ع
06-08-2006 | 06:43 AM
البنت الفقيره:
حبيبتي ديري بالج من التشقير والله ما لعب بوجهي وبحواجبي غير التشقير
المهم اذا تبين شي يشيل شعر الوجه استعملي مقص ابو فتله حلو واستعاله سهل نفس الحف بالخيط اللي يسوونه بالصالونات بس اخف عوار واخذي الاصلي ولونه ذهبي نفس شكل المقص واطرافه فيه خيط تشيل الشعر بكل سهوله بس ديري بالج لما تشيلين شعر الجبهه لا تنتفين رموشج لان اول مره ما كنت اعرف شلت رموشي بس اللله ستر وانتي بايدج تتحكمين اما عن الجسم سوي شيره او جيبي اي وحده تحفلج وانتي بالبيت احسن من روحتج للصوالين وتركي عنج التشقير
ماعرف استخدم مقص ابو فتله :qaq: ولا مره جربته بس يمكن اجربه من وين اشتريه الاصلي ؟؟؟
بس الشيره ماتنفع للبطن والظهر اخاف يزيد لان الشعيرات مو وايده :sad: مابيها بجسمي لكن مابي تكثر علي
واغلب البنات يشقرون عرفتي ! يعني يشقرون بعدين يحفون شيره
صراحه ما اعتقد بخلي حفافه تشيلي بطني وظهري انا وايد استحي اتكشف :shy: مشكله
بس الحمدلله بالجبهه ماكو شعر عشان ما اشيل رموشي :dd:
اشكرج حبيبتي ماقصرتي :up: :smile: مايمنع نشوف باجي النصائح من البنات :bigsmile:
ع
06-08-2006 | 06:47 AM
تعالي قولي لي شالفة حواجبج ؟ ليش لعب فيها التشقير خوفتيني !
انا صار لي مده اشقر ماتغير شي الا ان شعر حاجبي لونه صار اغمج :(
انا صار لي مده اشقر ماتغير شي الا ان شعر حاجبي لونه صار اغمج :(
ا
06-08-2006 | 07:05 AM
أنا عن نفسي أشيل ويهي بشمع وبعد الشمع أنظف الويه بالخيط وهذي أحسن فكره لأني جربت الشيره على ويهي وصار عندي صوب الحنج أسمر عشان جذي مشيت على المثل اللي يقول خلك على مينونك لا ييك اللي أين منه ومازلت أستعمل الشمع والخيط أما جسمي أستعمل الشيره وما عليج من هالكلام يجعد عيل شلون أمهات استعملوا كل هالسنين وما صار جلدهم مجعد شحلوهم والمكينه اذا استعملتيها للجسم حلوه بس أذيه الشعر يطلع تحت الجلد ومافي أنظف من الشيره
S
06-08-2006 | 07:23 AM
الله يعينكم بنـات
الحمدلله انا سويت ليزر
وشلت كل الشعـر بس السعر غالي
اتمنـى البنـات يفيدونكم :)
الحمدلله انا سويت ليزر
وشلت كل الشعـر بس السعر غالي
اتمنـى البنـات يفيدونكم :)
ع
06-08-2006 | 08:18 AM
مشكورين
بس اشلون طريقة الشمع ومن وين اشتريه :(
بس اشلون طريقة الشمع ومن وين اشتريه :(
ا
06-08-2006 | 08:32 AM
المقص تلاقينه عند محلات الي تبيع المكياج وادوات التجميل عند الهنادوه واذا تبين احددلج تعرفين سوق اسمه سوق فجر بالاندلس تلاقين فوق هنديه تبيع المقص
ايه ترا التشقير مع الوقت يكثر الشعر انا كان لي شعر تحت الحاجب بس وفوق كان مرسوم ما فيه شعر وكنت كل مره اسويه عند الصالون تحدده من فوق وتحت بالتشقير لحد ما اكتشفت ان فيه ناس يسبون التشقير ويقولون انه حرام وتركته لما تركته حسيت انه كثر شعري بس خليته شاسوي بعد
ايه ترا التشقير مع الوقت يكثر الشعر انا كان لي شعر تحت الحاجب بس وفوق كان مرسوم ما فيه شعر وكنت كل مره اسويه عند الصالون تحدده من فوق وتحت بالتشقير لحد ما اكتشفت ان فيه ناس يسبون التشقير ويقولون انه حرام وتركته لما تركته حسيت انه كثر شعري بس خليته شاسوي بعد
ا
07-08-2006 | 04:17 PM
عزيزتي عروس الأجيال
الشمع متوفر عندنا في الكويت في المحلات اللي تبيع أدوات التجميل للصالونات مع جهاز الشمع أو تروحين الصالون وتقولين أبي أسوي شمع وبعدين حف بالخيط وإذا انتي مو بالكويت تقدرين تقولين حق اللي يشتغلون في الصالون يشترولج شمع مع جهاز وتحاسبينهم عليه :) اتمنى أكون فدتج
الشمع متوفر عندنا في الكويت في المحلات اللي تبيع أدوات التجميل للصالونات مع جهاز الشمع أو تروحين الصالون وتقولين أبي أسوي شمع وبعدين حف بالخيط وإذا انتي مو بالكويت تقدرين تقولين حق اللي يشتغلون في الصالون يشترولج شمع مع جهاز وتحاسبينهم عليه :) اتمنى أكون فدتج
ب
07-08-2006 | 04:29 PM
الويه تشيلينه بخيط او بشمع بالصالون طبعا مو انتي تسوينه لا تحرقين ويهج
اما جسمج بالحلاوة طبعا
اما جسمج بالحلاوة طبعا