مواقف غريبه وعجيبه بدون سبب

السلام عليكم ورحمه الله
حبيت اطرح عليكم موضوع جديد حد من العرايس حصله قبل كده موقف احتار منه وكان فى غايه الغرابه ممكن يكون من حسد او من حاجه اشتراها وطلعت وشها وحش او حاجه كنتوا بتحبوها اوى وفجأه كرهتوها بدون سبب
انا هبدأ بنفسى
من تقريبا 3 سنين ونص اشترينا عربيه جديده وكانت احلى لون احمر شفته فى حياتى ويوم ما ستلمناها بالليل جوزى جرح ايده وطلع انه قطع الوتر واضطر يعمل عمليه المهم بعدها روحنا اشترينا مكيف جديد والله المكيف كل شويه يفرقع ويطلع منه دخان وغيرناه 3 مرات وكل مره كان المكيف الجديد يطلع دخان ويفرقع ونجيب الصيانه تقول مفيهوش حاجه المهم بعدها بكام يوم الموبايلات مش بتشغل جوزى جاب واحد جديد برضه مشتغلش غيره وبرضه طلع فيه مشكله كل الحكايه دى فى اقل من 20 يوم والعربيه جوزى ركبها 3 ايام وبعدها دخلها الصيانه ولما استلمنا لقا ان المشكله لسه موجوده فراح الصيانه يوديها عمل حادثه فظيعه ودخل تحت ترلا من الكبيرة والعربيه اتطبقت زى علبه الكبريت طلع منها باعجوبه محدش كان مصدق انه عايش وكل اللى جراله مجرد حدوش وطبعا العربيه متصلحتش لانها كانت توتال ليس والحمد لله مجرد انها اتكسرت حياتنا رجعت طبيعيه والموبايلات والمكيفات مشفناش منهم مشكله تانى هتقولولى اقرى قرأن انا علطول فى بيتى قرأن ومفيش مكان فى البيت الا وبنصلى فيه ودايما بسبح بس من الواضح ان العربيه وشها وحش والحمد لله ان ربنا نجانا
يلا انا مستنيه ردودكم يا بنات