بنات مصر محتجاكم اوي يلا عشان تجهزوني

الف مبروك يا قمر واسمحيلي اديك شويه من خبرتي المتواضعه فانا مثلك تزوجت في القاهره من مده مش كبيره وجهزت من هنا ودي خبرتي
اذا حابه تجهزي مضبخك مره واحده وتريحي بالك يبقي مفيش غير التوحيد والنور انا جهزت من هناك كل حاجه وفي محلات برضه في الموسكي ممكن تبصي عليها برضه
والستاير انا جبتها من وكالة البلح والنجف من ضرب البرابره وده في كل اشكال النجف اللي انتي عوزاها اونصحك انك لو عاوزه تشتري ستاير تحفه من الوكاله وبلاش المولات وكمان محلات عباس العقاد غاليه علي الفاضي بالنسبه للانجيري انا جبت كل حاجه من جويا ولاسوم لاتنين احسن من بعض واشكالهم حلوه
بالنسبه للملابس لو انتي محجبه يبقي تروحي علي طول علي السلام شوبنج هتلاقي كل اللي عوزاه وكمان عندهم قسم للبيجامات والقمصان الجيل تحفه واسعاره حلوه قوي
وفي كمان محلات 26 يوليو وشارع شريف وهما جنب بعض هتلاقي فيها اللبس اللي انتي عوزاه واسعار حلوه
كمان احلي جزم وشنط هتلاقيها في روكسي ومصر جديده مفيش احلي من كده وحلات كتير وجنب بعض
بس انصحك كمان تشتري مفرش السرير من المعارض اللي بتتعمل فيكل المحافظات وهنا في ارض المعارض عشان تجبيه من منتجات سوريه جميله قوي وشكلها تحفه بس غاليه شويه بس وق خالص وفي طبعا في المسكي وده اللي هتجيبي منه اطقم الملايات وسفره والفوط وكده ودي محلات برضه كتير وجنب بعض وكلها عندها نفس المنتجا ت اتمني اكون فدت ولو عاوزه حاجه اسالس وانا اجاوبم و ادعيلي ربنا يتمم لي حملي علي خير

ميرسي جدا ليكي يا حبيبتي وانا فعلا ناس قلولي علي وكاله البلح وكمان اخواتي هنا في المنتدي قالولي علي جويا كتير وربنا ان شاء الله يتمملك الحمل ده علي خير يارب ويكرمك بلذريه الصالحه