عائلتي تدمرني نفسيا

:confused: :sad: السلام عليكم ورحمة الله وبركاته

والله يا أخواتي ما أنا عارفة شو اقول لكم بس بدي أحكي لأني تعبت كتير وبدي أفضفض

حتى لو ما بدكم تردو انا بدي أحكي وإلي عندها لو جزء من حل تقلي

مشكلتي مع عائلتي تزداد تفاقم وتكبر وتكبر ليش شو السبب مين انا ولا هما مش عارفة

المهم انا بحكي وأمري لله فوضت أمري لك ياالله

المشكلة إنو إخواني ما بسمعوني ولا بردو علي يعني كأني أكلم الجدار ولا أصنام

انا إنسانة أحب الوحدة أو بمعنى تاني بحب الهدوء والرومانسية والجو الهادئ ما بحب الفوضى ولا الصراخ ولا الإزعاج

نحنا 5 أفراد بالبيت أختي الأكبر مني 24 سنة وانا 23 سنة وأختي الثالثة 19 سنة ولي أخويين واحد 12 سنة والأخير 10 سنين والوالدة الله يخليلنا إياها

بيني وبين أختي الكبيرة دائما حدة في الكلام لأنها ما بتفهمني هية بواد وانا بواد تاني ولأنها الكبيرة بتحب السيطرة وبتحب تكون هية الآمرة الناهية بكل شي ولو شو ما عملت ما بعجبها يعني لازم أكون متل الروبوت شو بدها أعمل من غير نقاش ومش بس انا كل العيلة بشتكو من طرقتها هاي وطبعا لأنا قراب في السن تختلف وجهات النظر وما في ود بينا نهائيا لدرجة إني لو مريت من جانبها بالممر أو في المطبخ أسمعها تتأفف وانا ما بتكلم حتى ما أنصدم فيها وتصير مشكلة من لا شيء وعايشين فترة كبيرة على هادا الحال يمكن 3 سنين إن ما كان أكتر

بيني وبين أختي الوسط كان فيه مودة وكانت تحب تحكي معي وكان نتحدث دائما لكنها من يوم ما دخلت الجامعة كبر مخها وصار ت متلها متل أختي الكبيرة وبطل عاجبها شي فيني وبدها تتا/ر علي وتحسسني إنها أفضل مني لأنها فاتت تخصص أفضل مني وإلها مميزات بالعيلة وبينا صارت فجوة كبيرة أثرت على علاقتنا سوا فلجأت لأختي الكبيرة وصارو متل السمنة على العسل مع إنهم ما كانو هيك أبدا وماكنو يحكو سوا أبدا إلا بخناق وصراخ

إخوتي التنين الصغار هما أولاد وطبعا معاملة الولد مش زي البنت ولأنهم إجو بعد 3 بنات والله يبعد الشر عن أولادكم وإخوانكم كان لي إخوة 3 توفو قبلهم فهما بنظر الوالدة أغلى شي ولو إحنا دوا لعالجهم بتطحنا لأجلهم يعني ممنوع حدا يكلمهم ولا يشتمهم ولا يصرخ عليهم هما مثل البرج العاجي لايمكن الوصول إليه الشي هادا سبب إنهم إتعالو علينا وما بسمعو كلامنا وإحنا قدامهم ولا شي يعني بيني وبين أخي 11 سنة تصدقو إنو يرفع الله يعزكم الجزمة علي والوالدة ساكتة وتحرضو علي وتقلو آه إضربها إنت الرجال إذا من هلأ وهو لسة طفل بتعالى وبتطاول علينا شو بكرة بدو يعمل لمن يصير شب ورجال بحق وحقيقي وللأسف تتبع نفس الأسلوب معهم خواتي لمن بكون بدي منهم شي
يعني كأني بصراحة رجل كرسي بالبيت
لا كلمة مسموعة ولا كأني موجودة
وإن شاركت معهم بشي سواء بنقاش أو حفلة أو أي شي تاني بسكتو ولا كأني موجودة

أنا برجح لأني فترة دراستي بعدت عنهم وكانت فترة مش بسيطة 3 سنسن تقريبا وانا بعيدة عنهم هية إلي خلتهم يبعدو عني بس مش لهاي الدرجة يعني بصراحة صرت أكره شوفتهم ولا مابحب صرت أكلمهم نهائي

والمشكلة التانية بالموضوع إني بتعامل مع أهلي من إعمام وعمات وخالات بطريقة لطيفة وظريفة والكل بحبني هما ما بدهم أتعامل مع إعمامي بالمرة لأنهم بكرهوهم طيب انا شو ذنبي وبطلوب مني إني ما أحكي معهم ولا أتعامل معهم طيب ليش أكيد رح تسألو لمشاكل عائلية قديمة بين الوالد وإعمامي طيب انا بحاول بهالطريقة أرجع الود هل أنا غلطانة بهيك شي وكل ما أكلم حدا منهم مع العلم نحن نسكن بنفس العمارة مع بعض يعني بعملولي مشكلة وبصيرو يسبو علي وعليهم

طيب يعني لا برحمو ولا بخلو رحمة الله تنزل

وزادت المشاكل الآن لأنو الوالدة صارت هية كمان مش طايقاني ليش مش عارفة

هل كل إلي ذكرتو يسبب الإحباط ولا لأ
يسبب النكد والنفسية المعدومة ولا لأ

خواتي أطلت عليكم

لكن والله لأني قرفت ومش عارفة شو أعمل فيهم

ماعاد شي يعجبهم والله لو أقيد أصابعي العشرة شمع ما رح يعجبهم

شو أعمل .؟؟؟؟؟؟؟؟؟؟؟؟؟؟؟

شو أعمل؟؟؟؟؟؟؟؟؟؟؟؟؟؟؟؟؟؟؟؟
شو أعممممممممممممممممممممممممممممممممممممممممل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سادونييييييييييييييييييييييييييييييييييييييي

(w) :confused: :sad: (w) :confused: :sad:

:confused: :sad: :confused: :sad: :confused: :confused: