دليل العبايات

بنات آخر موديل لعبايات الكتف في السعودية هي عباية الطاؤوس بس طبعا حنا في السعودية مانلبسها بالشارع لا نلبسها بالعزايم والعروس والأستراحات اللي مو حابين نكشف فيها يعني نصير مغترات...

وهي طاؤوس على ظهر العباية من الكتوف إلى آخر العباية تطريز خيوط بألوان رااااااااائعة وريش مركب ومطروز..

بصراحة أنا فصلتها في الرياض بــ 500 ريال وطلعت مميزة جدا..

والقماش أنتي تختارية...ومعاه طرحة على كل زاوية طاؤوس صغير.........

مليووووووووووووووووووووووون

ممكن تصورينها مليون وتعرضينها لنا .

briedأختي

ماي تشويس هذ المحل فقط بقطر وهي تبع مصممه قطريه واللي بباقي دول الخليج اسمه فيرست تشويس الاسماء متقاربه
بسوق الأحمد.. هذا سوق قديم عندنا... بس ماحبيت أفصل عندهم
أحس كل الدوحه لابسين من عندها.. أحب أشياء ممميزه..
وتقريبا أسعارهم بين1200-- 1500 وطالع..!
:
أنا أصمم دايم عند المصممه ولاء العلوي بالبحرين.. تصاميمها خيال
ومحد يلبس مثلك هذا أحلى شي..
وأخر عبايه سويتها اللي تجي من ورا فتحه كلها كسرات.. عالطول طلعت استايل
ياليت البنات يقولون لنا ش اخر موديلات العبايه ليست فقط المحلات
وميغسي عالموضوع

مشكوره اختي على هالموضوع

صراحه انا افصل عند سويتي اللي في دبي بو هيل صح غالي بس اشياءه حلوه ..


دهن العود ممكن اطرشيلي رقم جواهر واتقوليلي اسعارها بكم تبدا

مشكورين ولو تعرضون صور بعد احلى وتسلمون

هلا بالجميع

محل ( المتميزة ) في شارع واسط
حلوان - الشارجة

صراحة عباياته وااااااااااايد حلوة
وقصاته غريبة وعجيبة
وشغله حلو ونظيف ومرتب

واسعاره معقولة


انصحكم ازورونه واجربون شغله

مشكورة جمالك على المرور الحلوه

محل حبايب في الغرير موديلاته حلوة
محل حناين
غواني

مرحبا بنات موضوعكم يجنن انا وحده اموت في العبايا و افصل عباياتي عند نوره و ابتسام وام سلطان
والدارج الحين اللولو

صادقة عيون دلع .. العباية للستر .. مو للزينه ..
حلو تكون ساتره وعلى شرع الله بدون زينة تلفت النظر .. الله يعطيكم العافيه

[glow=CC6600]ماشاء عليكم احلي عرايس :clap: ما قصرتوا بس بعد اللي عندها موديلات وافكار يديده تشارك فيها واحسن بعد نحط اخر موضه في السوق:shy: اختي danoyaالشيل الساري شيل خفيفه ناعمه يلا عرايس شدو حيلكم في الدليل (f) [/glow]

انا اصمم عباياتي بروحي

زهم انا صراحه اصمم عباياتى بروحي

ما حب البس عباية اشوفها على كل البنات متداولة

والحمدلله
حتى البنات ودكتورات بالجامعة يسألوني عن التصاميم
يبون يسوون مثلهم وإذا يعرفون انوا انا الي مصممتهم
يقولون لي ليش ما تفتحين محل عبايات
عن جد عباياتش رووعة وناعمة .. بس فيها شغل

واحتمال افكر اسوي لي محل فعلاً

انا بالنسبة لي احسن قماش الكريب الثقيل
والمحل سيدتي

وأنا مثل شيخة أصمم عباياتي بروحي ..

وأصمم عند فطامي المهيري بس غالية تصماميمها

والله يوفق كل وحدة

حبيبتي ممكن رقم ام سلطان وشو اسعارها وهل عندها عبي عملية

لوسمحتوا خواتي انا من قطر

ممكت ترسلون لي ارقام الحريم اللي يفصلون عبايات قصاتهم غريبه ع الخاص

الله يخليكم ابيها ضروري

لو سمحتي اختي دهن العود اذا عندج ارقامهم تطرشينها لي ع الخاص او صور لبعض التصاميم يكون افضل


تسلمين

بنات دبي انا ان شاءالله قريب بييكم وبفصل لي عباية كم تاخذ العباية وقت على ماتخلص لاني بقعد 5 ايام ؟

مراااااااااااااااااحب
انا احب دار الابداع و لوزان بس
لو ممكن تحطون صور عبي جواهر و رقمهاا بلييييييييييييز