ابي رد بصراحه؟؟

مزيونه وصغيرونه 04-08-2006 25 رد 2,537 مشاهدة
م
[grade="808080 4B0082 808080 4B0082"] السلام عليكم ورحمة الله
شلونكم شخباركم؟
اانا عندي سؤال بس ابي الجواب بكل صراحه
....
السؤال هو:
شنو رايك بلعلاقه او بلحب قبل الزواج ؟ اوبعد الزواج؟
اي احسن تتزوجين بعدين تحبين زوجك او تكونين حابته ومتفقين وبعدين تتزوجون؟
يعني بشكل عام علاقة البنت بلولد[/grade]


:ok:
م
شدعوه ما استاهل الرد زين مو بصراحه لووووووووول
ب
الزواج قسمه ونصيب

والواحد ما يدري اذا بيتزوج عن حب او لا


بس عن نفسي اتمنى اتزوج واحد اعرفه من قبل اعرف شخصيته واخلاقه واسلوبه و(احبه)

والحب قبل الزواج مو عيب ولا حرام اذا ما تجاوز حدوده واذا كان هدفه الرئيسي الزواج
وكل بنت تتمنى تتزوج واحد تحبه ويحبها


بس الحب بعد الزواج اهم لانه يقوي العلاقه بين الزوجين ويقلل من خلافاتهم ومشاكلهم


ومشكوووره اختي على سؤالج الشيق
ب
:salam: بصراحه يامزيونه انا اقول الحب بعد الزواج احسن لان تقليدنا وعاداتنا تقول كذا

لكن انا احس البنت لما تحب زواجها قبل الزواج تكون بعد الزواج طايحه من عين الزواج

اكيد تقولين دقه قديمه :shy:

مع تحياتي (f)


وحلو موضوعك:clap:
ب
ليش تطيح من عينه؟؟

اسمحيلي اختي الرجل اللي يفكر جذي مستحيل يكون يحب زوجته اللي حبها قبل الزواج
كان يلعب بس


اللي يحب حب حقيقي نابع من القلب مستحيل يفكر جذي
ا
الحب قبل الزواج أمتع وبعد الزواج أقوى

(رأيي باختصار)



اشكرك اختي
عائدااااااااااااااااااااات
S
انا اتمنى اتزوج من شخص يحبني

وانا اقصد يحب من قلبه مو لعب

والزواج بالنهايه قسمه ونصيب

لكن افضل اتزوج من قبل حب

وشكرا على الصراحه الحلوة

:)
ش
انا مع اختي العائدات ...


في ان الحب قبل الزواج امتع وبعد الزواج اقوى ..


ومو كل علاقه نفس بعضهااا ... هي في الاساس تعتمد على الازواج ...

يعني اذا خلو روح الاحترام بينهم ..ان شا الله يكووون الحب اقوى بعد الزواج ...
s


اهنيج اختي مزيونه وصغيرونه موضوعج حلو للمناقشه

اني بصراحه افضل احب اولا و اعرف الشخص جيدا
بعدين اتزوجه بس لو كان ما في حد في حياتي و تقدملي
شاب كويس و من عائله محترمه و اخلاقه زينه ما ارفض
احاول اتعرف عليه و احبه بوقت الخطوبه ما في شي ومستحيل
فلو اردتي ان تحبي شخصا و كان عندج النيه اكيد راح تحبيه
و مو كل زواج بيبدا بالحب الزواج الناجح هو الي ينتهي بالحب

و لك الف شكر حبيبتي

o
انا عن نفسي
أنصحكم لا تحبون قبل الزواج لأن اللي الله كاتبنه محد يعرفه
لا تغلطون واتحبون قبل الزواج
حلو اتحبون ويكمل هالشي بالزواج لكن الصعب واللي ما حد يقدر يتحمله اتحبون وعقب ما شي نصيب راح تتعبون نفسيا

وانا اتحدى وحده حبت قبل الزواج واحد وما صار نصيب انها تتقبل زوجها في بداية الأيام

لان كله راح اتقارن بين حبيبها وزوجها

وشكرا
و
اناصراحه مايده ابدا

لان اعرف قصص كثيره حبو قبل الزواج بعد الزواج تحول الحب الى كراهيه
ن
يعني برايي انه الرجل لازم يخطب الوحده باقتناعه هو

مب ضغط من اهله يروح يخطب بنات الناس حتى لو هو ماراتاح للبنت

بس عادي بالنسبه لي حب قبل وبعد

مادام النيه صافيه والاقتناع بالشريك الاخر والخوف من الله والرغبه بالحلال بعيدا عن الحراااام والالتزام بالمسؤوليه

والله يوفق الجميع
r
انا اقوول الحب بعد الزاج احسن بس ماراح اتفق مع الاخوات الي قالوا بسبب العادات و التقاليد

بغض النظر عن هل شي .... انا اقووول المشاعر يصيدها برووود اذا الواحد مر بعلاقه و عقب تزوج يعني يصير التركيز الاساسي على المشاعر بس .. متغاضييين الاشيه الثانية مثل الطبايع و الشخصية و غيرها


يوم الوحده تاخذ حد تحبه .... الحب يتبدل عقب العرس الى بروود في المشاعر و هذي طبعا ماينطبق على كل الحالات الي حبوا بس معظمها


لكن الحب الي ايي عقب الزاج حلوو في كل حالاته منها تدرسين شخصية الطرف الثاني و مشاعر جديده تمر علييج و تعيشينها بلحظتها
ع
اخذاللي يحبك ولا تاخذ اللي تحبه

هذا رأيي

انا ما اقول اني ما مريت بسالفة الحب وخرابيطه زي اغلب البنات

لكن لو تبين الصراحه بعد ماكبرت ... وفهمت ... ماودي اخذ من احب

لاني بكون الطرف الضعيف في العلاقه

وهذا ممكن يكون يساعده على انه يتهاون بحقي ..... لانه عارف اني احبه وراح اسامحه

لكن اتخيلي .... اني اتزوج واحد هو يحبني


ياسلالالالالالالالام

انواااع الدلع والتغلي ههههههههههههه

ومع الوقت راح احبه اكييييييييد



فرأيي باختصار ... ما اييد الحب قبل الزواج

لانك ما تعرفين الانسان على حقيقته الا لما تعاشرينه

وتعشين معه الحلوه والمره...

وتعرفين معدنه زيييين

فما فيه احلى من الحب اللي يجي من عشره جميله وموده ورحمه





اختكـ/ عيوبي مزايا
&
بيانسيهq8:
الزواج قسمه ونصيب

والواحد ما يدري اذا بيتزوج عن حب او لا


بس عن نفسي اتمنى اتزوج واحد اعرفه من قبل اعرف شخصيته واخلاقه واسلوبه و(احبه)

والحب قبل الزواج مو عيب ولا حرام اذا ما تجاوز حدوده واذا كان هدفه الرئيسي الزواج
وكل بنت تتمنى تتزوج واحد تحبه ويحبها


بس الحب بعد الزواج اهم لانه يقوي العلاقه بين الزوجين ويقلل من خلافاتهم ومشاكلهم


ومشكوووره اختي على سؤالج الشيق


:clap: :clap: :clap: :clap:

ردي نفس كلامهااااااااااااااااااااااااااااا
س
الحب قبل الزواج لا يأتي الا بعلاقه مسبقه بين الزوجين و هذا ينفيه ديننا الكريم

و الحب بعد الزواج يأتي بعد عشره و تفاهم و وئام و يكون مترسخ و مدعم في القلب

و يكفي ان يباركه الرحمن و يبعث فيه البركه و يشمله برحمته


انطلاقا من هالكلام انا اقول بعد الزواج

و هذا عن تجربه حيث انني لم اعرف زوجي الا بعد كتب الكتاب
ش
بصراحه يامزيونه انا اقول الحب بعد الزواج احسن لان تقليدنا وعاداتنا تقول كذا

لكن انا احس البنت لما تحب زواجها قبل الزواج تكون بعد الزواج طايحه من عين زوجها

صراحه كلام بصبر على فراقكم صح انا رايي بصراحه الحب بعد الزواج احسن

شكلك تقولين وش هل بنت القديمه هههههه

مشكووووووووره على الموضوع
ر
انا اايد الحب بعد الزواج
افرضي قبل الزاج ماااااااااااااااااااااااااحصل نصيب بينك وبين اللي تحبيه
مثلا امه مارضيت؟؟ وماارتاحت لكي؟؟وماتبغ تخطبك؟؟
او
ابوكي ماوافق عليه؟؟وموعاجبه؟؟
ايش يكون حالك بعدها؟؟؟؟؟؟؟؟؟؟
عشان كده الحب بعد الزواج احسن بمليون مرررة
ب
وش بلا بنات المنتدى صايرات فري بقووووووووووووووة

انا اعتقد الي تعرف واحد وتحبه هتى لو اتزوجوا ونجحت علاقتهم كيف بكرة بتربي بناتها

على الخرابيط والحب

اولا للي قالت الحب قبل الزواج لاعيب ولا حرام اقولها حبيبتي انتي غلطانه

ولاتاخذ برايك بنت صغيرة وتاخذين وزرها مع وزرك

اذا ياجماعة صوت المرأة عورة وهو بس صوت

فما بالكم بالسوالف واللقاءات والغرام

وكم من التجارب صارت وفشلت بين المتحابين والمغرمين

حتى الطب النفسي يقول ان الافضل هتى فترة الملكة ما تكون فيه مكالمات بين الزوجين

لان كل شخص يرسم شريك حياته رسمة في داخله كامله والكمال لله وحده

وكل ما اكتشف شي بسيط بشريكه لو ما كان عيب يقلل من مكانه في نفس الشريك الاخر

انا ما اقول لاتتعرفون على ازواجكم بعد الملكة بس اهم شي لاتتعرفون عليهم قبل الخطبه!!!

وشوفوا ما شاء الله وش كثر الازواج السعيدين الي اخذو بعض بشكل تقليدي

الله يهدينا ويهدي جميع المسلمين
ع
انا عندي اهم شي انهم بيحبون بعض
بس كل واحد منهم ما بيعرف الثاني عدل
الا بعد الزواج و بعد ما يعيشون مع بعض في بيت واحد و يعطيكم العافبة
X