شهر العسل وييين ؟؟( الكل يدخل)+شهر العسل لعروس قديمة(دمج)

والله اختي لو تبين هالمناظر تروحين البحر على الشاطئ وطبعا انا وزوجي مانروح الصبح لان الناس تسبح احنا نسبح في البركة اللي في الشاليه ونفطر برة الشالية لان فيه حديقة صغيرة خاصة للشاليه ومغطيه بالاشجار والوروود..وبعدها نروح رحلات لحد المغرب يعني ممكن تروحون جزر نائية مافيها حد الا انتوا..احنا رحنا جزيرة مع 4 ازواج..وبصراحة كان لروعه لان كل واحد مع زوجته في مكان في الجزيرة ومحد يروح للثاني..يعني تسبحين على راحتك وخصوصا اني كنت محجبة فكانوا يقدرون هالشي..عموما رحلاتهم حلوة ماتملين من الطريق لان في وسط الطريق نصيد السمك وبعدها ينزلون الناس يعملوا سنوركلنغ..وممكن تروحون يوم بالغواصة..وبعد ممكن تروحوا رحلات الغوص..واذا تبين تقعدين في الجزيرة ممكن تروحين من جهة الشاطئ اللي يلعبون فيه رياضات مائية يعني هم مايسبحون الا في جهة الشاليهات..والجهة الثانية للالعاب المائية وانت ماراح تكوني فاضية لانك بتتفرجين على زوجك وولادك..عموما لو كانوا الاولاد بيفهموا ومو صغار وايد ممكن تاخذينهم..

مشكورة ام ياسمينا على الرد

مشكورة اختي ام ياسمينا على الرد بسرعة الف شكر:)

سؤال واحد بس .... وين بالضبط جزر المادليف !!!!
في أي محيط بالضبط ؟؟؟ وممكن تعطوني معلومات أكثر عنها !!!!



والسموحه

جزر المالديف قريبة من سيريلانكا..وبالطيارة اخذنا اربع ساعات يعني مو بعيدة..وهي بلاد مسلمة وفي ناس يعرفون يتكلمون عربي..وهي عبارة عن جزر اعتقد اكثر من الف جزيرة ومو كلها ماهولة بالسكان..

:)


سؤال لمن ذهب الى المالديف

كم تكلفة الرحلة لشهر العسل؟ الى المالديف

وهل يكفي عشرة ايام لتلك الجزيرة ام لا:)

شكرا أم ياسمينا على المعلومه :D

اختي ام ياسمينا

ابي تخبريني اكثر عن جزر المالديف
عن السكن والاسعار والاسواق وووووووو
يعني كل شي وبالتفصيل الممل

وترى اهم شي عندي انا وزوجي الامان والهدوء
لاني بصراحة خوافة
وزوجي بعد ميحب الا البلاد الاسلامية لانها اكثر
امان وهدوء
الصيف الماضي رحت ماليزيا وكانت روووووووووووووعة
وتجنن رغم ان زوجي كان معارض في البداية الا انه
رضخ لرغبتي في النهاية
وبحكم اني مااخلع عباتي لما اسافر
هذا يخلي فرصة سفرنا محدودة خوفا من المضايقات
والاعتداءات الخارجية

طبعا المالديف بلاد اسلامية..والحمدلله امانة جدا..ومافيها اسواق والفندق اللي قعدنا فيه غالي واعتقد ان فيه بجميع الاسعار..يعني ممكن تلقسن فنادق رخيصة او اسعارها معقولة...بس انت في المالديف ماراح تكزنين في دولة هي جزر صغيرة فماراح تحتاجين تركبين سيارة ولا اسواق ولا مطاعم ولافي اي مناظر تشوفينها غير البحر والجزيرة والماعط تكون في الجزيرة وهي تابعه للفندق طبعا يعني المالديف مختلفة عن اي مكان رحتوه من قبل مايبيلها الا ملابس مناسبة للرمل والبحر وشبشب وكريم واقي للشمس..وبس...يعني لامكياج ولا كشخة..انت بتروحين تسترخين وترتاحين هناك وبس...بنات انا حبيت اعرف عن المدينة اللي قالوا عنها البنات في النمسا..ابي معلومات اكثر..لاني ابعث لهم على الخاص ومافي رد!!!:mad:

يابنااات على هاي الامراض اللي منتشره في كل مكان مرض الالتهاب الاسيووي اللي اجتاح كل مكاااان

فكررررررت اني اقضي شهر العسل في












وين تتوقعووووووووون













والله مكاااااااااان يجنن



















اه بس تعبت


























بس خلاص بقووولكم








صلاله والله ماشي احلى عنها ادعووووووووولي بالتووووووفيق :o

مشكورة على الموضوع المتميز

انا الصراحة افكراروح ماليزيا روعة

وحلوة

واسلامية ومناظرها طبيعة


واتحسين براحة فيها

والله شي حلوووووو كلنا نستفيد
ومو لازم بس شهر عسل حتى في السياحة
تحياتى

السلام عليكم ورحمة الله وبركاته

حبيت اعرف معلومات اكثر عن ماليزيا

:smile:بنات انااريد معلومات عن اليونان او جزيرة موريشيوس لاني شفت لهاصور وتخبببببببببببببببببلت :s حدراح لهذي الجزيره وشوشفتوا فيها اريد اعرف كل شي عنهم بلييييييييييييييز...

اليونان او جزيرة موريشيوس

http://go.3roos.com/bM5zscxYmZe

:D2:D2:D2

انا رحت شهر العسل بعد سنتين من الزواج .. وطبعا خليت بنتي عند امي ..عشر ايام الى تايلند رحنا بوكت وبانكوك وما جاورها .. المهم استانست وايد .. والمساجات روعه .. خصوصا في المنتجعات الراقيه .. تخيلو حسيت اني الملكه وكل اللي حوالي خدم وحشم كان لبسهم ورد والوان .. مطقمين.. وكلهم يخدموني .. المهم استانست وايد والرحله كلفتنا 10 آلاف تقريبا .. مع الفندق وجميع المصاريف .. ابدا ما احتجنا الى السياره كل شي خطوتين البحر والسوق والمقاهي والمطاعم ..((ورخييييصه)) بس عيبها شوارعها وصخه(عزكم الله) وروائح كريهه تنبعث من كل مكان :pain:


اهم شي راحتنا ..وتعويض شهر العسل اللي راح علي .. تزوجت اليوم .. وباجر زوجي داوم في الجامعه :o

انا بقولكم رحله شهر العسل كنا ناوين نروح امريكا بس بعد الاحداث ما صار لنا نصيب
بس والله كانت فكره زوجي حلوه
اول شي رحنا 5 ايام روماا
بعدين رحنا يومين فينيسا
وبعدين اخذنا كروز من هنااك هذا احلى شي بالسفره
تخيلوا السفينه 18 طابق وكل شي فيها
تقريبا 5 مطاعم كبيره وسوق و مسابح وصاله العاب وكوافير ونادي رياضه
وكل شي يخطر في بالكم عند المسبح في كشكات همبرجر وبيتزا
طبعا الاكل كله في بلاش تدفعين مقدم الغرفه ومبلغ محدد يصير اكلكم وشربكم بدون فلوس ومده الرحله 12 يوم
اول 3 ايام كله في البحر في السفينه رابع يوم رحنا اسطنبول وخامس يوم كشادس في تركيا
سادس يوم رحنا اليونان سابع يوم رحنا ايطاليا مدينه اسمها فلورانس الي فيها برج بيزا
وثامن يوم رحنا نابولي مدينه في ايطاليا وتاسع يوم رحنا موناكو في فرنساا وعاشر يوم في البحر واليوم 11 وال 12 في برشلونا في اسبانيا
طبعا طريقتهم عادي اغرضك تصير في الغرفه الي انتي ساكنه فيها ومرره امينين
لما ننزل في مدينه ننزل من الصبح الى الليل الساعه 8 بالليل لازم نرجع السفينه عشان تكون بتمشي
طبعا اذا نزلتي اي مدينه تكون السفينه مسويه رحله الي داخل هذي المدينه في باصات ويدورون فيك حول معالم هذي المدينه
طبعا اخر يوم يوم وصلنا برشلونا رحنا سكنا في فندق وقعدنا فيها 5 ايام
وبعدين رحنااا باريس وقعدنا فيها 10 ايااام
وبعدين رجعنا الرياض
بس والله الصراحه هذا الكرووز لا يفوتكم والي تبي اي سؤال عنه انا جاهزه
وعقبال كل الي ما تزوجوا لسه

ماشاء الله الله يوفقكم ان شاء الله يارب ويهنيكم وتصيرون مبسوطين دائما

وانا من كثر ماقريت عن البلدان والمدن اللي تكلمتوا عنها حسيت اني زرتها

لدرجة اني تخيلت المناظر وكل شي

تسلمين على هالموضوع الرائع