قالي لازم تنسيني

السلام عليكم ورحمة الله وبركاته

قال رسول الله صلى الله عليه وسلم " لم يُرَ للمتحابين مثلُ النكاح ".

صدق رسول الله صلى الله عليه وسلم

الحب جائز قبل الزواج وهذا مو معناه انه نربط حياتنا بس من الجانب العاطفي ،، الزواج يكون مدرك من جميع الجوانب

مو عيب انه الفتاه تحب شاب أو يتعلق قلبها بشاب والعكس ،، وشرط انه هذا الحب لا يلهي عن طاعة الله وعبادته ،، وهذا الحب يكون طاهر من ناحية انه الفتاه تكون بعيده عن أنظار الشاب لا تشوفه ولا تطلع معه ولا تكلمه ،، وإذا حب يعرض عليها الزواج يكون الكلام في إطاره لا يتجاوز الحدود الشرعيه ،، وهذا بوجود محرم أو موافقة الولي

وكون انه الشاب والفتاه متعلقين في بعض الأفضل لهم الزواج وهذا ما ذكره الرسول صلى الله عليه وسلم في حديثه

ورغم الفروقات اللي تصير الحين ،، سواء من بعد المكان أو ظروف العمل أو ظروف اخرى ،، دام انه الشاب مقتنع ومفكر يتزوج مافي شئ يحده عن الزواج ويتقدم ويطلب إيد البنت من أهلها ــ تحاشيا للشبهات ،، هذا لو يحبها ويخاف عليها وعلى مصلحتها ينهي الحب بالزواج ،،

ولو كان الشاب يحب البنت وأفصح عن حبه لها وبيختم هالحب بالزواج ،، وإستمر معاها فتره طويله ولم يتقدم لخطبتها وقام يتلعث لها ويتحجج بظروفه وأشغاله (( هذه علاقه غير شرعيه ومحرمه )) لأنها تعتبر علاقه لمجرد التسليه وفي ناس كثير الحين من هالنوع وخاصه من خلال شبكة الإنترنت ((غرضهم الوحيد التسليه )) وهؤلاء ناس بدون ضمير

فأنا نصيحتي لج يا اختي بإنج تشوفينه إذا كان عازم على الزواج ويبي يتقدم ــ يتقدم لأهلج فـــــورا ويطلب إيدج ولو من خلال إتصال يعلن فيه عن قدومه ،، المهم يصير شئ شرعي ،، وإذا ما كان مفكر يتقدم الحين فأنا أقولج إبتعدي عنه نهائيا ولا تكوني معاه في علاقه لا يرضى الله عنها ولا رسوله ،، لأن الرجل مهما الظروف اللي تعتريه في مسألة الزواج لا يتهاون وخاصه إذا كان راغب في البنت ويبيها على سنة الله ورسوله ،،

في مثل يقولونه عندنا في الإمارات ---> للرجال << اللي يبي الصلاه ما تفوته الجماعه >> يعني الريال اللي يبا يصلي مستحيل تفوته الجماعه في المسجد

يعني لو هو ناوي يتقدم لج بيسوي المستحيل رغم ظروفه حتى لو ما كان يشتغل وحتى لو كان على قد حاله ،، الزواج مافيه عيب ،، وإذا من مسألة الخطوبه مو مشكله لو يخطبج الحين ولين يكون نفسه شوي شوي ويبدأ بأمور الزواج الباقيه فيما بعد..

المشكلة انه الأنثى عباره عن كتله من المشاعر والأحاسيس واي كلمه حلوه تسمعها أو تقراها تصدقها بكل طيب نيه ويغلب عليها الجانب العاطفي ،، بس لو نفكر بطريقة الرجال من الجانب العقلي راح نوزن الأمور صح 100% واحسن عن الرجل بعد .

وأسمحيلي على الإطاله
اختج..