السلام عليكم ورحمة الله وبركاته
اخي فالله اتمنى منك تفسير حلمي
اسمحلي احب اكتب بالعاميه علشان اقدر اوصل الموضوع افضل
انا متزوجه من سنه تقريبا و الله مارزقني باطفال الحمدالله على كل حال
ومخلصه دراستيوما اشتغل وامي وابوي عايشين الحمدالله
حلمت حلمين امس ومن نشيت وانا بالي مشغول فيهم
اول حلم كان عندي عقد من الذهب الاصفر مرصع بالاحجار الكريمه
ومعاه خاتمين وانا في الحلم كنت حابتنهم مع انه في الحقيقه لو شفتهم ما اعتقد
اني اشتريهم كنت ماسكتنهم في ايدي اليمين لاني شفت ولد مراهق تقريبا
عينه عليهم ويحاول يخربهم عني وانا اصرخ في وجه واقوله لا تخرب عقدي
مشترتنه ب5000 درهم لكن كان يعاند ويرجع يخربهم وكنت اصفعه علشان ما يخربهم
مره ثانيه فجأه شفتهم اختفن الخاتمين والعقد
وكنت مظايقه واقول محد غير لصبي الي سرقهم وكانت ملامح الولد وايد فيها من
ملامح البنات وحتى حركاته وهذا الشي ما عجبني فيه وتيمت ادوره انا وزوجي
فجأه حصلته ودليت زوجي عليه مسكه ورجعنا الذهب وبعدين قمت من النوم
اما الحلم الثاني فكان وايد ثقيل علي لانه كل الحلم وانا مظايقه وايد وااايد
واقفه بروحي رغم انه المكان الي انا فيه مريان ناس وكانت نظراتهم لي وايد غريبه
نظرتهم تعبر عن حزنهم علي كأني كنت مذنبه بشي وبتحاسب عليه ومحد كان واقف وياي
غير زوجي وكان ماسك ايدي ويواسيني وكان كل تفكيري اني بدخل السجن لكن ما كنت
اعرف في شو كنت مذنبه وطول الوقت وانا مهمومه بشكل كبير وافكر بحالتي ومصيري
احاول اطلع من المكان الي انا فيه بس ارجع مره ثانيه واقف وافكر بالهم إلي في قلبي
فجأه ركظت احاول ادخل مكان اقعد فيه بروحي وشفت زوجي يركظ وراي لانه كان
خايف لا اسوي شي بنفسي من الهم الي فيني وكنت اقول في خاطري انا اكيد بيعدموني
وإلا ليش زوجي مهموم علشاني هالكثر وبعدين قمت من النوم
ياليت يا اخوي اتفسر الحلمين ما عليك امر لاني فعلا مستغربه منهم واتمنى اعرف تفسيرهم
والسموحه منك طولت عليك
اخي فالله اتمنى منك تفسير حلمي
اسمحلي احب اكتب بالعاميه علشان اقدر اوصل الموضوع افضل
انا متزوجه من سنه تقريبا و الله مارزقني باطفال الحمدالله على كل حال
ومخلصه دراستيوما اشتغل وامي وابوي عايشين الحمدالله
حلمت حلمين امس ومن نشيت وانا بالي مشغول فيهم
اول حلم كان عندي عقد من الذهب الاصفر مرصع بالاحجار الكريمه
ومعاه خاتمين وانا في الحلم كنت حابتنهم مع انه في الحقيقه لو شفتهم ما اعتقد
اني اشتريهم كنت ماسكتنهم في ايدي اليمين لاني شفت ولد مراهق تقريبا
عينه عليهم ويحاول يخربهم عني وانا اصرخ في وجه واقوله لا تخرب عقدي
مشترتنه ب5000 درهم لكن كان يعاند ويرجع يخربهم وكنت اصفعه علشان ما يخربهم
مره ثانيه فجأه شفتهم اختفن الخاتمين والعقد
وكنت مظايقه واقول محد غير لصبي الي سرقهم وكانت ملامح الولد وايد فيها من
ملامح البنات وحتى حركاته وهذا الشي ما عجبني فيه وتيمت ادوره انا وزوجي
فجأه حصلته ودليت زوجي عليه مسكه ورجعنا الذهب وبعدين قمت من النوم
اما الحلم الثاني فكان وايد ثقيل علي لانه كل الحلم وانا مظايقه وايد وااايد
واقفه بروحي رغم انه المكان الي انا فيه مريان ناس وكانت نظراتهم لي وايد غريبه
نظرتهم تعبر عن حزنهم علي كأني كنت مذنبه بشي وبتحاسب عليه ومحد كان واقف وياي
غير زوجي وكان ماسك ايدي ويواسيني وكان كل تفكيري اني بدخل السجن لكن ما كنت
اعرف في شو كنت مذنبه وطول الوقت وانا مهمومه بشكل كبير وافكر بحالتي ومصيري
احاول اطلع من المكان الي انا فيه بس ارجع مره ثانيه واقف وافكر بالهم إلي في قلبي
فجأه ركظت احاول ادخل مكان اقعد فيه بروحي وشفت زوجي يركظ وراي لانه كان
خايف لا اسوي شي بنفسي من الهم الي فيني وكنت اقول في خاطري انا اكيد بيعدموني
وإلا ليش زوجي مهموم علشاني هالكثر وبعدين قمت من النوم
ياليت يا اخوي اتفسر الحلمين ما عليك امر لاني فعلا مستغربه منهم واتمنى اعرف تفسيرهم
والسموحه منك طولت عليك