حوامل البحرين .. وتجهيزاتهم

اممم انه الكل يقول لي نطري ونطري لشهر السابع بس مااقدر انطر امووت ورحت شريت لي تقريبا معظم الاغراض

انه اللحين في الشهر السادس وشريت لي فراش السرير وثياب تقريبا 11 بدله بس موعارفه اوفقف ثياب وله لا؟؟

يقولون اشتري شوي ثياب لانه في اسبوعين او شهر خلااص يكبر وتشترين غيرها

وبعد شريت المراضع وبعد وايد اشيااء بس مابشتري سرير لاني بوصي على غرفه كامله بسويها تفصيل

وشريت حوض السباحه مع اغراضه فوطه استفنجى وشريت بعض الكريمات

وعن سالفة التوزيعات انه مخليه في بالي مكان اسمه لاريسيا بصراحه شغله مضبووط وحلو واسعاره زينه يعني في الارخص وفي الغالي بس كلشي حلو :)

حبيبتي نحلة عسل ممكن تدليما بالضبط وين مكان المحل نجمة ساطع وكحلات التوزيع في شارع البوكوارة او الرفاع؟؟؟

هلا اختي


محل النجم الساطع هاي في اول شارع بوري على ايدج اليمين اذا تدخلين عليه من سوق واقف

والمحلات الي في بوكوراه اول ماتدخلين بوكواره بتلاقين اشاره ادخلي عليها يسار و بتشوفي المحلات واحد على اليسار وبتمشين شوي و بتلاقين واحد على اليمين

السلام
آنه مو حامل بس عجبتني السوالف
خخخخخخخخخخخخخ
بنتي توها الله يحفظها ماكملت السنة ((في شهر 9 تكمل بإذن الله))
عاد المهم
خذت المهادات والملابس الصغيرة من ((ريام)) مجمع ناصر
وباقي الأغراض من مذركير اللي في السيف ومذكير الرفاع وحصلت في دبنهامز ملابس حلوة خذتها
بس انصحكم لاتشترون شركة جونيور جي اللي في دبنهامز تراها موزينة وكل ملابس بنتي بعد الغسال صارت موزينة اختربت، وحصلت في ادمز ملابس حلوة بعد ((الي في بي اتش اس))

للعلم
توجد شركتين جونيور
الأولى جونيور جي وهي تباع في دبنهامز ((رديئة جدا))
والثانية جونيور في سلسلة مذركير التقليد مو الأصلى

والله عن تجربتي جربت النوعين ولقيت الي في مذركير هي الأفضل مع العلم انها بها بعض العيوب لكنها افضل من الي بدبنهامز

انه ما عندي خلفية كللللش

لأني ما حملت ولا مرة

بس انه اشووف اخوااااتي وزوجات اخواني

على طول من مذر كير و بي اتش اس

حتى اسرّة يهالهم من مذركير

وااااااايد يمدحون فيهم

شخباركم حوامل البحرين ؟؟

هلا بنات انا امس رحت محل زوانا بجدعلي بعد عنده شغلات حلوة للتوزيع وسمعت ان ادم اللي بمجمع البحرين فيه تخفيضات بس مادري للحين او لا

اختي ثرثرة قلم وين الرقم ممكن حبيبتي؟؟؟

بنات البحرين

انصحكم في كافي لوكادو
صج عجيب و لذلذ احسن من و أرقى من كل الأماكن اللي قلتوها و الكافي يستورده من هولندا و سويسرا و فرنسا

في فرعين له واحد في الغربي و الثاني في صفه مجمع ناصر (صيدليه ناصر اللي يم الاستاذ)

اهلين اختي

بغيت توصفين المحل في السعوديه والبحرين

ام مجتبى

بنات البحرين ابي اسألكم حق وحده أعرفها

من وين تشترون ثياب الرضاعه ؟ تبي راقيه و كشخه من السعودية و البحرين؟

اي والله وين التفاعل
اختي ثرثره قلم وين محل كارت بلانش بالضبط ؟؟ و بجم أسعاره
و بالنسبه لنعومي علة جم الاسعار
وشكرا

اي والله وين التفاعل
اختي ثرثره قلم وين محل كارت بلانش بالضبط ؟؟ و بجم أسعاره
و بالنسبه لنعومي على جم الاسعار
وشكرا

كارت بلانش في 3 فرووع
اول واحد فتح في مدينة حمد في سوق واقف بجانب استوديو صحاري ولاصق في لمسة فرنسية
والفرع الثاني في بوكوارة على الشارع اللي في صفة محلات الخياطة إيموجين ولوجين وباقي المحلات
اما اللي في المحرق عاد ما ادلة

وبخصوص التوزيعات
آنه خذتها من الوها الي في الغربي
بصراحة صاحبة المحل ذهب وتينن تسويلج الي تبين
اذكر آنه طلب تقريبا اول دفعة كانت يمكن 70 او 80 علبة
وضيوفي كثار والله، حتى غرفتي كانت ماتفضى وخاصة اني قعدت لمدة اسبوع
عاد لما نقص علي وآنه في المستشفى مسكينة دزت لي دفعة يديدة برزتها في خلال ساعتين يمكن والله ماقصرت

كارت بلانش في 3 فرووع
اول واحد فتح في مدينة حمد في سوق واقف بجانب استوديو صحاري ولاصق في لمسة فرنسية
والفرع الثاني في بوكوارة على الشارع اللي في صفة محلات الخياطة إيموجين ولوجين وباقي المحلات
اما اللي في المحرق عاد ما ادلة

وبخصوص التوزيعات
آنه خذتها من الوها الي في الغربي
بصراحة صاحبة المحل ذهب وتينن تسويلج الي تبين
اذكر آنه طلب تقريبا اول دفعة كانت يمكن 70 او 80 علبة
وضيوفي كثار والله، حتى غرفتي كانت ماتفضى وخاصة اني قعدت لمدة اسبوع
عاد لما نقص علي وآنه في المستشفى مسكينة دزت لي دفعة يديدة برزتها في خلال ساعتين يمكن والله ماقصرت

مساكم الله بالخير يا حوامل البحرين

بالنسبه حق التجهيزات في مكان في جدعلي اسمه (دولتشي) بصراحه انا ووووايد استانست على الاغراض اللي عندهم من تشاكيل جديده و أفكار مبتكره ... حتى اذا حبيتي تجيبين فكره من عندج هم مستعدين ينفذونها على طوووووووول ... وأسعارهم بعد كلش مناسبه ...

زوروهم .. اكيد راح تندهشون :clap:

اختكم .. إنسانة

مرحبا يا بنات

بالنسبة لتجهيزاتي ،، خلصت الامتحانات على خير

وابتديت

خذيت ثياب للبيبي من مذركير اللي بالمارينا ،، وBHS،، ومذركير اللي بالسيف .. وخلص وقفت

وافكر الحين آخذ سرير الصغير للنفاس من مذكير المارينا لأن شفت اسعارهم مناسبة وخاصة انه بس حق النفاس

وبالنسبة لشنطة الصغيرة وشنطة الكبيرة والمرقد .. باخذهم بعد من مذركير ما اعتقد احد بيفصل لي الحين وخاصة جريب بادخل التاسع وقلت باروح اشوف قبل في الخاجة وفي محل اللي في الدانة مال الأسر المنتجة ،، وباشوف محلات مني ومناك .. لعل وعسى قبل ما اخذ على طول

بالنسبة للتوزيعات شجعتوني اروح الوها ،، وقلت باروح الفراند شغلاتهم يقولون وايد حلوين وويستاهلون السعر اللي محطوط عليهم

بالنسبة لثياب ،، باخذ ملابس داخلية ،، بس هل اخذهم وساع أو على قياسي الحين؟؟؟ خايفة اخذ اشياء صغيرة ؟؟!!

وملابس المستشفى والمفرش باحاول يكونون طقم .. باخيط بسرعة الثياب والمفرش باخذه جاهز اغلب الظن سادي ..

وملابس البيت باروح اشوف كارث بلانش وقلت باشوف كوخ الأمومة وباخذ جلابيات بسيطة وقمصان نوم من سوق محرق .. حق الطقطقة .. لأن نعومي وايد صعب اروح في هالوقت الضيج .. وبعد ياريت تدلوني على أماكن راقية .. ابي اطلع كأني عروس ما ابي اطلع حالتي حالة في النفاس

باروح اخذ شاور تري ،، وباخذ مستلزماته من شامبو وصابون وكريمات ،، وبعد مقراض اظافر ،، مشط وبودرة .... ؟

على فكرة خذيت كاميرا ديجتيل بعد عشان هاك يا تصوير .. :)

ما ادري اذا نسيت شيء ذكروني .. شكلي ناسية نص الأغراض .. والله يستر الوقت قرب وانا ما سويت شيء .. باموت من القهر من هالسالفة .. احس روحي في الوقت الضايع ..

شنطتي وشنطة الصغير للمستشفى شنو أحط فيها وشكثر بس رجاءً ما ابي عدد مبالغ فيه انا باقعد في المستشفى يومين ..... ؟؟
ومتى اجهزههم ..؟؟

بالنسبة لتنظيف الجسم .. متى ابتدي انظف؟؟

هل اودي معاي هد دراير .. والله لا؟؟

انتظر مساعدتك