بنوتة قطرية:
شوفي حبيبتي كل أم فينا ماتقدر تستغني عن ضناها مهما كان ...
بس انتي رايحة رحلة علاج واحتمال تسوين عملية على كلامج ويمكن تطول الفترة ، فهل في هالفترة انتي تقدرين تجابلين ولدج وتبارينه خصوصا انه عمره 8 شهور يعني بعده مايفهم ولايقدر يشل عمره ؟
وبعدين اذا تنومتي في المستشفى من غير شر من بيشوفه ؟ ريلج يعرف حق اليهال ...
انتي تدرين انه الرياييل مب مثل الحريم ، يعني مالهم بارض عاليهال مثلنا ولايتحملونهم ...
انا اشوف صعبة تاخذينه معاج ، يعني الرحلة مب هينه طويلة ...الا اذا مثل ماقالت موزة حد يقدر يروح وياج اخته او اختج عالاقل يبارون الياهل وياخذون بالهم منه ...
وتروحين وترجعين بالسلامة حبيبتي وماتشوفين شر ...
انا راي من مثل راي اختي بنوته قطريه