الحبة الحمرا

شكلها نفس البذور صغاااااااااااااااااااااااااار مررررره ولونها احمر
العطار راح يعرفها
اعتقد هي تدر الحليب
وتفوريها مع ماي، وتشربيها ببذارها اعتقد ، إسألي احسن
لاني اذكر امي فورت جدر لختي يوم ولادها تشرب منه وتحط الباقي بالثلاجه مع مايه
وعقب نسيناه بالثلاجه قام طلع شجر
ههههههههههههههههه
والله العظيم

أختي تلقينها في السوق ..

وطبعاً ليا جبتيها البيت تنضفينها من الحصى ..

وليا بغيتي تطبخينها في لها بهارات خاصة ..

ولو تبين الطريقة عدل بسألج أمي لانها دوم تسوي لكل بنات العيله طلبيه طبعاً من زود ماهو لذيذ ..

لو كنتي في قطر والله مابخلت عليج ..

والله يهون عليج ويقومج بالسلامة ..

ولي رجعة إن شاء الله عشان الطريقة .. أوكي ..

انا بعد ابا الطريقه

مثل حب السم سم بس لونه احمر ****
بس خطيره عالحاااااااااااااااااااااااااااااااااااااااااااااااااااااااااااااااااامل لانه تنضف الرحم ((( راح الجنين )))

وتسرع الدوره الدمويه

يم يم اموووت عليها وامسات كلت منها شوووويه لاني حامل وخفت ان لها تاثير قوي على الرحم فعن خاطري كلت شووووووووويه بس

بشوف الوالده من وين تاخذها وبخبرج

حبة الحمرا..زينه للنفاس وحتى للدوره لانها اتنزل الدم..

وتنظف الرحم بعد الولاده..ونحن نستخدمها دايما للحرمه المربي..

وطبعا لها عده طرق الحديثة..بالحليب والكستر..والطحين والبيض وسوالف وايد..بس

احسن شيء بالطريقة العاديه احلى وهي:

نغسل مقدار فنجان من حبة الحمرا وتنقعها لمده نصف ساعه في الماء.
نغلي مقدار الدله ماء ونضيف لها
2 ملعقة فلفل اسود بودر
2 ملعقة جرفه بودر
3 ملعقة سمن عربي (عداني)
شويه هال وسكر
ونضيف حبة الحمرا وتترك حتى تغلي غلوتين.

تصب في الدله وتشرب على مدار اليوم.

وبالعافيه عليج.

:shy: مشكوووووووووره يا سحناه جزاج الله كل خير قوليلي شو تبين ادعيلج يوم اربي؟؟؟؟؟؟؟؟؟؟؟؟

اباج تدعيلي..

بحسن الخاتمه يالغاليه

عندنا بالبحرين نسميه رشاد وطبعا مثل ما قالوا العرايس يعطى بعد الولاده
وطريقتها عندنا يكون بعد النقع يضاف إلى دقيق محمص الذي نضيف عليه مسبقا الماء والسكر والبهار والبيض حسب الرغبة ويصير شكلها مثل الشوربة لذيذه جدا واموت:shy: فيها :ok:

مرحبا بنات ... انا داشه عرض لاني احب الحبه الحمرا او الرشوفه يسمونها عندنا ... وبعض الدول يسمونها رشاد

المهم يا بنات عندي طلب كل وحده تكتب لنا طريقة تحضيرها عندهم على اختلاف البلدان شو رايكم ...

يعني الطريقه اللي كتبتها الاخت سحناه مشكوره .. هذي طريقتنا من يوم جداتنا ...

فاللي تعرف طريقة الكاسترد او الحليب او بالطحين تكتبها مشكوره ...

بسم الله الرحمن الرحيم

السلام عليكم...

هاي وصفة الحبة الحمرا...:gum:

ونرجع للحبة الحمرا( الحريروه) :
المقادير:
كوب حبة الحمراء
نصف كوب طحين
لتر حليب طازج او اكثر حسب الحاجه او ماء فقط اختياري
ملعقتين صغيرتين قرفه
ملعقه زنجبيل
ملعقتين هيل
ملعقه زعفران
نصف ملعقه فلفل اسود
نصف ملعقه قرنفل مسمار
كوب أو اكثر سكر حسب الذوق وممكن من غير سكر و ان تحلى بالعسل
كوب سمن
الطريقة
نغسل حبة الحمراء ونحطها في الحليب او الماء زائد جميع البهارات
نحظر قدر نضعه على النار
نضع السمن والدقيق
نقلب حتى يكون بني فاتح
نضيف الحليب وحبة الحمراء السابقة الذكر على الدقيق والسمن ونقلب
ثم نضيف السكر حسب الحاجه سنلاحظ ان حبة الحمراء تتشرب لون السائل
وتكون بمنظر مختلف ورائع اسكبيه في دله وقدميه في فناجيل الشاي ساخنا

منقوووووووووووووووووووول

هيه نحن نسويه مثل الشوربه

نسميها سخااانه والبعض رشووفه

ويكون من اضافة الطحين من ضمن المكونات

بصراحه انا احب الحبه الحمرا بس ما اعرف كيف يسوونه

مره سويتها بس ما ضبطت

لكن اول مره آكل حبه الحمره وكان في غاية اللذه والروعه

من واحد صاحب اخوي جاي زياره عندنا من الامارات وكانوا اهله
مسوين له في ترمس ..

ويوم وصل جاب اخوي الترمس عسب نغسلها له

كان باقي فيها حوال كوب وشربته وااااااااو لذيييذه

خاطري اتعلم اسوي نفسها بالضبط

هيه لذيذه لذيذه لكن هل اتمتن ولا عادي تشربونها ومايزيد وزنكم بلغوني لاني من خمس شهور ما يتني الدوره حوسه

اختي دموع الشوق

كان زين اتمتن .. انا وحده ميته ضعيفه .. وخاطري امتن :)

وانا يبت لكم طريقه امايه جربوها واااااااااااايد لذيذه وكل حد يتخبل عليها صدق ولاحظت انها تختلف شويه عن الطرق الباقيه اللي ذكروها خواتي هنا

المقادير :

الحبه الحمرا
سكر
سميد ( هاللي يستخدمونه للبسبوسه)
( هيل وقرفه) مطحونين مع بعض من قبل
زنجبيل
( سنوت + فلفل اسود + الحبه الحلوه + كزبرة جافه ) مطحونين مع بعض من قبل


المهم ماعرف للمقادير شكثر لازم تحطون منها بس اكيد كل وحده وحدس الطبخ عندها وتضيف حسب الكميه اللي هي تبا تسويها :)

وهاذي الطريقه

تنقعين الحبه الحمرا في الماي شوي وبعدين تحطينها على النار عشان تغلي وتضيفين لها السكر

وكلما تصير رغوة فوق يعني تبدا تفور لازم تشيلين الرغوه عنها اول بأول وتخلينها تطبخ على النار فتره كاااافيه عشان تصير اوكي

في جدر ثاني حمسي السميد مع الزيت
وبعدين ضيفي له خليط القرفه والهيل
وبعدين الزنجبيل
وبعدين خليط السنوت وفلفل اسود والحبه الحلوه والكزبرة الجافه

لين ما تختط المقادير كلها مع بعض وتصير اوكي روحي صبيها على الحبه الحمرا في الجدر الثاني وخليها على النار لين ما تستوي
وبعدين انتي تتحكمين فيها اذا تبينها خفيفه او العكس ونحن نحبها وسط مب وااايد خفيفه ولا واايد غليطه وتطلع جنااان


جربوها ما بتندمون:)